Jenesis 21:33 - Buka Blahi Ka Cheke Holo

³³ Mae Ebraham ne joꞌu kaisei gaju tamarik jare Bereseba. Jare mae Ebraham ne tarai ka Lord, mae ihei te karha fabrahu te tifa te tifa.

Jenesis 21:33 ပူးပေါင်းရင်းမြစ်များ

Ululahu Timoti 1:17

Nafnakno nei siasigla ranghini mae King te funei fabrahu tifa tifa! Mana theome tangomana te lehe eghuteuna tahati theome tangomana te filoni mana, eghuteuna kaisei mana ngala God na. Tahati ginauna na ghatho tahuni nei cheke fakelini nanghagna mana na tifa tifa. Amen.

Profet Isaia 40:28

Ba? Ghotilo theome laseniu kolho? Ghotilo theome nomhini kolho? Lord na God mae ihei te au fabrahu funu tifa, eghuteuna mana neke vuavuha gobigna lepo ka nauthoglu igne. Theo kaisei naikno tangomana te thokeni gaoghathogna Lord na. Mana theome tangomana te babaꞌo ba te nigra na.

Nodi Khoje Hatimare Mae Jiu 90:2

Tifa na kani theome vuavuha nga teku iagho nauthoglu igne nei theome vuavuha teku thogele igre teku na, iagho neke kulu au nekuhi. Iagho na God ngala funu tifa, gognaro gne nei nathuꞌu nauriha eghu tifa tifa.

Profet Jeremaea 10:10

Nu Lord, iagho thofno God. Iagho God mae ihei te karha fabrahu, eghuteuna iagho ginauna king fabrahu tifa e tifa. Kate diꞌatamu iagho na, vido te gnafa ka nauthoglu igne ginauna nghali tongana, eghuteuna theo kaisei naikno ka keha kantri igre naba te kegra maku na.

Letas Teke Riso Tei Mae Pol Ka Khiloau Rom 16:26

Tutuani, God mae ihei karha te tifa na ne falalase ranghi ghita u Nonomho te Keli igne ka unha teke riorisohi hatimare mae profet ra. Eghuteuna God cheke ranghi ghita mala toutonuni tahati u Nonomho te Keli igne, mala nu naikno ka namono te gnafa ka nauthoglu gne tangomana te fatutuani ni God nei leghuni mana.

Jenesis 12:8

Aonu mae Ebram ne jifla Sekem ne tei ka kaisei thogele ke maghati rhegna namono Betel. Eghuteuna mana ne hohoro haghe nogna suga tapuale na fari hotei Betel nei namono Ai. Betel gne au ke mosu, eghuteuna Ai gne au ke maghati. Eghuteuna jare mae Ebram ne hohoro keha olta na malagna Lord ne pogho soru ranghini mana.

Jenesis 4:26

Mae Set jaola ne au kaisei thugna nalhaꞌu nanghagna na mae Enos. Ka narane tuare naiknore ne funu tarai ka Lord.

Diutronomi 33:27

Ghotilo tangomana te au fakeli ka God mae ihei te karha te tifa. Leuleghu fata na, mana theome gnafa te loku ka khamemi ghotilore te mala togho ghami ghotilo na. Ka narane te cheke ka ghotilo te mala goigonidi nomi naoka ghotilore, mana ginauna ngolhi fajifladi.

Letas Teke Riso Tei Mae Pol Ka Khiloau Rom 1:20

Funu kate vuvuhagna nauthoglu igne, glepo eigna God igre neke theome kakhana ka tahati, nu tahati neke filo glanidi u tutuani nei nolaghi te fei au na ka glepo teke vuavuha mana re kolho. Eghume naugna glepo igre, naiknore theome tangomana te cheke eghu na, “Ghehati theome laseni God!”

Profet Emos 8:14

Iheire ka ghotilo te nhaꞌa cheke ka nanghagna nodi god maedi Samaria igre, te cheke eghu na, ‘Iara nhaꞌa cheke ka nanghagna mumuju god gna Dan’ ba cheke eghu, ‘Iara nhaꞌa cheke ka nanghagna mumuju god gna Bereseba teuna,’ mare ginauna mala kafe lehe.”

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Jajis 3:7

Naiknodi Israel ne eni puhi te diꞌa na ka tathagna Lord nodi God mare na. Mare ne loku ranghini mumuju god Baal ghe Astarot.

Diutronomi 16:21

“Kate eni ghotilo nogna olta Lord na, ghotilo thosei ke eni ka thaba mumuju gna god gaꞌase Astarot igne mala fakegra haghe rhegna nogna olta Lord igne.

Jenesis 26:33

Aonu mae Isak ne kiloni khoꞌu seu igne “Siba”, gaoghathogna na “Nhaꞌa cheke.” Naugna igne gognaro na naiknore kiloi namono biꞌo te au rhegna khoꞌu seu igne “Bereseba” ba “Seu nhaꞌa cheke.”

Jenesis 26:25

Aonu mae Isak ne titili ka thina kaisei olta ka vido igne ne cheke fakelini nanghagna Lord na jare. Gnafa teuna mana ne hohoro haghe kaisei nogna suga tapuale ka vido tuana eghuteuna nogna mae gloku mana re ne dokha kaisei khoꞌu seu jare.

Jenesis 26:23

Ke leghugna igne mae Isak jifla jare neke tei au Bereseba.

Hibru 13:8

Eigna mare fatutuani ni mae Jisas Kraes gne theome tughu gnora, nei gognaro nei tifa tifa.

Jenesis 21:32

Ke leghugna teke eni nhaꞌa cheke igne jare Bereseba na, mae Abimelek ghe Fikol neke pulo Filistia.

Eksodas 15:18

“Lord, iagho ginau na funei fruni fabrahu tifa e tifa.”

Diutronomi 32:40

Iara karha fabrahu, eghuteuna iara eni kaisei nhaꞌa cheke eghu,

Nodi Khoje Hatimare Mae Jiu 93:2

Lord God, kani theome vuavuha nga teku iagho thua nafnotu fateote'o ka nauthoglu igne, iagho neke kulu King neku ngala. Iagho King fabrahu tifa tifa.

Profet Habaku 1:12

Lord, iagho au funu tifa ghilei mei posa ka narane gognaro gne. Nogu God te thofno Blahi fara, iagho te karha fabrahu tifa te tifa. Iagho jateula nogu thina rheta mala poru eghu iara. Iagho neke vahidi naiknodi Babilonia neke para ghami ghehati eidi nakhibomi ra.