Jenesis 21:27 - Buka Blahi Ka Cheke Holo

²⁷ Aonu mae Ebraham ne hata keha sipu nei buluka eghu ne tusu lao ka mae Abimelek, aonu phiamare ne eni kaisei nhaꞌa cheke.

Jenesis 21:27 ပူးပေါင်းရင်းမြစ်များ

Galesia 3:15

Uve kheraguro, iara na eni kaisei thotoghale ka ghotilo. Ghathoni si ghotilo eigna u nhaꞌa cheke te eni kaisei mae balugna keha mae na ia. Kate famamhaku hi phiamare u nhaꞌa cheke igne, theome tangomana kaisei mae te paꞌeni ba teke tudu lao keha cheke na.

Letas Teke Riso Tei Mae Pol Ka Khiloau Rom 1:31

Mare theome ghaoghatho fakeli, eghuteuna mare lase chaichaghi fara, theome kokhonidi keha naiknore.

Profet Esikiel 17:13

Kani au teku ka kantri Juda na, king gna Babilonia igne ne hata kaisei mae ka vikegna king gna Juda neke huhuru mala eni kaisei nhaꞌa cheke balugna mana, mala tangomana phei kantri igre te au fakeli te mala theome magra na. Kate ke figri king gna Babilonia igne ka nogna kantri na, mana ne hata goro mae biꞌodi Juda re ne tei balugna.

Profet Isaia 32:8

Nu mae te keli na sasaꞌa te mala toghodi keha naiknore, eghuteuna leuleghu fata na mana ghaoghatho te mala edi glepo te kelire.

Proveb 21:14

Jame kaisei mae diꞌatagna ka iagho, iagho tufa glepo ka mana kate theo kaisei naikno te filo nigho na. Eghuteuna diꞌatagna mana igne ginauna hui.

Proveb 18:24

Mae te au kmana kheragna na mana theo nafugna kolho. Nu thofno kheramu na, keli fara salaꞌuni thabusimu na.

Proveb 18:16

Jame te magnahaghei mei filoni iagho kaisei mae biꞌo na, iagho hata mei kaisei namha ka mana, mana ginauna kelitagna te mei iagho te filoni mana na.

Proveb 17:8

Keha naiknore te ghathoni na te tufa sileni keha naiknore na mala atha unha glepo te magnahagheni mare na eghu. Mare te ghathoni na igne ginauna loku leuleghu fata.

Ululahu Samuel 18:3

Mae Jonatan ne eni kaisei nhaꞌa cheke balugna mae Devet mala theome gnafa phiamare nodi namha na.

Jenesis 31:44

Eghume tapa na eni kaisei nhaꞌa cheke te mala togho ghita te mala ghathoni teuna.”

Jenesis 14:13

Nu kaisei mae teke rikha ka magra na ne tei posa ka mae Ebram. Mana tei ne toutonu ka mae Ebram eigna mae Lot nei eidi phei namono Sodom ghe Gomora gre. Mae Ebram gne tei au neu rhegna nogna gaju biꞌo mae Mamre na. Mae Mamre gne kaisei mae ka vikegna mae Amo, eghuteuna mana au phei mae thabusigna, mae Eskol ghe mae Aner. Thilo mae igre kheragna fofodu mae Ebram.

Jenesis 21:26

Nu mae Abimelek ne cheke eghu, “Iara theome laseni mae ihei teke eni igne. Naugna iagho neke theome chekeni igne ka iara tifeiro na. Gognaro gne ngala te nomhini iara cheke igne ka iagho na.”

Jenesis 21:28

Mae Ebraham jaola ne vavahi fitu lam gaꞌasedi ka nogna tothoghei sipu thegna na ne lilisei ke ulugna mae Abimelek.