Jenesis 21:6 - Buka Blahi Ka Cheke Holo

⁶ Eghuteuna Sera ne cheke eghu, “Ka narane teke fablahi ghau iara God na, iara neke glealeꞌa fara neke maꞌe. Eghuteuna iheire te gnafa teke nomhini igne na mare ginauna na jaola ne glealeꞌa fara na maꞌe balugu iara.

Jenesis 21:6 ပူးပေါင်းရင်းမြစ်များ

Profet Isaia 54:1

Lord ne cheke eghu, “Ghotilo nogu naikno iara ra. Funu tifa te ghilei mei posa gognaro gne, ghotilo jateula gaꞌase khara te theo thugnara eghu. Nu gognarona ghotilo gleale'a nei koje fabiꞌo eghu. Eghuteuna neuba ghotilo ne jateula gaꞌase te tei kokoni khetogna na ia neu, iara ginauna fablahi ghami ghotilo, eghuteuna ghotilo ginauna au thumi kmana salaꞌuni gaꞌase te au khetogna na.

Nodi Khoje Hatimare Mae Jiu 126:2

Ka narane tuana tahati maꞌe nei koje eghu, naugna tahati neke thofno glealeꞌa fara ngala. Aonu naikno te theome laseni Lord teure ne cheke eghu, “Lord na la edi glepo te biꞌo fara igre la toghodi naiknodi Israel gre.”

Jenesis 17:17

Mae Ebraham ne pogho soru pari ne maꞌe. Mana ne jaglo nogna ne cheke eghu ka thegna, “Tore, jateula iara mae tela kaisei gobi finoghagu hi gne eghu site mala ke au sua na ia? Eghuteuna Sera gne teuna la nheva salei finogha gnahi gognaro na la theome tangomanahi te au sua na.”

Luku 1:58

Eghuteuna, kheragna nei vikegna teu Elisabet re ne nomhini te thono keli fara Lord ranghini naꞌa na ne kafe gleale'a.

Luku 1:14

Iagho ginauna na gleꞌa fara kate filoni mana na. Nu naiknore ginauna na gleꞌa langau kate nomhini karhagna mana na.

Profet Isaia 49:21

Ka narane igne ghotilo ginauna jaglo nomi nei glealeꞌa eghu, ghotilo na cheke eghu, ‘Thuda tahati igre neke karha aheva sigrea? Iheire teke fakarhidire? Te ghathoni tahati na, tahati la tei kokodihi thudara la theohi thuda. Mae naoka neke atha fajifla ghita ka noda namono igne neke tei loku jateula naikno sneka neku ka nodi kantri. Ihei teke reireghidi sua igre, te ghilei kmana fara tuare?’ ”

Nodi Khoje Hatimare Mae Jiu 113:9

Mana neke fablahidi goro gaꞌase te theo thudire mala ke au kmana thudi nei glealeꞌa eghu reꞌe. Cheke fakelini nanghagna Lord!

Letas Teke Riso Tei Mae Pol Ka Khiloau Rom 12:15

Ghotilo mala gleale'a baludi iheire te gleale'a, eghuteuna mala tanhi baludi iheire te tanhi.

Hibru 11:11

Mae Ebraham ne fatutuani ni God. Naugna igne, neuba mana ne kuekuꞌehi, eghuteuna Sera khara theo sua hi, God ne tusu lao nolaghi ka mae Ebraham mala kmagna mae Isak. Naugna mana fatutuani ni God na theome ghatho ihoni nogna nhaꞌa cheke na.

Ululahu Samuel 1:26

Hana ne cheke eghu ka mana, “Mae biꞌo, iagho filo glani ghau ngau iara ba theo? Iara ngala gaꞌase teke filoni iagho teke kegra teke tarai ka Lord Saelo ia.

Profet Isaia 49:15

Aonu, Lord ne cheke eghu, “Ba, gaꞌase na tangomana te ghatho ihoni thugna te chuꞌu teuna? Ba, naꞌa tangomana te tirognani thugna teke karha ka thegna na? Thono theo fara! Nu iara jateula kaisei gaꞌase te theome ghatho ihoni thugna na ia eghu theome tangomana te ghatho iho ghami ghotilo na.

Profet Jeremaea 20:15

Snakre lao puhi biꞌo ka mae ihei te atha nonomho te mei cheke eghu ka mae kmagu iara na, “Khetomu iagho ia au kaisei thugna nalhaꞌu.” Mae kmagu iara na nomhini igne neke gleale'a fara.