Jenesis 20:16 - Buka Blahi Ka Cheke Holo

¹⁶ Mae Abimelek ne cheke eghu ka Sera, “Iara neke tusu lao ka mae thabusimu iagho gne kaisei thogha silva. Iara neke eni igne ke uludi naikno gre jateula teke poloru gna eghu puhi teke hata mei nigho iara ka sugagu gne. Iara magnahaghedi naikno te gnafa te au balumu iagho igre te lase nigho iagho teke theome eni kaisei najafra na.”

Jenesis 20:16 ပူးပေါင်းရင်းမြစ်များ

Proveb 27:5

Puhi te cheke thakleni iagho nakhibo gna naikno na, thofno keli fara salaꞌuni te namhani iagho na, nu theome chekeni ne namhani mana teuna.

Jenesis 20:5

Mae Ebraham neke cheke eghu ka iara, ‘Gaꞌase igne gregagu iara.’ Eghuteuna Sera gne jaola neke cheke eghu ka iara, ‘Mae igne thabusigu iara.’ Kate hata iara gaꞌase igne na, iara neke eni puhi igne ka gaoghatho te doglo. Iara neke theome eni kaisei najafra.”

Jenesis 24:65

Naꞌa ne ghusna eghu ka nogna mae gloku mae Ebraham na, “Ihei si nanghagna na mae te nolo te mei ka tahati ana ia?” Mae gloku na ne cheke eghu ka naꞌa, “Tuana ngala thugna nogu mae funei iara na.” Aonu Rebeka ne toku tafru tathagna nei foflogna teure ka pohe na.

Thakle 3:19

Naikno te namhadi fara iara gre, iara tangomana te cheke faheta ranghidi mala lilisei nodi puhi te diꞌare, nei jaola tangomana te farirhiudi mala leghuni nabrou te doglo na. Eghume, ghotilo mala hati nhetami na mala koko puhi te diꞌare.

Profet Jona 1:6

Kate filoni mana na, kapten ne cheke eghu fabiꞌo ka mana, “Sei! Thuru unha sagho ia? Dofra, tarai balu eha fabiꞌo ka nou god na! Glahu kokhoni ghita mana, eghuteuna tahati ginauna theome lehe.”

Proveb 25:12

Nogna cheke te rheta mae te autagna gaoghatho te keli te cheke ka mae te lase fanomho na, famane fara jateula famane ring gol nei chen eghu.

Proveb 12:1

Iagho kaisei mae glalase te magnahaghedi keha mae te mala fadoglidi najaframu re. Nu mae ihei te theome magnahagheni kaisei mae te mala fadoglidi najafragna re, mae igne kaisei mae fameomekro.

Jenesis 26:11

Aonu mae Abimelek ne cheke eghu faheta ka naiknore, “Ihei te eni kaisei puhi te diꞌa ranghini mae igne ba ranghini khetogna mana na, naikno tuana mala falelehe.”

Jenesis 20:17

Lord ne theome snakredi khetogna nei nogna gaꞌase gloku eghu mae Abimelek gre te au sua na. Igne ke tughugna puhi teke eni mae Abimelek ka Sera khetogna mae Ebraham na. Aonu mae Ebraham ne toreni God mala ke fakarha fapuloni mae Abimelek, khetogna nei nogna gaꞌase gloku teu mana re neke tangomana teke au sua na.