Jenesis 19:17 - Buka Blahi Ka Cheke Holo

¹⁷ Kate hata fajifladihi ke kosigna namono na, kaisei engel na ne cheke eghu, “Faghose rikha, na eghunu lehe ghotilo eghu. Thosei filo faleghu ba thosei gnokro e gnafa ka sare pari ana. Rikha tei ka thogele holo igro, na eghunu lehe ghotilo eghu.”

Jenesis 19:17 ပူးပေါင်းရင်းမြစ်များ

Luku 9:62

Mae Jisas ne cheke eghu ka mana, “Mae ihei te snakredi keha naiknore te mala fanogrini nogna gloku God na, mana theome nabagna te au baludi naikno te funei frunidi God re.”

Jenesis 19:26

Nu khetogna mae Lot na ne huhughuni Lord ne filo faleghu. Eghuteuna thinigna na ne figri ne vuhai solt ne maku jateula thina neu ne kegra neu jare.

Jenesis 19:22

Nu faghose chari me tei iagho jare eghu. Iara ginauna na theome eni kaisei glepo ka namono Sodom ghe Gomora ghilei posa lao ghotilo jare.” Mae Lot ne kiloi namono igne Soa, naugna ne namono ikoi fara. Eigna gaoghathogna “Soa” teu igne ikoi eghu.

Matiu 3:7

Kmana mae Farasi nei mae Sadiusi eghu ne mei ka vido aheva te faꞌapublahi naikno mae Jone na, naugna mare ne magnahaghei mei apublahi ka mana. Eghuteuna, kate filodi mare na, mae Jone ne cheke eghu ka mare, “Ghotilo jateula mogo eghu! Naugna ghotilo lase chaichaghi fara! Ihei teke cheke ranghi ghami ghotilo te mala mei apublahi na, eghuteuna ihei teke cheke te mala rikhani ghotilo diꞌatagna God tela namo meihi igne?

Profet Jeremaea 48:6

Mare na cheke eghu, ‘Rikha! Faghose, na eghunu lehe tahati eghu! Nakarhada tahati na ninhigrana fara jateula gaju ikoi te karha ka namono nagou ra eghu!’

Ululahu Kings 19:3

Kate nomhini mae Elija cheke igne, mana ne mhaghu nogna fara ne rikha. Mana hata balugna nogna mae gloku na, eghuteuna phiamare rikha ne tei ke mata Juda. Eghuteuna mana ne snakreni nogna mae gloku na mala au ka namono biꞌo Bereseba.

Jenesis 13:10

Mae Lot filo laodi vido glose te au pari ka sare gna khoꞌu Jordan te tei posa ka namono Soa. Mana laseni jare na kmana khoꞌu nei famane glose fara jateula nagare Eden nei jateula kantri Ijep eghu. Ka narane igne Lord theome roꞌedi ngau phei namono biꞌo Sodom ghe Gomora te au ka sare teuna.

Nodi Khoje Hatimare Mae Jiu 121:1

Iara filo haghe ka thogelero, nu theo kaisei naikno jare te mei togho ghau na.

Ululahu Samuel 19:11

Ka bongi igne, king ne kurudi keha mae mala tei ka sugagna mae Devet na mala tei faleheni mana hamerane ka keha narane na. Nu Mikal, khetogna mae Devet igne ne cheke eghu ka mana, “Jame te theome jifla iagho agne ginau bongi na, iagho ginauna lehe ka mare hamerane na.”

Jenesis 18:22

Aonu phei mae ka thilo mae igre kegra haghe ne tei Sodom. Eghuteuna Lord na ne au neu balugna mae Ebraham.

Hibru 2:3

Eghume, te theome ghatho tahuni tahati chekegna God te mala thofno fakarhi ghita na, tahati theome tangomana te fafraini glehe na. Thegna Lord neke kulu cheke eigna u karha igne. Eghuteuna iheire teke thofno nomhini ka thegna mana u cheke igne, mare fatutuani neke cheke eghu ka ghehati, “Thono tuani fara.”

Jenesis 14:10

Ka sare Sidim te magra mare igne au kmana khora, khora igre fodu ka chopu te laka. Kate rikha mae king di Sodom ghe Gomora gre baludi nodi mae armi re, keha mae soldiare ne snoꞌo ka khora te fodu ka chopu igre. Nu keha thilo mae king re ne rikha ne tei baludi nodi mae soldiare ka thogelero.

Jenesis 19:18

Nu mae Lot ne cheke eghu ka kaisei mae ka phia mare, “Mae biꞌo, thosei kuru ghau iara mala jifla kokoni sare igne.

Jenesis 19:30

Nu mae Lot ne mhaghu nogna fara te au jare ka namono Soa. Aonu mana ne hata phei thugna gaꞌase re ne tei au ka gluma thina ka thogele ro.

Naba 16:26

Aonu mana ne cheke eghu ka naiknore, “Jifla ka nodi suga thapuale naikno te diꞌa igre! Thosei habo lao kaisei glepo ka nodi mare are! Eghuteuna jame te eni ghotilo na, God jaola ginauna goigoni ghami ghotilo eidi nakhibodi mae igre.”

Ululahu Kings 1:12

Jame te magnahaghei fakarhini iagho nakarhamu na, nei nakarhagna thumu Solomon gne teuna,

Luku 12:23

Naugna nakarha na glepo ke ulugna ganoi, nei thini na glepo ke ulugna pohei.