Jenesis 19:25 - Buka Blahi Ka Cheke Holo

²⁵ Lord ne roꞌedi phei namono biꞌo Sodom ghe Gomora baludi naikno te gnafa teke au ke lamnadi phei namono biꞌo igre, nei jaola nagare te gnafa nei gaju te gnafa eghu heva heva ka vido Sare Khoꞌu biꞌo Jordan. Ba, unha teke salaꞌu karha teku jare na? Theo fara!

Jenesis 19:25 ပူးပေါင်းရင်းမြစ်များ

Nodi Khoje Hatimare Mae Jiu 107:34

Eghuteuna mana na edi glose igre mala fodu ka solt mala theo kaisei glepo te kotu jare na. Naugna naikno te au ka vido tuana ra ne diꞌa fara puhidire.

Jenesis 13:10

Mae Lot filo laodi vido glose te au pari ka sare gna khoꞌu Jordan te tei posa ka namono Soa. Mana laseni jare na kmana khoꞌu nei famane glose fara jateula nagare Eden nei jateula kantri Ijep eghu. Ka narane igne Lord theome roꞌedi ngau phei namono biꞌo Sodom ghe Gomora te au ka sare teuna.

Fapea Pita 2:6

God jaola neke fatedi phei namono biꞌo Sodom ghe Gomora, God neke faghamu khaꞌaghidi ne vuhai nakrofu. Igne kaisei thotoghale te mala filoni iheire te huhughuni God nei laseni unha nate thoke mei ka mare nathuꞌu nauriha na.

Jenesis 13:12

Mae Ebram ne tei au soru ka kantri Kenan. Eghuteuna mae Lot ne tei au soru fari hoteidi namono biꞌo te au ka sare khoꞌu Jordan. Jare mae Lot ne hohoro haghe nogna suga tapuale na rhegna namono Sodom.

Diutronomi 29:23

Heva heva ka nomi glose ghotilo are ginauna krogha, eghuteuna ginauna na theo kaisei glepo nate karha tagna na. Ghotilo ginauna theome tangomana te joꞌu kaisei glepo tagna na. Naugna khaꞌaghi ghe solt ginauna thafru tagna. Neubane kaisei buburu kolho, theome tangomana te jaola te karha tagna na. Nomi namono ghotilo re ginauna diꞌa jateula namono biꞌo Sodom, nei Gomora, nei Adma, nei Seboim eghu teke goigoni Lord tifa kani teke diꞌatagna fara mana ka mare ra eghu.

Profet Isaia 13:19

Namono Babilonia igne famane fara salaꞌudi keha namono biꞌo ka nauthoglu igne, eghuteuna naikno gna namono igne fahaehagheni fara nodi namono na. Nu Lord ginauna roꞌeni namono biꞌo igne jateula Sodom ghe Gomora tifa ra eghu.

Profet Jeremaea 20:16

Iara magnahaghei puhi biꞌo thokeni mae igne, jateula puhi biꞌo teke thokeni namono teke goigoni Lord ia eghu. Iara magnahagheni mae igne te nomhidi naikno te tanhi fei hamerane, eghuteuna hatimare mae naoka eha fabiꞌo fari hotei naublatha.

Profet Jeremaea 49:18

Idom gne ginauna groꞌe jateula teke roꞌedi iara Sodom ghe Gomora tifa baludi namono teke au faligohodi phei namono igre ra eghu. Na jateula tuana eghu theo kaisei naikno nate au tagna na. Igne cheke gna Lord.

Profet Jeremaea 50:40

Tifa na iara neke roꞌedi phei namono biꞌo Sodom ghe Gomora baludi namono te au faligohodi phei namono biꞌo igre. Eghume, iara ginauna na jateula tuana eghu roꞌeni Babilonia mala krogha theo kaisei naikno te au tagna na.” Igne chekegna Lord.

Lamentations 4:6

God neke roꞌeni kaisei fata kolho namono Sodom, eghuteuna theo kaisei naikno te toghodi naiknogna namono tuana. Nu naꞌau papara te thokedi nogu naikno iara igre thofno diꞌa fara salaꞌuni nodi naꞌau papara naiknodi Sodom tifa ra.

Profet Esikiel 16:50

Mare fahaehaghe fara eghuteuna patugama fara, eghuteuna glepo te edi mare igre thono diꞌa fara. Igne te theome magnahagheni iara ka mare na eghuteuna iara la goigonidi hi mare jateula ghotilo tela lasedihi ra eghu.

Profet Emos 4:11

“Iara na roꞌedi keha ka ghotilo jateula teke roꞌedi iara phei namono biꞌo Sodom ghe Gomora tifa ra eghu. Uve, ghotilo te karha teu gognaro igre keli tami fara, naugna ghotilo ne jateula kaisei vido gaju teke hata fajifla mare ka khaꞌaghi biꞌo ra neu. Nu neuba, ghotilo theome magnahaghei teke pulo mei ka iara na.

Profet Jeremaea 23:14

Nu gognarona iara jaola filodi mae profet di Jerusalem igre. Mare jaola thofno diꞌa fara salaꞌudi keha mae profet tifa ra. Mare theome leghuni puhigna tholaghi na, eghuteuna nakarhadire fodu ka chaichaghi. Mare toghodi naikno te diꞌa puhidire mala theome gnafa mare kate eni puhi te diꞌa na. Naiknodi Jerusalem igre kafe diꞌa hui jateula phei namono biꞌo Sodom ghe Gomora tifa ra eghu.”

Profet Sefanaea 2:9

Tutuani, te chekeni iara nodi God mae Israel igre na, phei kantri Moab ghe Amon igre ginauna thofno groꞌe theo tokadi jateula phei namono biꞌo Sodom ghe Gomora tifa ra eghu. Eghuteuna nodi glose mare igre ginauna theome tangomana nate karha gano na, naugna tahi kolho nate thafru ka vido tuare. Eghuteuna buburu kolho nate karha jare na. Eghuteuna nogu naikno iara te karha teu igre ginauna hata nodi glepo te keli ka naiknodi phei namono biꞌo Moab ghe Amon, eghuteuna hata fadelei teke nodi glose mare igre.”