Jenesis 19:5 - Buka Blahi Ka Cheke Holo

⁵ Mare mei ne eha eghu ka mae Lot, “Aheva phei mae teke mei ka sugamu iagho agne grafi ra? Snakre meidi agne kosi, ghehati magnahaghei te thuru baludi phia mare!”

Jenesis 19:5 ပူးပေါင်းရင်းမြစ်များ

Jajis 19:22

Kate ghamu glealeꞌa teu mare na, kaisei tothoghei mae te diꞌa ka namono igne falithuini suga na tutini grengatha na ne eha eghu, “Iagho hata mei mae te mei ka sugamu iagho agne ia, mala lalahu nomi ka mana.”

Letas Teke Rioriso Mae Jud 1:7

Ghotilo jaola ke ghatho fapulodi phei namono biꞌo Sodom ghe Gomora nei keha namono te au faligohodi phei namono biꞌo tuare. Naiknodi namono igre neke jafra jateula engel te jafra teke theome leghuni God igre neku. Naugna namono igre fodu ka gnognoro, eghuteuna mae nalha'udire neke gnognoro fari thedi. Aonu mare neke au papara ka khaꞌaghi te theo ka glehegna na. Eghume mae igre kaisei fagaglana mala filoni tahati hui.

Profet Isaia 3:9

Naikno igre theome jafra ka naiknodi Sodom tifa ra. Mare theome mamaja te eni puhi te diꞌa na ka tathadi keha naiknore. Kokhonidi fara naikno igre, naugna mare ei puhi biꞌo ranghidi thedi.

Levitikas 18:22

“Eghuteuna blahi fara eigna mae ihei te eni puhi te diꞌa na balugna keha mae na jateula kaisei gaꞌase teuna, naugna iara thono tiroguni fara puhi igne.

Ululahu Timoti 1:10

ba iheire te eni puhi te diꞌa, ba iheire te glalama fari nalhaꞌu, ba iheire te blau naikno te mala fofoli jateula sneka, ba iheire te cheke chaichaghi tafri, ba iheire te cheke chaichaghi ka fate, ba iheire te eni kaisei glepo te theome leghuni farirhiu te keli na.

Ululahu Korin 6:9

Ghotilo thofno laseni ihei te edi glepo te diꞌa igre ginauna theome thokeni u nakarha te funei frunini God na. Naikno igre te diꞌare: iheire te gnognoro, ba iheire te pogho soru ka mumuju, ba iheire te huhughuni vetula gna tholaghi, ba nalhaꞌu te ei puhi diꞌa fari nalhaꞌu, ba iheire te blau, ba iheire te mamagna, ba iheire te koꞌu te dranga, ba iheire te toutonu chaichaghidi keha naiknore, nei iheire te chaghi mala hata glepo ka keha naiknore. Eghume kheraguro, thosei snakreni ihei te mala chaghi ghami ghotilo eigna puhidi naikno te funei frunidi God re.

Profet Esikiel 16:51

Eghuteuna Samaria gne, nakhibogna re theome thokedi kolho keha vidogna nakhibomu iagho re. Iagho edi glepo te thono diꞌa fara re salaꞌudi glepo teke edi mare re. Kate fananaba nigho iara baludi phei greghamu iagho re, iagho thofno diꞌa fara, nu filogna na repa doglou kolho.

Fapea Timoti 3:13

Tutuani fara, naikno te diꞌa nei mae velepuhi chaichaghi teu igre ginauna diꞌa fara puhidire. Mare ginauna chaghidi koba naiknore, nu mae Satan ginauna nake chaghi fapulo dila mare.

Profet Esikiel 16:49

“ ‘Tifa na, namono igne baludi namono ikodi te au te lithui ka iagho igre fahaehaghe fara. Mare au kmana gano, nu mare theome nanga nodi kolho ka ihei, eghuteuna theome toghodi kolho naikno te kumare.

Profet Jeremaea 6:15

Ba, mae Israel gre mamajadi si puhi te diꞌa te edi mare igrea? Thono theo fara! Mare theome laseni te mamaja na. Naugna igne, iara ginauna paradi naikno igre eidi puhi te diꞌa te edi mare igre, eghuteuna mare ginauna na kafe lehe, jateula iheire tela lehehi tifara eghu.” Igne chekegna Lord.

Profet Jeremaea 3:3

Naugna igne, iara na theome snakreni nakhete na mala soru mei ka nomi nagare ghotilo are. Nu neuba, ghotilo theome mamaja te tarai ka nomi god themi are.

Profet Isaia 1:9

Jame Lord mae ihei te au nolaghi fateote'o igne theome fakarhidi keha naikno ka tahati meuna, tahati ginauna jame kafe luvu fahui jateula naiknodi phei namono biꞌo Sodom ghe Gomora tifa ra eghu.

Levitikas 20:13

“Jame kaisei mae eni puhi te diꞌa na ka keha mae na jateula kaisei gaꞌase eghu, phia mare eni puhi te thofno suku noguni fara iara na. Ghotilo aknu falehedi phia mare, glehe igne eigna nodi najafra thedi phia mare.

Fapea Pita 2:2

Kmana naikno khiloau ginauna jaola leghudi puhi diꞌa te edi mare re. Naugna igne keha naiknore na funu cheke fadiꞌani Nonomho te Keli te thofno tutuani fara igne.

Fapea Pita 2:7

Nu God neke fakarhini mae Lot ka phei namono igre, Sodom ghe Gomora. Eigna mae Lot gne kaisei mae doglo fara, eghuteuna mana neke au diꞌanagnafa ka puhidi naikno te diꞌare.

Jenesis 19:6

Mae Lot ne jifla kosi ka mare, aonu mana ne bobotho mei grengatha na.

Diutronomi 23:17

Theo kaisei mae ba gaꞌasegna Israel, te tangomana te vinegna kaisei vido blahi na.

Ululahu Kings 14:24

Eghuteuna mae nalhaꞌu nei gaꞌase teu te au ka vido blahi igne mare eni puhi te diꞌa na ka naikno te mei tarai ka mumuju god igre. Neuba Lord neke brue fajifladi naikno te diꞌa puhidi igre ka nodi namono Israel, naiknodi Juda igre ne theome gnafa te leghudi puhidi naikno te thono diꞌa fara tifa ra.

Ululahu Kings 22:46

Mana ne kafe khi fajifladi Juda mae nalhaꞌu nei gaꞌase eghu te edi puhi te diꞌa na ka vido te blahi igre. Naikno igre au neku ngala ke leghugna teke king mae Asa, kmagna mae Jehosafat.

Profet Esikiel 16:50

Mare fahaehaghe fara eghuteuna patugama fara, eghuteuna glepo te edi mare igre thono diꞌa fara. Igne te theome magnahagheni iara ka mare na eghuteuna iara la goigonidi hi mare jateula ghotilo tela lasedihi ra eghu.