Jenesis 21:14 - Buka Blahi Ka Cheke Holo

¹⁴ Hamerane boibongi ka keha narane na, mae Ebraham ne hata keha gano nei keha khoꞌu eghu ne lao ka Hega ne kuru jiflani balugna thugna na ne nolo tafri ke lamnagna namono nagou Bereseba.

Jenesis 21:14 ပူးပေါင်းရင်းမြစ်များ

Jone 8:35

Mae ihei teke karha ke lamnagna u tharakna na mana au nolaghi te mala au fabrahu ke lamnagna tharakna tuana. Nu mae sneka na mana theome au kaisei nolaghi te mala au fabrahu ke lamnagna u tharakna tuana.

Eklesiasti 9:10

Tahati mala thofno loku fakeli fara ka gobigna lepo te edi tahati re. Kate tei tahati ka namonodi naikno te lehehi ra, tahati ginauna theome loku, ba ghaoghatho, ba lalase, ba au gaoghatho te keli.

Proveb 27:14

Jame te cheke fabiꞌo iagho kaisei famane cheke hamerane boibongi ka mae kheramu na, mana ginauna ne cheke fadiꞌani eghu ka gaoghathogna na.

Nodi Khoje Hatimare Mae Jiu 119:60

Iara theome ofoni ihei nga te mala leghuni chekemu iagho na.

Nodi Khoje Hatimare Mae Jiu 107:4

Keha ka tahati tei tafri ka namono nagou te theo nabrougna na, eghuteuna mare theome tangomana te filo deni kaisei namono biꞌo te mala au tagna na.

Ululahu Kings 19:3

Kate nomhini mae Elija cheke igne, mana ne mhaghu nogna fara ne rikha. Mana hata balugna nogna mae gloku na, eghuteuna phiamare rikha ne tei ke mata Juda. Eghuteuna mana ne snakreni nogna mae gloku na mala au ka namono biꞌo Bereseba.

Jenesis 26:31

Hamerane boibongi ka keha narane na, mare kegra haghe ne eni kaisei nhaꞌa cheke fari hoteidi thedi. Aonu ke leghugna igne mare te hui na neke fofodu fakeli.

Jenesis 25:6

Nu ka narane teke theome lehe nga teku mae Ebraham na, mana neke tusu lao namha ranghidi mae thugna nalhaꞌu teke karha ka fapea khetogna na. Eghuteuna mana neke kuru teidi fei ke maghati mala au fakhaba mare ka mae Isak, mae thofno thugna na.

Jenesis 21:31

Aonu mare ne kiloni namono igne Bereseba. Bereseba teu igne, gaoghathogna na, “Khoꞌu seu aheva teke nhaꞌa cheke mare na eghu.” Naugna mae Ebraham neke nhaꞌa cheke ka mae Abimelek jare.

Jenesis 16:7

Engel nogna Lord na ne thafoni Hega rhegna kaisei glokha ka namono nagou na. U glokha igne rhegna nabrou te mala tei thoke ka namono Sur.

Profet Isaia 16:8

Nagare te gnafa te au ka namono Hesbon, baludi nodi nagare grep te gnafa ka namono Sibma igre, la goigoni fahuihi mae naoka gre. Nagare igre biꞌo fara ghilei tei posa ke raru namono Jasa, eghuteuna ke maghati namono nagou nei ke mosu Thongna Lehe. Nu mae te funei fruni ka keha kantri igre goigonidi fara famane nagare igre.

Jenesis 46:1

Aonu mae Jekop tarabana nogna gobigna lepore mala tei ka kantri Ijep. Kate theome tei kokoni na teu mare kantri Israel na, mare mei ne posa ka namono Bereseba. Mae Jekop ne fafara ka nogna God mae kmagna Isak na jare.

Jenesis 37:15

Kate tei posa jare na, kaisei mae ne filoni mana te nolo tafri teu ka nagare na, ne ghusna eghu ka mana, “Iagho mei hiro unha agne sia?”

Jenesis 26:33

Aonu mae Isak ne kiloni khoꞌu seu igne “Siba”, gaoghathogna na “Nhaꞌa cheke.” Naugna igne gognaro na naiknore kiloi namono biꞌo te au rhegna khoꞌu seu igne “Bereseba” ba “Seu nhaꞌa cheke.”

Jenesis 24:54

Ke leghudi igre mana nei mae teke mei balugna re eghu mare ne ima nei koꞌu neu ne thuru jare bongi tuana. Kate dofra haghe mare hamerane boibongi ka keha narane na, mana ne cheke eghu ka naiknogna suga na, “Ghotilo snakre ghau iara mala ke pulo iara ka nogu mae funei na.”

Jenesis 22:19

Aonu mae Ebraham ghe mae thugna Isak, phiamare neke pulo ka phei nogna mae glokure neke kafe pulo Bereseba, eghuteuna mae Ebraham ne au fabrahu jare Bereseba.

Jenesis 22:3

Hamerane boibongi mae Ebraham kegra haghe ne tarabana nogna dongki na, aonu mana ne hata mae Isak nei phei mae gloku eghu balugna. Mana ne uge keha gaju te mala gahugna u fafara na, eghuteuna hatimare ne tei ka vido aheva teke chekeni God ka mae Ebraham na.

Jenesis 21:33

Mae Ebraham ne joꞌu kaisei gaju tamarik jare Bereseba. Jare mae Ebraham ne tarai ka Lord, mae ihei te karha fabrahu te tifa te tifa.

Jenesis 19:27

Hamerane boibongi ka keha narane na, mae Ebraham kegra haghe ne tei ka vido aheva teke kegra mana teke cheke balugna Lord tifa na.

Jenesis 21:13

Eghuteuna vikegna mae Ismael thugna thau sneka igne ginauna na jaola kaisei vike biꞌo fara naugna God ginauna toghoni mana te mala eni igne na. Mana neke thumu la iagho.”

Jenesis 21:15

Hega ghe thugna nolo tafri ka namono nagou na ne ghilei peso khoꞌu na. Hega ne fagnokro soru mae sitei na ke parigna kaisei gaju ikoi na.

Proveb 27:8

Ihei te tei kokoni thofno namonogna na, mana jateula nanghaji te tei kokoni nogna gnoku naia eghu.

Jenesis 28:18

Hamerane boibongi ka keha narane na mae Jekop ne hata thina teke kokhogu thegna na ne fakegra haghe ne fablahini nei tofa oel ke kligna gna neu mala ke ghatho fapuloni unha teke chekeni God ka mana na.

Josua 3:1

Hamerane boibongi ka keha narane na, mae Josua baludi naikno te gnafadi Israel igre kegra haghe ne jifla Akesia, aonu mare ne tei au rhegna Khoꞌu biꞌo Jordan. Mare ofo neu ka vido igne mala tei kasa ka keha phile khoꞌu na.

Ululahu Samuel 15:12

Hamerane boibongi, mae Samuel kegra haghe ne tei hironi mae Sol. Nu mana nomhini tela teihi mana ka namono Kamel, eghuteuna mana ne lisei haghe kaisei thina fagaglana gna te uluni mana u magra na. Eghuteuna gnafa teuna mana jifla jare ne tei Gilgal.

Fapea Kronikols 29:20

Hamerane boibongi ka keha narane na, King Hesekaea ne kilodi nogna goro mae biꞌo te gnafa ka namono Jerusalem. Mare ne kafe tei ka nogna Sugablahi Lord.