Jenesis 21:17 - Buka Blahi Ka Cheke Holo

¹⁷ God ne nomhini te tanhi mae sitei na, eghuteuna nogna engel God na au neu kligna ne cheke eghu ka Hega, “Unha site diꞌanagnafani iagho gnea, Hega? Thosei mhaghu. God na la nomhinihi te tanhi teu jare mae sitei na.

Jenesis 21:17 ပူးပေါင်းရင်းမြစ်များ

Jenesis 16:11

“Eghuteuna iagho gognaro na bukla hi, eghuteuna iagho ginauna na theome raugha na au kaisei thumu nalhaꞌu. Iagho na kiloni mana Ismael, gaoghathogna na “God ne nomhini” eghu. Naugna Lord ne laseni te au papara iagho nei nomhini teu nou natanhi iagho na.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Eksodas 3:7

Lord ne cheke eghu ka mana, “Iara la filo tathaguhi naiknodi Ijep te paradi fara nogu naikno iara igre. Iara jaola nomhidihi nodi natanhi re mala fakarhidi iara ka khamedi mae iheire te paradi ka gloku biꞌo jateula naikno sneka teu igre. Uve, iara filoni nodi na au papara re ne thono kokhoni nogudi fara.

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Nonomho Te Keli Teke Risoi Mae Mak 5:36

Nu mae Jisas ne tirogna fanomho ka unha te chekeni mare na, ne cheke eghu ka mae Jaerus, “Ghema, thosei nanga nou fara, fatutuani ngala.”

Matiu 15:32

Mae Jisas kilo meidi nogna mae fanomhore ne cheke eghu ka mare, “Iara kokhoni nogudi naikno igre. Naugna mare auhi baluda tahati thilo narane. Eghuteuna gognarona mare theo ghedi ganohi te mala ghamu na. Eghuteuna iara theome magnahagheni te kuru fapulodi ka namonodire, ka vido te theome ghamu teu mare na, na eghunu fnuda mare kate tei ka nabrou na eghu.”

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Profet Isaia 22:1

Nonomho igne mei ka iara eigna Jerusalem nei eigna Glogu Mifi igne. Mana ne cheke eghu: Unha najafra teke eni ghotilo na? Naugna unha si ghotilo te haghe ke tagru suga te glealeꞌa gnea?

Nodi Khoje Hatimare Mae Jiu 65:2

Naugna te nomhidi iagho nomi tharai ghehati gre, naikno te gnafa ka namono te gnafa gre ginauna na ari mala fafara ka iagho.

Fapea Kings 13:23

Nu Lord keli ranghidi nei kokhonidi eghu naiknodi Israel gre. Aonu mana theome snakreni armi gna Siria gne te mei goigonidi mare na. Leghu fata na Lord toghodi mare naugna mana neke nhaꞌa cheke balugna mae Ebraham, mae Isak nei mae Jekop tifa. Eghuteuna mana neke khidi maedi Israel mala tei au fakhaba ka mana.

Fapea Kings 13:4

Aonu King Jehoahas ne tarai ka Lord mala toghodi nogna naiknore, eghuteuna Lord ne nomhini nogna tharai mana na, naugna mana ne filo glanini king gna Siria te thofno goigonidi naiknodi Israel igre, ne cheke tughuni nogna tharai mana na.

Ululahu Samuel 11:5

Ka narane igne, mae Sol neke pulo mei funugna ka nogna nagare na baludi nogna buluka re, kate nomhidi te tanhi naiknore, mana ne ghusna eghu, “Naugna unha site tanhi ghotilo gnea?” Aonu mare ne toutonu ka mana eigna nonomho teke mei toutonu maedi Jabes igre.

Jajis 18:23

mare ne eha tei ka vikegna mae Dan igre. Eghuteuna vikegna mae Dan igre ne kafe figri ne cheke eghu, “Unha? Naugna unha site mei ngolhi ghami ghehati ghotilo gnea?”

Eksodas 22:27

Naugna kaisei phoko tuana ngala te mala totoku te mala brana mana thinigna na bongi ro. Jame te theome ke tusu fapulo ghotilo nogna phoko mana na, unha gne na teke totoku te mala thuru mana na? Thono theo fara. Jame te tore mana ka iara mala toghoni teuna, iara ginau na nomhini nogna thore mana na, naugna iara tangomana te kokhonidi naikno te kuma re.

Eksodas 22:23

Jame te eghu ghotilo na, reꞌe ginau na toreni nogu thotogho iara na, eghuteuna iara ginau na mei mala toghodi.

Eksodas 14:13

Nu mae Moses ne cheke eghu ka naiknore, “Thosei mhaghu! Kegra heta eghuteuna ghotilo ginau na filoni Lord nate fakarha ghami ghotilo ka mae Ijep gre gognaro na! Ghotilo filodi mae Ijep are gognaro na, nu ke leghu na ghotilo ginau na nake theome filodi tathadire tifa tifa.

Jenesis 46:3

Aonu God ne cheke eghu ka mana, “Iara God, nogna God mae kmamu. Thosei mhaghu te tei Ijep na, naugna iara ginauna na fablahidi vikemu iagho gre mala vuragha jare Ijep.

Jenesis 16:9

Aonu engel na ne cheke eghu ka naꞌa, “Iagho ke pulo ka Sarai mala ke leghudi nogna cheke naꞌa re.

Jenesis 15:1

Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”

Jenesis 16:7

Engel nogna Lord na ne thafoni Hega rhegna kaisei glokha ka namono nagou na. U glokha igne rhegna nabrou te mala tei thoke ka namono Sur.

Jenesis 22:11

Nu engel nogna Lord na au neu kligna ne eha eghu ka mana, “Ebraham! Ebraham!” Mae Ebraham ne cheke eghu, “Iara au teu ao Lord.”

Jenesis 24:7

Lord, God gna kligna na neke hata fajifla ghau iara ka suga gna mae kmagu na, nei ka glosedi eghu vikegu iara re neke nhaꞌa cheke eghu ka iara, ‘Iara ginauna na tusu ari ka vikemu iagho gre namono igne.’ Eghume Lord ginauna na kuruni nogna engel na mala baubatu nigho tei posa ka namonogu iara na. Eghuteuna engel igne ginauna na togho nigho iagho mala hata iagho kaisei gaꞌase malagna mae thugu iara na jare.

Jenesis 26:24

Ka bongi tuana Lord ne thakle ka mae Isak ne cheke eghu ka mana, “Thosei mhaghu, iara nogna God mae kmamu iagho Ebraham. Iara neke eni kaisei nhaꞌa cheke ka mae Ebraham. Ka nhaꞌa cheke igne iara na au balumu iagho, nei fablahi nigho nei na fabruaradi eghu vikemu iagho gre.”

Eksodas 3:2

Jare engel nogna Lord na ne thakle mei ke lamnagna khaꞌaghi te deudeplu teu ka kaisei gaju ikoi. Eghuteuna Moses ne jaglo nogna fara te filoni khaꞌaghi te deudeplu ka gaju igne, nu theome gnhubra kolho khaklagna re teu igne.

Diutronomi 26:7

Nu ghehati tanhi ka Lord nodi God kuꞌemi ghehati ra. Lord nomhidi nomi natanhi ghehati re, eghuteuna mana filo ghami te papara fara, nei diꞌanagnafa nei au ka narane te ninhigrana.

Nodi Khoje Hatimare Mae Jiu 6:8

Ghotilo naikno te diꞌara thosei mei namo ka iara. Eigna God na la nomhidihi nogu tharai iara re.

Jenesis 16:8

Eghuteuna engel na ne cheke eghu ka naꞌa, “Hega, iara lase nigho iagho nogna naikno gloku Sarai. Iagho neke mei funu aheva neku? Iagho mala tei aheva, naugna unha?” Naꞌa ne cheke eghu, “Iara ne rikhani Sarai.”

Nodi Khoje Hatimare Mae Jiu 10:14

Nu iagho la filodihi puhidi mae te diꞌara. Iagho la lasedihi khabru nei papara eghu te edi mare ka keha naiknora, eghume iagho tarabana mala toghodi naikno te au papara are. Naikno te au kokhonidi nei glehe kokoi teu igre lisei soru ka khamemu iagho nakarhadi re.