Jenesis 19:35 - Buka Blahi Ka Cheke Holo

³⁵ Aonu ka grafi igne repa neke fakoꞌuni mae kmadi na ne dranga fara, eghuteuna gaꞌase ke iko na tei ne thuru balugna mana. Mana ne dranga fara jateula teke eni ulu lahu ia neu ne theome laseni unha te eni thugna gaꞌase na ka mana na.

Jenesis 19:35 ပူးပေါင်းရင်းမြစ်များ

Ululahu Pita 4:7

Nu tahati la mei namohi ka narane gobigna lepo ka nauthoglu igne ginauna hui. Eghume te keli na ghotilo ghaoghatho fakeli, nei filo fakeli eghu mala tangomana ghotilo te tarai na.

Luku 21:34

“Fiofilo ghami ghotilo ia! Na eghunu ima ghemi kolho, koꞌu ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na.

Eklesiasti 7:26

Unha te filoni iara na igne, kaisei glepo te haimini iara te diꞌanagnafani iara na uluni glehe na, nafnata gaꞌase te jateula kaisei phighoro teu igne, eghuteuna khamegna na tangomana te loku famaku ka iagho jateula kaisei chen eghu. Ihei te leghuni God na tangomana te rikha na, nu naikno te diꞌa na ginauna khale ka phighoro.

Proveb 24:16

Neubane thoke mei kmana fata puhi biꞌo ka mae te keli igne, nu mae te keli igne ginauna kegra heta. Nu puhi biꞌo ginauna goigonini mae te diꞌa na.

Nodi Khoje Hatimare Mae Jiu 8:4

Iara ne cheke eghu, “Tore, ghehati gne khogla naikno kolho. Mala unha sagho te reireghi fakeli ghami ghehati gnea?”

Jenesis 19:34

Keha narane ke leghugna te edi puhi igre, gaꞌase ke biꞌo na ne cheke eghu ka gaꞌase ke iko na, “Grafi na iara neke thuru balugna mama. Grafi na tapa nake fakoꞌuni mama mala dranga mana. Eghuteuna iagho ginauna na tei mala thuru balugna jateula teke eni iara ia eghu mala au thuda, eghuteuna ka puhi igne vikeda tahati teke fufunu ka kmada gne na ginauna na theome gnafa ka nauthoglu igne.”

Jenesis 19:36

Aonu ka puhi igne phei sua gaꞌase re ne bukla ka mae Lot, kmadi thedi na.