Jenesis 21:22 - Buka Blahi Ka Cheke Holo

²² Ka narane igne mae Abimelek ghe mae Fikol nogna mae ofisa biꞌo lahu mana ka nogna armi na, phia mare ne tei ka mae Ebraham ne cheke eghu, “God na au balumu iagho fabrahu ka gobigna lepo te edi iagho gre.

Jenesis 21:22 ပူးပေါင်းရင်းမြစ်များ

Jenesis 26:26

Kate au teu mae Isak jare ka namono Basiba na, mae Abimelek gne neke jifla funu jare Gerara neke tei filoni mae Isak. Mae Abimelek ne hata balugna mae Ahusat. Mae igne mala tusu ranghini mana u gaoghatho, nei mae Fikol, mae ofisa te biꞌo lahu ka nogna armi mana na.

Josua 3:7

Lord ne cheke eghu ka mae Josua, “Gognarogne, iara ginauna fafnaknoni nanghamu iagho na ka tathadi naiknodi Israel, mala laseni naiknore te au fabrahu iara balumu iagho na, jateula teke au fabrahu iara balugna mae Moses tifa ia eghu.

Jenesis 26:28

Thilo mare ne cheke eghu ka mae Isak, “Gognaro na ghehati la lase nigho iagho, eigna Lord na au balumu iagho. Eghuteuna ghehati magnahaghei te mei te mala eni kaisei nhaꞌa cheke balumu iagho. U nhaꞌa cheke igne na cheke eghu,

Jenesis 20:2

Eghuteuna jare mae Ebraham ne cheke eghu ka naiknore, “Sera gne gregagu iara.” Aonu mae Abimelek mae king gna jare na nomhini igne ne chekedi nogna mae glokure ne tei hata Sera na ka mana.

Hibru 13:5

Thosei magnahaghei sileni fara, nu gleꞌani ngala unha te au ka themi na. Naugna God neke cheke eghu hi, “Iara ginauna theome lisa koko nigho, iara ginauna theome snakre nigho mala fiti au kolho.”

Ululahu Korin 14:25

eghuteuna glepo te poru ka nagnafagna mana re ginauna thakle. Mana ginauna tuturupuku soru mala kilo fnaknoni God, eghuteuna mana ginauna cheke eghu, “Tutuani fara, God na au balumi ghotilo!”

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Profet Isaia 8:10

Ghotilo tangomana te salofodu mala roghe poru te mala eni unha te magnahagheni ghotilo na. Nu ginauna na theo nafugna kolho, naugna God na au balumi ghehati.

Thakle 3:9

Filo si ghotilo! Nogna tothoghei mae Satan te kilodi thedi naiknodi Jiu teu are theome thofno nogu naikno iara. Mare chaichaghi kolho. Uve, iara ginauna huhurudi mare mala mei pogho soru ke ulumi ghotilo, eghuteuna mare na cheke eghu, ‘Tutuani, God thofno namha ghami ghotilo!’

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Profet Sekaraea 8:23

“Ka narane tuana, nabotho mae phosa te nhogri nodi cheke re ka nauthoglu igne ginauna hata nogna pohe kaisei Jiu, na cheke faheta eghu ka mana, ‘Iagho snakre ghami ghehati mala tei balumi ghotilo Jerusalem, naugna ghehati nomhini God na au balumi ghotilo.’ ”

Profet Isaia 45:14

Nodi dedei biꞌo naiknodi Ijep nei Kus teu igre ginauna mala nou iagho, maedi Seba te brahu igre ginauna mala nou sneka iagho. Mare ginauna babaꞌo chen mala leghu nigho iagho. Mare ginauna tarai pogho soru ka iagho, mare na cheke eghu eha fabiꞌo, ‘Kaisei God ngala te au balumu iagho na, theo kaisei god ahevanga te au na!’ ” Igne chekegna Lord mae ihei te au nolaghi fateote'o na.

Fapea Kronikols 1:1

Solomon thugna King Devet mana kaisei king te thofno nheta fara, naugna nogna Lord God na au balugna mana ne tusu ranghini nolaghi biꞌo.

Jenesis 30:27

Mae Laban ne cheke eghu ka mana, “Uve, igne unha nate chekeni iara ka iagho na. Iara neke magnahaghei laseni gaoghathogna Lord na, nu igne unha teke laseni iara na eghu, Lord neke fablahi ghau iara, naugna iagho neke loku ranghi ghau iara.”

Jenesis 20:17

Lord ne theome snakredi khetogna nei nogna gaꞌase gloku eghu mae Abimelek gre te au sua na. Igne ke tughugna puhi teke eni mae Abimelek ka Sera khetogna mae Ebraham na. Aonu mae Ebraham ne toreni God mala ke fakarha fapuloni mae Abimelek, khetogna nei nogna gaꞌase gloku teu mana re neke tangomana teke au sua na.

Jenesis 28:15

Fanomho sagho. Iara ginauna na au fabrahu balumu iagho, nei reireghi fakeli nigho iagho eghu ka vido aheva na te tei iagho na. Eghuteuna iara ginauna nake hata fapulo nigho iagho agne ka glose igne. Iara ginauna na theome lisa koko nigho eigna iara ginauna eni unha teke nhaꞌa chekeni iara ka iagho tifa ia.”

Jenesis 20:14

Aonu mae Abimelek neke hata fapulo Sera na ka mae Ebraham. Eghuteuna mana ne hata keha sipu, keha buluka, keha nalhaꞌu nei gaꞌase eghu mala loku ne tusu ranghini mae Ebraham.

Jenesis 31:5

Repa tei ne thafoni mae Jekop jare, aonu mana ne cheke eghu ka repa, “Iara la filo glani ni mae kmami ghopa gne la theome raꞌe keli ranghi ghau iara jateula teke edi tifeiro teuna. Nu nogna God mae kmagu iara na au balugu iara.

Ululahu Samuel 3:19

Kate mae biꞌohi mae Samuel na, Lord ne au balugna mana fabrahu. Eghuteuna mana ne edi fabrahu gobigna lepo teke chekedi mae Samuel nate thoke mei tutuani.

Fapea Samuel 24:7

Eghuteuna mare salaꞌu ke mata namono Taea, namono igne bara maku ka thina. Ke leghu mare ne tei ka namono te au ka nodi vido glose mae Hivi, nei ka namono te au ka nodi vido glose naiknodi Kenan. Eghuteuna namono leghu lahu na, Bereseba ka nohi ke mata Juda.

Ululahu Samuel 24:22

Aonu mae Devet ne leghuni unha te chekeni mae Sol igne ne nhaꞌa cheke ka mana. Mae Sol figri neke pulo ka namono, nu mae Devet neke figri balu nogna soldia ka nodi vido mala poru na.