Jenesis 21:15 - Buka Blahi Ka Cheke Holo

¹⁵ Hega ghe thugna nolo tafri ka namono nagou na ne ghilei peso khoꞌu na. Hega ne fagnokro soru mae sitei na ke parigna kaisei gaju ikoi na.

Jenesis 21:15 ပူးပေါင်းရင်းမြစ်များ

Profet Jeremaea 14:3

Mae biꞌore ginauna kurudi nodi mae glokure mala tei toho khoꞌu, nu seu te gnafare ginauna kafe krango hui. Mare ginauna nake pala ke figri kolho botol te besore. Mare mamaja nodi fara na toku tafru tathadi nei foflodi teure.

Nodi Khoje Hatimare Mae Jiu 63:1

God, iagho nogu God iara. Iara magnahaghei nigho iagho fara te mala au fabrahu ka nakarhagu gne. Kate theomu iagho na, iara haimini ka nakarhagu na jateula glose te moja te theo khoꞌura eghu, eghume iara magnahaghei nigho iagho fara te mala au balugu iara.

Fapea Kings 3:9

Aonu king gna Idom igne ne hata nogna armi na ne tei baludi mae king igre. Eghuteuna thilo armi igre lithui ne tei fei namono nagou nabagna fitu narane. Nu jare na theo khoꞌu maladi mare baludi nodi hose nei kamel teu re.

Profet Isaia 44:12

Mae te lase hohoro glepo ka aean na, mana ginauna hata kaisei vido aean mala gahu ka khaꞌaghi te brana fara na mala hohoro kaisei mumuju. Aonu mana kuri aean igne ka nanhetagna fateote'o ghilei eni nafnata mumuju te magnahagheni mana na. Neubane mae nheta mana, mana tangomana te rofo nei roi koꞌu, nei babaꞌo langau teuna.

Jenesis 21:14

Hamerane boibongi ka keha narane na, mae Ebraham ne hata keha gano nei keha khoꞌu eghu ne lao ka Hega ne kuru jiflani balugna thugna na ne nolo tafri ke lamnagna namono nagou Bereseba.

Jenesis 21:16

Aonu naꞌa ne tei fakhaba katha vido ikoi jame nabagna kaisei gobi mita ne gnokro soru pari, ne cheke eghu ka gaoghathogna na, “Iara theome magnahaghei te filoni glehegna thugu na.” Aonu naꞌa gnokro neu jare ne funu tanhi.

Ululahu Kings 17:12

Eghuteuna gaꞌase igne ne cheke eghu ka mana, “Thono kokhoni ghita fara! Ka nanghagna Lord nou God mae ihei te karha fabrahu te tifa te tifa, iara theo kaisei bret. Iara au kaisei kapu flaoa, nei katha oel eghu kolho. Iara mei hata katha gaju mala gahu katha gano tuana mala ghamu ghepa thugu. Tuana ngala leghu lahu gna ghemi gano ghepa na, jau ke leghu na ghepa ginauna lehe.”