Jenesis 19:9 - Buka Blahi Ka Cheke Holo

⁹ Mare nomhini cheke mana igne ne cheke eghu fari thedi, “Mae igne neke meila agne tifei kolho, mana theome maegna agne. Filo si ghotilo, gognaro na mana magnahaghei te cheke ranghi ghita tahati unha te mala eni tahati na!” Aonu mare ne cheke eghu ka mae Lot, “Ghema, fasnagla sagho! Te theome fasnagla iagho na ghehati ginauna na eꞌei puhi te diꞌa fara ka phia mare, eghuteuna ghehati ginauna na jaola eꞌei puhi ke diꞌa laogna tuanai ka iagho eghu.” Aonu mare ne funu huju faleghuni mae Lot ne magnahaghei paꞌe koko grengatha na.

Jenesis 19:9 ပူးပေါင်းရင်းမြစ်များ

Eksodas 2:14

Nu mae igne ne cheke eghu ka mae Moses, “Ei! Ihei teke vahi nigho iagho te mae mala reireghi ghami ghehati nei mala fate ghami ghehati teuna? Ba, iagho magnahaghei te falehe ghaula iara jateula maegna Ijep teke aknu falehe iagho gnora ia eghu?” Aonu kate nomhini igne, mae Moses ne mhaghu nogna fara, ne ghaoghatho eghu, “Naikno gre jame kafe lasenihi teke aknu falehe iara maegna Ijep gnora ia.”

Jenesis 13:12

Mae Ebram ne tei au soru ka kantri Kenan. Eghuteuna mae Lot ne tei au soru fari hoteidi namono biꞌo te au ka sare khoꞌu Jordan. Jare mae Lot ne hohoro haghe nogna suga tapuale na rhegna namono Sodom.

Matiu 7:6

“Thosei tusu lao glepo blahire ka naikno te diꞌare. Naugna mare jateula bukrei bosu te goigonidi glepo te blahi ra eghu, ba jateula bukrei khuma te mei kathi ghami ghotilo ra eghu kolho.”

Profet Jeremaea 8:12

Ba, mare mamaja nodi fara te edi puhi te diꞌa tuare? Theo fara. Mare theome mamaja nodi kolho nafnata puhi igne. Naugna igne, iara ginauna goigoni fahuidi mae igre mala kafe lehe mare jateula mae iheire tela lehehi ra eghu. Igne nogu cheke iara Lord.

Profet Jeremaea 6:15

Ba, mae Israel gre mamajadi si puhi te diꞌa te edi mare igrea? Thono theo fara! Mare theome laseni te mamaja na. Naugna igne, iara ginauna paradi naikno igre eidi puhi te diꞌa te edi mare igre, eghuteuna mare ginauna na kafe lehe, jateula iheire tela lehehi tifara eghu.” Igne chekegna Lord.

Profet Jeremaea 3:3

Naugna igne, iara na theome snakreni nakhete na mala soru mei ka nomi nagare ghotilo are. Nu neuba, ghotilo theome mamaja te tarai ka nomi god themi are.

Profet Isaia 65:5

Aonu ghotilo cheke eghu ka keha naiknore, ‘Ghotilo thosei mei namo ka ghehati, naugna ghehati gne thono blahi fara!’ Iara theome magnahagheni nafnata puhi te eni ghotilo igne. Uve, diꞌatagu iara ka ghotilo na thono brana fara jateula khaꞌaghi te theome lehe ia eghu!

Eklesiasti 10:13

Kate funu cheke mae igne na, thua cheke fameomekro kolho nate chekedi mana re. Eghuteuna kate gnafa nogna cheke na, nogna cheke mana igre thofno diꞌa fara salaꞌui, jateula nogna cheke mae te fagoigoli ra eghu.

Eklesiasti 9:3

Mare te gnafa na ginauna lehe kolho. Igne kaisei glepo te diꞌa te eni ka nauthoglu igne. Eghume kate karha teu mare ka nauthoglu igne, mare fodu salaꞌui ka gaoghatho te diꞌa, nei ka puhi te fameomekro. Ke leghu mare na tei ka namonodi naikno te lehe ra.

Proveb 27:3

Thina ghe nusu re tahu fara, puhi biꞌo te eni mae te fameomekro na thono tahu fara salaꞌui.

Proveb 17:12

Iagho mhaghuni idogna sua khuma te blau mare thugna na. Nu te keli na iagho mala mhaghuni tulao puhigna mae te fameomekro na.

Proveb 14:16

Mae te autagna gaoghatho te keli na, mana au fadelei ka puhi biꞌo. Nu naikno te fameomekro na, theome filo fakeli, eghuteuna ghosei thokeni puhi biꞌo.

Ululahu Samuel 25:17

Iara magnahaghei nigho iagho te ghatho fakelini igne. Naugna puhi te eni mana igne ginauna fadiꞌani mae biꞌo igne nei jaola fadiꞌa ghita tahati hui. Mae igne thono fameomekro fara theome fanomho ka ihei.”

Ululahu Samuel 17:44

Mae Golia ne eha eghu tei ka mae Devet, “Mei sagho! Iara ginauna snakre lao nafnahimu iagho na ka nanghaji nei ka glepo te tautagu are eghu mala ghamu reꞌe.”

Jenesis 11:6

Lord ne cheke eghu, “Gognaro na naikno gre la kaisei vike ngala nei kaisei nodi cheke eghu ngala. Filo. Mare la tangomanadi hila la babana suga biꞌo igne. Mare ginauna na theome raugha hohoro haghe thua nafnata glepo te magnahaghedi thedi re.

Ululahu Samuel 2:16

Nu jame te cheke eghu mae te fafara igne, “Ofo ghu sagho. Tahati ginauna eni ka puhi te doglo mala kulu gahu garofa gna nafnahi igne, aonu ke leghu iagho tangomana te hata unha te magnahagheni iagho na eghu.” Nu neuba, mae gloku igne cheke eghu, “Ei! Famei sagho gognarola! Jame te theome leghuni iagho unha te chekeni iara igne na, iara ginauna huhuru mala hata ka iagho!”

Profet Esikiel 16:49

“ ‘Tifa na, namono igne baludi namono ikodi te au te lithui ka iagho igre fahaehaghe fara. Mare au kmana gano, nu mare theome nanga nodi kolho ka ihei, eghuteuna theome toghodi kolho naikno te kumare.