Jenesis 21:12 - Buka Blahi Ka Cheke Holo

¹² Nu God ne cheke eghu ka mae Ebraham, “Thosei diꞌanagnafamu eidi Hega ghe thugna gre. Leghuni kolho sagho chekegna Sera na. Vike teke nhaꞌa chekeni iara ka iagho igne ginauna mei funu ka mae Isak.

Jenesis 21:12 ပူးပေါင်းရင်းမြစ်များ

Jenesis 17:19

Nu God ne cheke eghu ka mae Ebraham, “Theo, iara theome vahini mae Ismael. Nu khetomu iagho Sera gne ginauna au kaisei thugna nalhaꞌu, eghuteuna iagho mala kiloni nanghagna na Isak, gaoghathogna mae Isak teu igne ‘maꞌe’ eghu. Iara ginauna na eni nogu nhaꞌa cheke na balugna mana nei thugna mana re eghu, eghuteuna nhaꞌa cheke igne ginauna au fabrahu tifa e tifa.

Ululahu Samuel 8:9

Eghume iagho tei eni unha te magnahagheni mare na. Nu iagho cheke fakeli ka mare puhi nate eni mae king igne ka mare na. Nu ulu lahu na iagho famane cheke fakeli ka mare eigna puhi te mala funei fruni mae king na.”

Ululahu Samuel 8:7

Nu Lord ne cheke eghu ka mana, “Iagho leghuni kolho unha te ghathoni mare na. Mare theome thodo nigho iagho, nu mare thodo ghau iara. Mare theome magnahaghei ghau iara te mala nodi king mare na.

Profet Isaia 46:10

Funu tifa te mei na, iara neke chekedi unha nate thoke mei na. Funu tifa na iara neke chekenihi unha nate thoke mei ke leghu na. Uve, nogu gaoghatho iara na ginauna thoke mei tutuani, eghuteuna iara ginauna edi unha glepo te magnahaghedi iara re.

Jenesis 17:21

Nu iara ginauna na eni nogu nhaꞌa cheke na ka mae Isak thugna Sera nate karha mei ka finogha te fufunu gognaro gne.”

Galesia 4:30

Nu unha te chekeni grioriso te blahi na? U grioriso te blahi na ne cheke eghu, “Khi teini gaꞌase sneka na balugna thugna. Naugna thugna na theome tangomana te hata ginauna kaisei glepo ka mae kmagna na. Thugna thau te snagla na kolho nate hata na.”