Jenesis 21:25 - Buka Blahi Ka Cheke Holo

²⁵ Mae Ebraham ne cheke eghu ka mae Abimelek eigna kaisei khoꞌu seu na la hatahi nogna mae gloku mana re, eghuteuna mare theome snakreni ka nogna mae gloku mae Ebraham gre te lao hata khoꞌu jare gognaro na.

Jenesis 21:25 ပူးပေါင်းရင်းမြစ်များ

Matiu 18:15

Mae Jisas ne cheke eghu, “Jame kaisei mae kheramu iagho ka khiloau eni fadiꞌa ranghi nigho kaisei glepo, iagho tei cheke ka mana eigna unha teke eni fadiꞌa mana ranghi nigho iagho na. Ghopa eni poru glepo igne farihoteimi themi. Te magnahaghei fanomho fakeli mana ka iagho na, iagho toghoni mana mala ke fofodu fapulo ghopa.

Proveb 27:5

Puhi te cheke thakleni iagho nakhibo gna naikno na, thofno keli fara salaꞌuni te namhani iagho na, nu theome chekeni ne namhani mana teuna.

Proveb 25:9

Jame te fapholai iagho balugna mae kheramu fofodu na, thosei tei toutonu tafri ka keha mae na eigna glepo igne.

Proveb 17:10

Cheke faheta ka mae te au tagna gaoghatho te keli na ghosei tughu nakarhagna na. Nu naikno te fameomekro na neubane purini kaisei gobi fata, mana theome tangomana te tughu nakarha na.

Jajis 1:15

Aonu naꞌa ne cheke eghu, “Mama, kokhoni ghau iara. Vido glose ke mata namono nagou teke snakre mei iagho ka ghepa ia thono moja fara. Iara magnahaghei nigho iagho te snakre mei ka ghepa keha vido glose te au khoꞌu tagna.” Kmagna na ne snakre lao ka repa vido glose te au phei seu tagna na, keha na au ke holo eghuteuna keha na ke paka.

Jenesis 29:8

Nu mare ne cheke eghu, “Ghehati theome tangomana te eni tuana la ghilei kafe mei la gnafa ngau sipu gre ame tangomana nga ghehati te pili fadelei thina biꞌo gne ka foflogna khora na eghu te mala fakokhoꞌu sipu gre.”

Jenesis 21:24

Mae Ebraham ne cheke eghu, “Uve, te chekeni iara ke ulugna God na, iara ginauna na lolokeli nigho iagho.”

Jenesis 21:26

Nu mae Abimelek ne cheke eghu, “Iara theome laseni mae ihei teke eni igne. Naugna iagho neke theome chekeni igne ka iara tifeiro na. Gognaro gne ngala te nomhini iara cheke igne ka iagho na.”