Jenesis 19:22 - Buka Blahi Ka Cheke Holo

²² Nu faghose chari me tei iagho jare eghu. Iara ginauna na theome eni kaisei glepo ka namono Sodom ghe Gomora ghilei posa lao ghotilo jare.” Mae Lot ne kiloi namono igne Soa, naugna ne namono ikoi fara. Eigna gaoghathogna “Soa” teu igne ikoi eghu.

Jenesis 19:22 ပူးပေါင်းရင်းမြစ်များ

Jenesis 13:10

Mae Lot filo laodi vido glose te au pari ka sare gna khoꞌu Jordan te tei posa ka namono Soa. Mana laseni jare na kmana khoꞌu nei famane glose fara jateula nagare Eden nei jateula kantri Ijep eghu. Ka narane igne Lord theome roꞌedi ngau phei namono biꞌo Sodom ghe Gomora te au ka sare teuna.

Diutronomi 9:14

Iagho thosei lhoti ghau iara, iara ginauna goigonidi mare. Iara ginauna na theome snakreni kaisei naikno mala ke ghathodi mare. Eghume iara ginauna eni vikemu iagho na mala kaisei vike te biꞌo nei nolaghi fara eghu uludi mare.’

Eksodas 32:10

Iara thono diꞌatagu fara ka naikno igre, eghuteuna iara ginauna goigonidi nei roꞌedi eghu mare. Iagho thosei fariuriu lhoti ghau iara. Iara ginauna eni nigho iagho baludi iheire nate karha mei ke leghumu iagho re mala kaisei vike biꞌo.”

Taetus 1:2

Mana magnahaghei ghita tahati te mala hata u karha te theo ka huigna na. Eghuteuna, tahati rouronu eigna u nakarha igne naugna God neke kulu nhaꞌa chekenihi igne funu tifa kani theome vuvuha nga tekeu u nauthoglu igne. Nu tahati kafe laseni God na theome tangomana te chaghi ghita tahati na.

Fapea Timoti 2:13

Neuba tahati ne theome tajini noda nhaꞌa cheke na, mana ginauna na tajini fabrahu nogna nhaꞌa cheke na, naugna mana theome tangomana te chaghini thegna na.”

Nonomho Te Keli Teke Risoi Mae Mak 6:5

Mae Jisas ne theome tangomana te edi kmana kofubobhoi jare. Nu kofubobhoi te edi mana re ngala te habo lao ka keha naikno kolho teke fogra re teke keli fapulore.

Profet Jeremaea 48:34

“Naogladi naikno te tanhi fabiꞌo ka namono Hesbon, Eleale nei Jahas tangomana te nomhi laodire. Eghuteuna naikno te au ka namono Soa, Horonaem, nei Eglat-Selisia jaola nomhidi. Eghuteuna khoꞌu ikoi Nimrim igne ginauna krango dofini.

Profet Isaia 65:8

Lord ne cheke eghu, “Kate au teu katha kholo grep ka sisigna na, theo kaisei naikno nate goigonidi sisi grep te gnafa igre, nu mana na eꞌei waen tagna. Jateula tuana eghu, iara ginauna theome goigoni ghami ghotilo gnafa nogu naikno iara ra. Uve, iara ginauna na fakarhi ghami ghotilo iheire te leghu ghau iara ra.

Profet Isaia 15:5

“Nu iara ne kokhoni nogudi fara naiknodi Moab igre. Naugna keha ka naikno igre rikha ne tei thoke ka namono Soa, eghuteuna keha naiknore ne tei posa ka namono Eglat-Selisia. Eghuteuna keha ka mare tanhi leghu brou ne haghe ka namono Luhit. Eghuteuna keha ka mare jaola tanhi rikha doglo ne tei ka namono Horonaem.

Jenesis 19:21

Engel na ne cheke eghu ka mae Lot, “Keli fara. Iara ginauna na snakre nigho iagho mala tei jare, eghuteuna iara ginauna na theome roꞌeni namono tuana eghu.

Jenesis 19:23

Kate haghe naprai na mae Lot ne posa lao ka namono Soa.

Diutronomi 34:3

nei nogna nohi Juda ke mata aheva te kiloi Negev, nei glogu Jeriko namonodi gaju thubo, nei nohi ke mata tei posa ka namono Soa.