Jenesis 21:20 - Buka Blahi Ka Cheke Holo

²⁰ Kate biꞌo haghe mana na God ne toghoni mae sitei na. Mae Ismael au ka namono nagou ne kaisei mae lase fada jata fara.

Jenesis 21:20 ပူးပေါင်းရင်းမြစ်များ

Jenesis 28:15

Fanomho sagho. Iara ginauna na au fabrahu balumu iagho, nei reireghi fakeli nigho iagho eghu ka vido aheva na te tei iagho na. Eghuteuna iara ginauna nake hata fapulo nigho iagho agne ka glose igne. Iara ginauna na theome lisa koko nigho eigna iara ginauna eni unha teke nhaꞌa chekeni iara ka iagho tifa ia.”

Jenesis 39:21

Nu Lord ne au neu balugna mae Josep ne toghoni mana. Lord ne loku ka nagnafagna mae ihei te reireghigna suga sosolo na ne magnahagheni fara mae Josep.

Jenesis 16:12

Mae thumu iagho na ginauna na au jateula kaisei dongki namhata eghu na tei tafri kolho ke lamna namono nagou eghuteuna mana na tirogna fanomho ka ihei nga. Nu mana ginauna na naoka fabrahu baludi keha naiknore, eghuteuna naiknore ginauna na jaola naoka fabrahu balugna mana eghu. Mana ginauna na theome gnokro fakeli baludi mae thabusigna re.”

Luku 1:80

Aonu mae Jone ne biꞌo haghe ne rheta u gaoghathogna na. Mana ne tei ne au ka namono nagou na ne ghilei thokeni u narane te fufunu mana nogna gloku na ranghidi naiknodi Israel re.

Jajis 6:12

Nogna Engel Lord igne ne thakle ka mae Gidion ne cheke eghu ka mana, “Gognarona Lord au balumu iagho eghuteuna iagho kaisei mae nheta mala magra!”

Jenesis 25:27

Kate biꞌo haghe phei mae sitei igre na, mae Iso gne neke kaisei mae lase hili fara. Mana neke tei tafri kolho neke theome au soru ka namono. Nu mae Jekop gne mana neke au kmu nei magnahaghei te au ka namono kolho.

Jenesis 17:20

Iagho neke tore ghau iara mala fablahini mae Ismael. Uve, iara neke nomhinihi nou cheke iagho na. Iara ginauna na fablahini mana nei na tusu ranghini mana kmana sua eghu mala biꞌo vikegna mana na. Mana ginauna na kmadi nabotho phei mae king.

Jenesis 10:9

Mana kaisei mae lase hili bosu fara ke ulugna Lord. Naugna igne naiknore cheke eghu eigna kaisei mae, “Mae igne jateula mae Nimrod eghu lase hili bosu fara ke ulugna Lord.”

Jenesis 27:3

Eghume, iagho na hata nou phaloho jata teu are mala tei mhata mala tei hili ghegu bosu iara.

Luku 2:40

Mae sua ikoi na ne funu biꞌo haghe ne lalase fara. Eghuteuna God ne fablahini mana fabrahu.