Jenesis 19:8 - Buka Blahi Ka Cheke Holo

⁸ Fanomho si ghotilo! Iara au phei thugu gaꞌase majaghani agne te theome thuru nga teu kaisei mae baludi. Iara ginauna na hata fajifladi repa agne kosi ka ghotilo. Ghotilo tangomana te fahuhui gaoghatho te magnahagheni ghotilo na ka repa. Nu thosei eni kaisei puhi te diꞌa ka phei mae igre, eigna phei mae igre ne mei ka sugagu iara gne, eghume iara gneu ngala te mala reireghidi re phei mae igre.”

Jenesis 19:8 ပူးပေါင်းရင်းမြစ်များ

Jajis 19:24

Nu iara tangomana te snakreni ka ghotilo thugu gaꞌase majaghani te theome thuru teu kaisei mae balugna na. Eghuteuna ghotilo jaola tangomana te hata fapea khetogna mae igne mala eni ghotilo unha te magnahagheni ka repa na. Nu ghotilo thosei eni puhi te diꞌa tuana ka mae igne.”

Letas Teke Riso Tei Mae Pol Ka Khiloau Rom 3:8

U nafnata cheke tuana jateula cheke igne eghu, “Tore, tahati na eni fabrahu puhi te diꞌa na. Kate eni tahati tuana, kmana puhi te keli na thakle mei funu ka God.” Nu nafnata cheke tuana thofno diꞌa fara. Nu neuba, keha naiknore cheke fadiꞌa ghami ghehati nei chekedi ka ghehati nafnata cheke igre. Te keli na God ginauna fatedi naikno te chekedi nafnata cheke igre.

Nonomho Te Keli Teke Risoi Mae Mak 9:6

Mana theome laseni kaisei unhanga te mala chekeni na, naugna thilomare ne mhaghu nodi fara.

Profet Isaia 58:7

Igne puhi te magnahagheni iara na, ghotilo fei ghegna ihei te rofo. Eghuteuna kate filoni ihei te kuma te theo nogna suga na, ghotilo atha meini ka sugamire. Eghuteuna kate filoni ihei te theo nogna pohe na, ghotilo tufa nogna pohe. Eghuteuna ghotilo thosei poruni ihei kherada te mei tore nogna glepo ka ghotilo na.

Jajis 9:15

“Eghuteuna phono na ne cheke eghu ka gaju igre, ‘Jame te thofno magnahaghei ghau iara tutuani ghotilo te mala noda funei tahati na, ghotilo mei poru ka naungogu iara na. Nu jame te chaghi ghotilo na, khaꞌaghi kolho nate jifla mei te mala nhako fahui gaju te gnafa igre ghilei tei posa ka famane gajudi Lebanon.’ ”

Eksodas 32:22

Eron ne cheke eghu, “Funei, thosei diꞌatamu ka iara. Iagho themu lasedihi naikno igre magnahaghei fara te leghudi puhi te theome doglo re.

Jenesis 42:37

Aonu mae Ruben ne cheke eghu ka mae kmagna na, “Uve, mama, fanomho sagho ka iara. Te theome ke hata fapulo iara mae Benjamin gne ka iagho na, te chekeni iara ka iagho na, iagho ginauna falelehe phei mae thugu iara igre eghu. Snakreni sagho mae Benjamin gne ka iara, iara ginauna na reireghi fakelini mana ghilei ke hata fapuloni mana ka iagho agne.”

Jenesis 18:5

Iara ginauna na hata mei keha gano mala famaumaku ghu ghotilo ame ke tei nga eghu. Eigna ghotilo mei ka sugagu iara gne eghume iara magnahaghei te togho ghami ghotilo eghu.” Thilo mae igre ne cheke eghu ka mae Ebraham, “Keli fara, eni sagho unha te chekeni iagho na.”

Jenesis 19:7

Mana ne cheke eghu, “Kheraguro, thosei mei eni kaisei puhi te diꞌa agne!

Jajis 19:23

Mae khuekuꞌe igne jifla ne cheke eghu, “Kheraguro! Thosei eni nafnata puhi te diꞌa tuana ka mae ihei te mei ka sugagu iara na, puhi te eni ghotilo igne thono diꞌa fara!

Proveb 9:7

Te fadoglini iagho mae te fahaehaghe na, mana ginauna cheke fadiꞌa nigho iagho. Eghuteuna te cheke faheta iagho ka mae te diꞌa na, mana ginauna tuti nigho iagho.