Jenesis 19:19 - Buka Blahi Ka Cheke Holo

¹⁹ Iagho neke kokhoni ghau nei lolokeli ranghi ghau neku fara iara neke fakarhigau iara ka glehe. Nu iara theome tangomana te rikha te tei ka thogele igro na eghu, naugna ne khaba fara. Neubane rikha ne tei iara, iara ginauna na lehe la ngala kate roꞌeni God namono igne na.

Jenesis 19:19 ပူးပေါင်းရင်းမြစ်များ

Ululahu Kings 9:9

Naugna mare neke tei kokoni mana neke pogho soru ka keha god delei, aonu mana neke snakre mei puhi biꞌo ka mare. Mare neke eni igne, neuba Lord, nodi God mare neke hata fapulodi Ijep kuꞌedi mare tifa ra.”

Ululahu Samuel 27:1

Nu mae Devet ne cheke eghu ka gaoghatho gna thegna na, “Keha narane mae king Sol ginauna falehe ghau iara. Te keli na iara na rikha tei au Filistia. Jame te tei au iara jare na, mana ginauna na theome hiro ghau iara agne Israel. Mana ginauna theome tangomana te goigoni ghau iara na.”

Diutronomi 31:17

Aonu kate eni mare igne na, iara ginauna diꞌatagu fara ka mare, eghuteuna iara ginauna lisadi mare. Iara ginauna poru ka mare, eghuteuna kmana puhi ginauna mei goigonidi mare. Mare ginauna thokedi kmana puhi biꞌo, eghuteuna kate thoke mei glepo te diꞌa ka mare na, mare ginauna laseni te theome au iara baludi mare na.

Jenesis 12:13

Jame te keli na iagho cheke eghu ka mare, iagho gregagu iara. Te eghu iagho na, mare ginauna na keli ranghi ghau iara na theome falehe ghau iara.” Sarai ne leghuni igne.

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Nonomho Te Keli Teke Risoi Mae Mak 9:19

Mae Jisas ne cheke eghu, “Tore, ghotilo naikno gre theome fatutuani ni God kolho! Niha fata au fabrahu iara balumi ghotilo sia? Iara hongo ghau fara ka ghotilo! Hata mei ka iara agne mae sitei na!”

Luku 1:58

Eghuteuna, kheragna nei vikegna teu Elisabet re ne nomhini te thono keli fara Lord ranghini naꞌa na ne kafe gleale'a.

Jenesis 6:8

Nu Lord ne keli tagna fara ka mae Noa.

Jenesis 19:18

Nu mae Lot ne cheke eghu ka kaisei mae ka phia mare, “Mae biꞌo, thosei kuru ghau iara mala jifla kokoni sare igne.

Jenesis 19:20

Filo sagho ka namono ikoi igno ana. Tuana te namo te naba iara te mala rikha te tei tagna na. Kaisei namono ikoi fara. Iagho snakre ghau iara mala rikha tei iara jare. Iara ginauna na karha jare.”

Jenesis 19:30

Nu mae Lot ne mhaghu nogna fara te au jare ka namono Soa. Aonu mana ne hata phei thugna gaꞌase re ne tei au ka gluma thina ka thogele ro.

Jenesis 39:4

Aonu mana ne keli tagna fara ka mae Josep ne vahini mana mala kaisei nogna mae funei gloku. Eghuteuna mana ne lisa lao ka Josep u nolaghi te mala reireghidi khetogna, thugna, nei gobigna lepo eghu te khotodi mana re.