Jenesis 19:31 - Buka Blahi Ka Cheke Holo

³¹ Kaisei narane, gaꞌase ke biꞌo na ne cheke eghu ka gaꞌase ke iko na, “Kmada tapa igne la mae biꞌo hi. Nu agne na theo kaisei nalhaꞌu te mala tolaghi ka tapa na eghu.

Jenesis 19:31 ပူးပေါင်းရင်းမြစ်များ

Diutronomi 25:5

Mae Moses ne cheke eghu, “Jame phei mae thabusigna au fodu, eghuteuna kaisei ka phei mae igre lehe, nu mana theo thugna nalhaꞌu. Jame te eghu na, khetogna mana teke lehe kokoi igne thosei tolaghi ka keha tharaknai. Thabusigna mae te lehe igne mala ke tolaghi ka naꞌa.

Profet Isaia 4:1

Ka narane tuana, fitu gaꞌase magnahaghei te tolaghi ka kaisei mae nalhaꞌu kolho, eghume goro gaꞌase igre ginauna cheke eghu, “Ghehati tangomana te hiro ghemi gano nei pohe eghu themi. Nu ghehati thono mamaja nomi fara, naugna ghehati gne theo khetomi. Eghume ghehati magnahaghei te tolaghi nomi ka iagho.”

Jenesis 16:4

Mae Ebram ne thuru balugna Hega, eghuteuna Hega ne bukla. Kate laseni naꞌa te bukla na, naꞌa ne funu susukuni Sarai, khetogna nogna mae funei na.

Jenesis 16:2

Aonu Sarai ne cheke eghu ka mae Ebram, “Iagho laseni igne, Lord na theome snakre ghau iara te mala au sua na. Eghume iagho tangomana te tei thuru balugna nogu gaꞌase gloku iara gne mala au kaisei thugu iara.” Mae Ebram ne leghuni nogna cheke Sarai na.

Jenesis 6:4

Ka narane tuare ba ka narane te mei nathuꞌu nei nauriha teu igre, mae te kilodi Nefilim te au ka nauthoglu igne. Mae igre mae brahu fara nei lase magra fara eghu. Ka narane tuare la, goro gaꞌase teke thuru baludi nogna engel God ra. Thudire neke biꞌo haghe neke nheta fara tutuani. Eghuteuna mare tangomana te edi kmana nafnata gloku te biꞌo nei nanghadire fnakno fara neku tifa na.

Jenesis 4:1

Mae Adam ne thuru balugna Ivi khetogna na ne au kaisei thugna nalhaꞌu. Naꞌa ne cheke eghu, “Iara na kiloni nanghagna sua igne mae Kein, naugna Lord la togho ghau iara la atha kaisei thugu nalhaꞌu.” Gaoghathogna Kein teu igne “atha” eghu ka cheke Hibru na.

Jenesis 19:28

Mae Ebraham ne filo soru ka phei namono biꞌo Sodom ghe Gomora igre nei ka sare te gnafa ka Khoꞌu biꞌo Jordan. Mana ne filoni gagahu na ne haghe ka namono na jateula gagahu khaꞌaghi biꞌo neu.

Nonomho Te Keli Teke Risoi Mae Mak 9:6

Mana theome laseni kaisei unhanga te mala chekeni na, naugna thilomare ne mhaghu nodi fara.