Jenesis 19:21 - Buka Blahi Ka Cheke Holo

²¹ Engel na ne cheke eghu ka mae Lot, “Keli fara. Iara ginauna na snakre nigho iagho mala tei jare, eghuteuna iara ginauna na theome roꞌeni namono tuana eghu.

Jenesis 19:21 ပူးပေါင်းရင်းမြစ်များ

Nodi Khoje Hatimare Mae Jiu 145:19

Leuleghu fata na mana tusu lao glepo ka iheire te ghatho tahuni mana re. Mana jaola nomhidi nodi tharai re nei fakarhidi.

Nodi Khoje Hatimare Mae Jiu 102:17

Mana ginauna nomhidi noda tharai tahati gre, eigna tahati gne theo kaisei namonoda aheva te mala au na.

Nodi Khoje Hatimare Mae Jiu 34:15

Lord na reireghidi iheire te au doglo eghuteuna fanomho ka nodi tharaire.

Hibru 2:17

Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Luku 11:8

Te chekeni iara ka ghotilo na, mana jame theome magnahaghei kegra te tusu ari gano ka iagho na, neubane mae kheragna thofno iagho. Nu mana ginauna na tangomana te kegra haghe te tusu ari unha te magnahagheni iagho na, naugna iagho ne theome mamaja te tore fabrahu na. Eghuteuna heta gheu iagho te theome khusu thore na.

Matiu 12:20

Naikno te nigra fei thini ba fatutuani, mare jateula fora te namo klopa ba juta te namo lehe ia eghu. Nu mae igne ginauna theome thododi naikno te nigra igre. Nu mana ginauna eni fabrahu igne ghilei thokeni narane naikno te theome Jiu gre nate hatani nakarha nogna God.

Jenesis 18:24

Jame glima fulu naikno te keli te au ka namono biꞌo igne, iagho ginauna na falelehe naikno te keli tuare baludi keha naikno te diꞌa gre? Nabagna na iagho jame thosei roꞌeni namono igne mala theome lehe glima fulu naikno te keli igre.

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Jenesis 4:7

Jame te loku fakeli iagho na, iara ginauna na ghatho tahu nigho, nu jame te loku fadiꞌa iagho na, u nakhibo na ginauna na kaikalitiu te mala goigoni nigho iagho na. Eigna u nakhibo na magnahaghei te tapla fapari nigho iagho. Nu thosei snakreni nakhibo na me mala funei fruni nigho eghu.”

Profet Jeremaea 14:10

Nu Lord ne cheke eghu, “Naikno igre theome batu fakelidi ghahedire mala leghuni nabrou te doglo na. Eghume, iara Lord na theome keli tagu ka mare. Iara ginauna theome ghatho ihodi puhidi mare te diꞌa igre, eghuteuna iara ginauna paradi mare eidi nakhibodi mare igre.”

Jenesis 19:20

Filo sagho ka namono ikoi igno ana. Tuana te namo te naba iara te mala rikha te tei tagna na. Kaisei namono ikoi fara. Iagho snakre ghau iara mala rikha tei iara jare. Iara ginauna na karha jare.”

Jenesis 19:22

Nu faghose chari me tei iagho jare eghu. Iara ginauna na theome eni kaisei glepo ka namono Sodom ghe Gomora ghilei posa lao ghotilo jare.” Mae Lot ne kiloi namono igne Soa, naugna ne namono ikoi fara. Eigna gaoghathogna “Soa” teu igne ikoi eghu.

Ululahu Samuel 25:35

Aonu mana ne atha glepo teke tufa Abigel igre ne cheke eghu ka naꞌa, “Iagho ke pulo ka pharikeli, thosei nanga nou. Iara ginauna eni unha teke toreni iagho na.”

Eksodas 33:17

Eghuteuna Lord ne cheke eghu ka Moses, “Iara ginauna thofno eni tutuani unha te toreni iagho na, naugna iara thofno lase nigho iagho fara, eghuteuna iara jaola keli tagu fara ka iagho.”