Jenesis 19:28 - Buka Blahi Ka Cheke Holo

²⁸ Mae Ebraham ne filo soru ka phei namono biꞌo Sodom ghe Gomora igre nei ka sare te gnafa ka Khoꞌu biꞌo Jordan. Mana ne filoni gagahu na ne haghe ka namono na jateula gagahu khaꞌaghi biꞌo neu.

Jenesis 19:28 ပူးပေါင်းရင်းမြစ်များ

Thakle 18:9

Kmana mae king neke eni puhi te diꞌa balugna naꞌa nei neke gleale'a fara te hata gobigna lepo te keli fara ka naꞌa. Tutuani mare ginauna tanhi fara nei diꞌanagnafa fara eghu, kate filoni khujogna khaꞌaghi te nhako namono igne.

Thakle 9:2

Kate tothora mana glave te mamhara igne, gagahu biꞌo na ne jifla mei ka glave na jateula gagahu khaꞌaghi te biꞌo fara neu. Eghuteuna gagahu te jifla mei ka glave na igne ne toku tafruni naphaegna naprai na ne romno fara maloa na.

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Thakle 18:18

Eghuteuna kate filoni mare khujogna khaꞌaghi te nhako teu namono na, mare ginauna eha eghu, “Icho idomi, theo kaisei namono biꞌo te nanaba ka namono biꞌo igne na!”

Letas Teke Rioriso Mae Jud 1:7

Ghotilo jaola ke ghatho fapulodi phei namono biꞌo Sodom ghe Gomora nei keha namono te au faligohodi phei namono biꞌo tuare. Naiknodi namono igre neke jafra jateula engel te jafra teke theome leghuni God igre neku. Naugna namono igre fodu ka gnognoro, eghuteuna mae nalha'udire neke gnognoro fari thedi. Aonu mare neke au papara ka khaꞌaghi te theo ka glehegna na. Eghume mae igre kaisei fagaglana mala filoni tahati hui.

Thakle 19:3

Mare ne eha fabiꞌo ne cheke eghu, “Tahati cheke fakelini God! Naugna khujogna khaꞌaghi te nhako teu namono biꞌo na ne haghe fabrahu theome tangomana te gnafa na.”

Fapea Pita 2:7

Nu God neke fakarhini mae Lot ka phei namono igre, Sodom ghe Gomora. Eigna mae Lot gne kaisei mae doglo fara, eghuteuna mana neke au diꞌanagnafa ka puhidi naikno te diꞌare.

Nodi Khoje Hatimare Mae Jiu 107:34

Eghuteuna mana na edi glose igre mala fodu ka solt mala theo kaisei glepo te kotu jare na. Naugna naikno te au ka vido tuana ra ne diꞌa fara puhidire.

Eksodas 19:18

Aonu Lord ne soru mei ke lamna khaꞌaghi biꞌo ne phae falithui ke kligna thogele, eghuteuna gagahu biꞌo ne toku thafruni thogele na. Gagahu igne ne haghe kligna ka maloa na jateula gagahugna kaisei khaꞌaghi biꞌo, eghuteuna thogele igne ne nghali thongana.

Profet Malakai 3:2

Nu ihei gne te nabagna te mala au heta teu ka narane nate mei mana na? Uve, theo kaisei mae nate tangomana te kegra heta kate filoni mana na. Mana ginauna na jateula mae ihei te gahu ka khaꞌaghi silva te mala khoko thonara eghu, ba jateula mae ihei te sopu nogna pohe te thona na te mala gaera eghu.