Jenesis 20:17 - Buka Blahi Ka Cheke Holo

^17-18 Lord ne theome snakredi khetogna nei nogna gaꞌase gloku eghu mae Abimelek gre te au sua na. Igne ke tughugna puhi teke eni mae Abimelek ka Sera khetogna mae Ebraham na. Aonu mae Ebraham ne toreni God mala ke fakarha fapuloni mae Abimelek, khetogna nei nogna gaꞌase gloku teu mana re neke tangomana teke au sua na.

Jenesis 20:17 ပူးပေါင်းရင်းမြစ်များ

Jemes 5:16

Eghume te cheke thakledi ghotilo nakhibomire fari themi nei fari totoghoi ka nomi tharai na mala ke keli fapulo. Nogna tharai mae ihei te doglo fara ke ulugna God na thono nolaghi fara.

Filipae 4:6

Thosei nanga nomi fara eigna unha te thoke ghami ghotilo na. Nu tarai ka God, toreni mana unha te magnahaghei na. Ne tore nga ghotilo ka mana nu, te keli na, ghotilo kulu cheke fakelini ghu mana eghu.

Ululahu Tesalonika 5:25

Kheraguro, tarai mei ghami.

Matiu 21:22

Eghume, jame fatutuani ghotilo na, God ginauna tusu ari unha te toreni ghotilo ka tharai na.”

Matiu 7:7

Mae Jisas ne cheke eghu, “Heta, thosei khusu thore na, God ginauna na tusu ari ka ghotilo. Thosei khusu te hiro glepo ka God na, eghuteuna ghotilo ginauna na ludeni. Ghotilo mei mala kikidi ka nogna grengatha mana na, mana ginauna tora ranghi ghami ghotilo.

Profet Isaia 45:11

Lord, nodi God te Blahi mae Israel, mae ihei teke vuavuha ghita tahati igne, mana neke cheke eghu, “Ghotilo theo nomi nolaghi te ghusna ghau iara eidi keha thugu iara gre! Eghuteuna ghotilo jaola theo nomi nolaghi te mala cheke ranghi ghau iara unha te mala eni iara na!

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Esra 6:10

Ghotilo mala tusu lao ka mare glepo igre, mala tangomana mare te fafara lao ka God gna Kligna, eghuteuna mana ginauna kelitagna fara ka mare. Eghuteuna mare tangomana te tarai ka mana te mala fablahi ghau iara baludi thugu iara gre.

Jenesis 29:31

Lord ne filoni mae Jekop gne mana ne theome raꞌe magnahagheni Lea gne, aonu mana ne toghoni Lea, ne bukla. Nu Resel gne ne khara ne theo thugna kolho.

Jenesis 20:7

Gognaro na iagho ke hata fapulo gaꞌase igne ka mae thofno khetogna na, naugna mae igne kaisei nogu mae profet iara, eghuteuna mana ginauna na tarai nigho iagho, eghuteuna iagho ginauna na theome tangomana te lehe na eghu. Nu jame te theome hata fapulo iagho gaꞌase igne na, iagho ginauna na lehe baludi nou naiknore.”

Mae Khuru 3:24

“Uve, funu ka mae Samuel nei hatimare mae profet te gnafa teke mei ke leghugna mana re neke kafe chekedi gobigna lepo te edi gognaro igre.

Proveb 15:29

Lord na theome fanomho ka nogna tharai ihei te eni puhi te diꞌa na. Nu mana fanomho ka nogna tharai ihei te doglo na.

Naba 12:13

Aonu Moses ne tanhi tei ka Lord ne cheke eghu, “God, iara tore nigho iagho mala ke fakeli fapulo khabru igne ka naꞌa!”

Naba 21:7

Aonu mare mei ka mae Moses, ne cheke eghu ka mana, “Ghehati la jafrahi naugna ghehati neke cheke faparini Lord nei iagho eghu. Eghume ghehati tore nigho iagho mala tarai ka Lord mala atha fadelei mana mogo phanaga igre ka ghehati!” Aonu mae Moses ne tarai ranghidi naiknore.

Thoutonu Eigna Mae Job 42:8

Eghume ghotilo na hata tei fitu buluka nalhaꞌudi nei fitu sipu nalhaꞌudi, eghu tei ka mae Job. Eghuteuna ghotilo falelehe glepo igre mala fafara te thofno krono fara. Eghuteuna mae Job nogu mae gloku iara igne ginauna tarai mei ka iara eimi ghotilo. Eghuteuna iara ginauna nomhidi nogna tharai mana re. Neuba ghotilo ne jafrahi, nu iara ginauna na theome para ghami ghotilo. Ghotilo theome cheke fadoglo eigu iara jateula mae Job eghu.”

Jenesis 12:17

Nu Lord ne kuru mei thua nafnata khabru te thono diꞌa fara ranghini mae king nei naikno te gnafa te au ka sugagna mana. Naugna mae king ne hata Sarai khetogna mae Ebram na ne jateula khetogna thegna neu.