Jenesis 20:9 - Buka Blahi Ka Cheke Holo

⁹ Aonu mae Abimelek ne ehani mae Ebraham ne cheke eghu ka mana, “Ghema, iara neke theome eni kaisei najafra ranghi nigho iagho! Nu iagho ne eni puhi biꞌo igne ranghi ghau iara nei ranghidi nogu naikno iara gre neu. Puhi te eni iagho igne theome doglo.”

Jenesis 20:9 ပူးပေါင်းရင်းမြစ်များ

Jenesis 12:18

Aonu mae king ne eha meini mae Ebram ne cheke eghu ka mana, “Ba, unha puhi site eni iagho ranghi ghau iara gnea? Naugna unha neke theome chekeni nga iagho Sarai gne te khetomu iagho na?

Jenesis 39:9

Agne na theo kaisei mae te jateula iara teu ka te loku ka suga igne na. Mae Potifa theome lhotini kaisei glepo ka iara. Mana neke theome cheke ranghi ghau iara te mala thuru balumu iagho na, theo fara, naugna iagho khetogna mana. Iara theome tangomana te eni kaisei puhi te diꞌa ranghini mana. Jame te eni iara puhi te diꞌa tuana ranghini mana na, iara tapla jafra ka nakhibo ke ulugna God eghu.”

Jenesis 26:10

Aonu mae Abimelek ne cheke eghu ka mana, “Ba, naugna unha sagho te chaichaghi ghami ghehati gnea? Jame thuru balugna khetomu iagho kaisei mae ka mae ghehati igre meu na, ghehati jame nakhibomi fara, naugna iagho ne eni puhi igne ka ghehati.”

Hibru 13:4

Naikno te gnafa gre mala ghatho tahuni puhi tholaghi na. Mae tholaghi nei gaꞌase tholaghi teure mala reireghidi thedi jateula teke nhaꞌa cheke thedi repa ia eghu, naugna God ginauna na fatedi naikno te theome leghuni vetula gna tholaghi na baludi iheire te eni tafri puhi te diꞌa are.

Taetus 1:11

Eghume ghotilo thosei snakredi mae velepuhi chaichaghi tuare mala farirhiu mare u puhi te jafra re, naugna mare na goigonidi u nodi fatutuani naikno te kmanare. Ghotilo theome ke ihodi mae igre, mare thono goigonidi fara tharakna te au Krit are ka nodi farirhiu chaichaghi are. Mare edi igre naugna mare magnahaghei te chaghidi kolho keha tharaknare mala hata nodi sileni kolho thedi.

Letas Teke Riso Tei Mae Pol Ka Khiloau Rom 2:11

God tangomana te eni igne ka naiknore, naugna naikno te gnafare kaisei nanaba ngala ka God.

Proveb 28:10

Ihei te batuni naikno te doglo na te mala eni puhi te diꞌa na, mana ginauna khale ka phighoro teke eni thegna na. Nu ihei te theome eni kaisei najafra na ginauna atha glepo te keli ka khamegna God.

Fapea Samuel 13:12

Nu Tama tirogna ne cheke eghu, “Theo, iagho thosei huhuru ghau iara te mala eni puhi te diꞌa na! Tahati naiknoda Israel aro theome tangomana te eni nafnata puhi igne!

Fapea Samuel 12:5

Kate nomhini thoutonu igne, mae Devet ne thono diꞌatagna fara ka mae te dedei igne. Aonu mana ne cheke eghu ka mae Natan, “Ka nanghagna Lord, iara cheke kate tutuani fara ka iagho, mae dedei te eni igne nabagna te lehe.

Josua 7:25

Mae Josua ne cheke eghu ka mana, “Naugna unha sagho te eni ka ghehati puhi biꞌo ignea? Nu Lord ginauna na jaola tusu ari puhi biꞌo ka iagho.” Aonu naiknore ne kafe hata thina ne fada falehedi mae Ekan nei tharaknagna. Eghuteuna mare ne gnubra ka khaꞌaghi thinidire balu nodi gobigna lepo fateote'o.

Levitikas 20:10

“Jame kaisei ka ghotilo tapla jafra ka khetogna keha mae na, ghotilo mala aknu falehedi repa.

Eksodas 32:35

Ke leghu, Lord ne kuru mei kaisei fogra biꞌo ne thokedi naiknore, naugna mare neke tarai ka mumuju gna buluka teke horo Eron ka gol igne.

Eksodas 32:21

Moses ne cheke eghu ka Eron, “Unha teke edi naikno gre ka iagho na mala batudi iagho ka nakhibo biꞌo te thono diꞌa fara igne?”

Jenesis 38:24

Jame naba thilo nhigra ke leghugna igne, mare ne mei cheke eghu ka mae Juda, “Nanghomu iagho Tama ia la jafrahi ka puhi te diꞌa na ne jateula ngau thau vine neu ne thuru balugna kaisei mae, eghuteuna naꞌa gognaro na la buklahi eghu.” Mae Juda ne cheke faheta eghu fara, “Hata mei gaꞌase tuana mala koko lao ka khaꞌaghi mala lehe na.”

Jenesis 34:7

Kate cheke teu phiamare na, hatimare mae thugna nalhaꞌu mae Jekop re neke pulo mei. Hatimare la nomhinihi u puhi te diꞌa te eni mae Sekem ka gregadi na igne ne thono diꞌatadi fara. Glepo te eni mae Sekem ka thugna gaꞌase mae Jekop na igne thono diꞌa fara ka tathadi mae Israel re.

Jenesis 20:8

Aonu hamerane boibongi ka keha narane na, mae Abimelek ne kilodi nogna tothoghei ofisa re ne cheke ranghidi nogna cheke Lord igre. Mare ne mhaghu nodi fara.

Jenesis 20:10

Mae Abimelek ne cheke eghu ka mae Ebraham, “Naugna unha sagho te eni puhi ignea?”

Jenesis 29:25

Kate dofra haghe hamerane te filoni Lea na mae Jekop ne tei ka mae Laban ne cheke eghu ka mana, “Unha puhi site eni iagho ranghi ghau iara ignea? Iara neke loku heta ka nou gloku iagho ra malagna Resel gne neku, eghuteuna iagho ne chaghi ghau iara neu.”