Jenesis 19:24 - Buka Blahi Ka Cheke Holo

²⁴ Aonu Lord ne tofa soru kaisei nakhete thina ngire balu khaꞌaghi ke klignadi namono Sodom ghe Gomora.

Jenesis 19:24 ပူးပေါင်းရင်းမြစ်များ

Diutronomi 29:23

Heva heva ka nomi glose ghotilo are ginauna krogha, eghuteuna ginauna na theo kaisei glepo nate karha tagna na. Ghotilo ginauna theome tangomana te joꞌu kaisei glepo tagna na. Naugna khaꞌaghi ghe solt ginauna thafru tagna. Neubane kaisei buburu kolho, theome tangomana te jaola te karha tagna na. Nomi namono ghotilo re ginauna diꞌa jateula namono biꞌo Sodom, nei Gomora, nei Adma, nei Seboim eghu teke goigoni Lord tifa kani teke diꞌatagna fara mana ka mare ra eghu.

Profet Isaia 13:19

Namono Babilonia igne famane fara salaꞌudi keha namono biꞌo ka nauthoglu igne, eghuteuna naikno gna namono igne fahaehagheni fara nodi namono na. Nu Lord ginauna roꞌeni namono biꞌo igne jateula Sodom ghe Gomora tifa ra eghu.

Letas Teke Rioriso Mae Jud 1:7

Ghotilo jaola ke ghatho fapulodi phei namono biꞌo Sodom ghe Gomora nei keha namono te au faligohodi phei namono biꞌo tuare. Naiknodi namono igre neke jafra jateula engel te jafra teke theome leghuni God igre neku. Naugna namono igre fodu ka gnognoro, eghuteuna mae nalha'udire neke gnognoro fari thedi. Aonu mare neke au papara ka khaꞌaghi te theo ka glehegna na. Eghume mae igre kaisei fagaglana mala filoni tahati hui.

Fapea Pita 2:6

God jaola neke fatedi phei namono biꞌo Sodom ghe Gomora, God neke faghamu khaꞌaghidi ne vuhai nakrofu. Igne kaisei thotoghale te mala filoni iheire te huhughuni God nei laseni unha nate thoke mei ka mare nathuꞌu nauriha na.

Profet Emos 4:11

“Iara na roꞌedi keha ka ghotilo jateula teke roꞌedi iara phei namono biꞌo Sodom ghe Gomora tifa ra eghu. Uve, ghotilo te karha teu gognaro igre keli tami fara, naugna ghotilo ne jateula kaisei vido gaju teke hata fajifla mare ka khaꞌaghi biꞌo ra neu. Nu neuba, ghotilo theome magnahaghei teke pulo mei ka iara na.

Profet Jeremaea 50:40

Tifa na iara neke roꞌedi phei namono biꞌo Sodom ghe Gomora baludi namono te au faligohodi phei namono biꞌo igre. Eghume, iara ginauna na jateula tuana eghu roꞌeni Babilonia mala krogha theo kaisei naikno te au tagna na.” Igne chekegna Lord.

Profet Sefanaea 2:9

Tutuani, te chekeni iara nodi God mae Israel igre na, phei kantri Moab ghe Amon igre ginauna thofno groꞌe theo tokadi jateula phei namono biꞌo Sodom ghe Gomora tifa ra eghu. Eghuteuna nodi glose mare igre ginauna theome tangomana nate karha gano na, naugna tahi kolho nate thafru ka vido tuare. Eghuteuna buburu kolho nate karha jare na. Eghuteuna nogu naikno iara te karha teu igre ginauna hata nodi glepo te keli ka naiknodi phei namono biꞌo Moab ghe Amon, eghuteuna hata fadelei teke nodi glose mare igre.”

Lamentations 4:6

God neke roꞌeni kaisei fata kolho namono Sodom, eghuteuna theo kaisei naikno te toghodi naiknogna namono tuana. Nu naꞌau papara te thokedi nogu naikno iara igre thofno diꞌa fara salaꞌuni nodi naꞌau papara naiknodi Sodom tifa ra.

Profet Jeremaea 20:16

Iara magnahaghei puhi biꞌo thokeni mae igne, jateula puhi biꞌo teke thokeni namono teke goigoni Lord ia eghu. Iara magnahagheni mae igne te nomhidi naikno te tanhi fei hamerane, eghuteuna hatimare mae naoka eha fabiꞌo fari hotei naublatha.

Thoutonu Eigna Mae Job 18:15

Mare ginauna gnubra nogna suga tapuale mana na. Eghuteuna thina ngire te brana igne gnubra nogna namono mana na.

Profet Hosia 11:8

“Israel! Iara theome tangomana nate tei koko ghami ghotilo na, ba te rikha ghami na. Iara na theome roꞌe ghami ghotilo jateula teke eni iara tifa ka phei namono biꞌo Adma ghe Seboim ra. Theo. Iara thofno namha ghami ghotilo ka nagnafagu na. Iara theome magnahaghei te eni kaisei puhi te diꞌa jateula ghotilo teuna.

Profet Jeremaea 49:18

Idom gne ginauna groꞌe jateula teke roꞌedi iara Sodom ghe Gomora tifa baludi namono teke au faligohodi phei namono igre ra eghu. Na jateula tuana eghu theo kaisei naikno nate au tagna na. Igne cheke gna Lord.

Profet Isaia 1:9

Jame Lord mae ihei te au nolaghi fateote'o igne theome fakarhidi keha naikno ka tahati meuna, tahati ginauna jame kafe luvu fahui jateula naiknodi phei namono biꞌo Sodom ghe Gomora tifa ra eghu.

Nodi Khoje Hatimare Mae Jiu 11:6

Mana ginauna na tofa soru khaꞌaghi te ngire na ke klignadi mala thunu mare thinidire. Mana ginauna paradi nafnata naikno igre, eigna mare ne eni puhi te diꞌa na.

Luku 10:12

Te chekeni iara ka ghotilo na, ka narane leghu lahu na God ginauna fatedi naikno te au ka namono igne. Fate tuana ginauna biꞌo fara uludi narane teke fatedi mana naikno te diꞌa te au ka namono Sodom.”

Thakle 14:10

God ginauna parani naikno tuana. Tutuani, naikno tuana ginauna mala ko'uni kapu waen te fodu ka diꞌatagna God na. Waen tuana thono raha fara eghuteuna God ginauna jaola rahani fara kate paradire. Eghuteuna naikno tuana ginauna au papara ka khaꞌaghi te brana fara nei ka thina te ngaja ke uludi hatimare mae engel nei ke ulugna Lam.

Jenesis 13:10

Mae Lot filo laodi vido glose te au pari ka sare gna khoꞌu Jordan te tei posa ka namono Soa. Mana laseni jare na kmana khoꞌu nei famane glose fara jateula nagare Eden nei jateula kantri Ijep eghu. Ka narane igne Lord theome roꞌedi ngau phei namono biꞌo Sodom ghe Gomora te au ka sare teuna.

Jenesis 13:12

Mae Ebram ne tei au soru ka kantri Kenan. Eghuteuna mae Lot ne tei au soru fari hoteidi namono biꞌo te au ka sare khoꞌu Jordan. Jare mae Lot ne hohoro haghe nogna suga tapuale na rhegna namono Sodom.

Jenesis 18:17

Aonu Lord ne cheke eghu ka gaoghathogna thegna na, “Iara ginauna na cheke thakleni ka mae Ebraham te namo roꞌeni iara namono biꞌo Sodom gne.

Jenesis 19:23

Kate haghe naprai na mae Lot ne posa lao ka namono Soa.

Eksodas 9:23

Kate tusu haghe mae Moses nogna khodo na ka maloa na, Lord ne fagafui maloa na ka khoveo ne romno soru, aonu nakhete thina aes na ne funu soru mei ka vido te gnafa ka kantri Ijep. Aonu fila na poha ne inge ka maloa na, eghuteuna u nakafli na ne sigla ulu leghu funu kligna ne soru mei ka glose na. Igne ngala u nakhete thina ulu lahu te thono biꞌo fara teke eni jare Ijep na. Tifa na mare neke theome filoni kaisei nakhete jateula igne teku na. Thono theo fara.

Thoutonu Eigna Mae Job 1:16

Kate cheke teu mana igne, keha mae gloku na posa mei ne cheke eghu, “Funei! Nakafli na soru mei funu kligna gnhubra fahui nou sipu iagho ra baludi mae greireghi sipu ra. Iara thegu kolho rikha te mei cheke ka iagho na.”

Profet Isaia 30:33

Lord tarabanahi kaisei glave biꞌo mala horo khaꞌaghi mala gnubrani king biꞌogna Asiria. Glave igne mamhara fara, eghuteuna mare tarabanahi kmana gaju jare. Eghuteuna Lord ginauna phanga mei khaꞌaghi brana. Naugna phaphanga gna Lord na brana fara jateula khaꞌaghi eghu.

Diutronomi 28:24

Eghuteuna Lord ginauna snakre mei nusu nei gaughavu mala thofa soru funu kligna ka maloa gno jateula nakhete eghu mala ghilei goigoni fahui ghami ghotilo.

Diutronomi 29:22

“Aonu unha nate eni ginauna, thumi ghotilo re, baludi iheire nate mei ke leghumi ghotilo re, nei naikno phosadi keha kantri te khaba are, mare ginauna filodi puhi biꞌo nate nhaꞌa mei Lord ka namonomi ghotilo are, eghuteuna mare ginauna jaola filodi fogra nate thoke ghami ghotilo.

Profet Jeremaea 23:14

Nu gognarona iara jaola filodi mae profet di Jerusalem igre. Mare jaola thofno diꞌa fara salaꞌudi keha mae profet tifa ra. Mare theome leghuni puhigna tholaghi na, eghuteuna nakarhadire fodu ka chaichaghi. Mare toghodi naikno te diꞌa puhidire mala theome gnafa mare kate eni puhi te diꞌa na. Naiknodi Jerusalem igre kafe diꞌa hui jateula phei namono biꞌo Sodom ghe Gomora tifa ra eghu.”