Jenesis 19:16 - Buka Blahi Ka Cheke Holo

¹⁶ Nu mae Lot ne tirogna tei ne theome faghose jifla. Aonu phei engel gre ne loku ka khamegna mae Lot na baludi khetogna nei thugna gaꞌase teure ne jifla ka namono na, eigna Lord ne kokhoni nognadi.

Jenesis 19:16 ပူးပေါင်းရင်းမြစ်များ

Fapea Pita 2:9

Thoutonu igre falalase ranghi ghita Lord ginauna fakarhidi iheire te fatutuani ni mana kate thoke meidi hoholo. Nu iheire te theome doglore, Lord ginauna paradi ghilei thokeni narane te mala fatedi naikno te gnafare.

Taetus 3:5

Mana neke fakarhi ghita. Nu mana neke theome fakarha ghita eidi unha gloku te keli teke edi tahati re, theo! Ka nogna kokhoni ghita kolho mana teke fakarha ghita na. Mana neke tusu mei ka tahati u nogna Tharunga te Blahi na mala fagagaedi u nagnafadare, nei hatini tahati u karha majaghani na.

Fapea Korin 1:3

Tahati mala cheke fakelini God nei Kmagna noda Lord Jisas Kraes! Mae ihei te kokhonidi nei tarabana mala toghodi teu naikno te gnafare.

Jone 6:44

Theo kaisei naikno tangomana te mei ka iara na ghilei batu meini mae Mama mae teke kuru mei ghau iara na. Eghuteuna mae ihei te mei ka iara na, iara ginauna fakarha fapuloni mana kau narane leghu lahu na.

Luku 18:13

“Nu mae mala salo takis gne kegra neu delei. Kate tarai na mana tirogna filo haghe kligna. Mana ne tutini babangogna na, naugna mana ne diꞌanagnafadi fara nakhibognare ne tarai eghu, ‘God kokhoni ghau iara, mae te diꞌa gne.’ ”

Lamentations 3:22

Nogna namha Lord na theo ka khusu gna. Puhi te kokhoni ghita nei keli ranghi ghita teu mana igne au fabrahu tifa tifa.

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Nodi Khoje Hatimare Mae Jiu 136:1

Tahati cheke fakelini Lord God naugna puhigna Lord God na thofno keli fara. Mana ne namha ghita tahati tifa tifa.

Nodi Khoje Hatimare Mae Jiu 119:60

Iara theome ofoni ihei nga te mala leghuni chekemu iagho na.

Nodi Khoje Hatimare Mae Jiu 118:1

Tahati tegio ka Lord, eigna mana na thofno keli fara, nei namha ghita fabrahu tifa tifa.

Nodi Khoje Hatimare Mae Jiu 111:4

Lord magnahaghei ghita tahati te ghathodi fabrahu glepo te keli teke edi mana igrei. Eigna Lord ne thofno keli ranghi ghita nei kokhoni ghita eghu fabrahu.

Nodi Khoje Hatimare Mae Jiu 107:1

Tahati tegio ka Lord, naugna mana thofno keli fara! Uve, naugna mana namha ghita fabrahu!

Nodi Khoje Hatimare Mae Jiu 106:8

Nu Lord neke fakakhana ka mare nogna nanheta na neke fakarhidi, leghuni nogna nhaꞌa cheke na.

Nodi Khoje Hatimare Mae Jiu 106:1

Tahati kilo fnaknoni Lord! Tahati tegioni mana, naugna mana thofno keli fara. Uve, mana namha ghita fabrahu.

Nodi Khoje Hatimare Mae Jiu 103:13

God na jateula tahati te kokhonidi thudara eghu e kokhoni ghita tahati naikno te ghatho tahuni mana na.

Nodi Khoje Hatimare Mae Jiu 86:15

Nu Lord, iagho ngala God mae ihei te kokhonidi fara, nei namhadi fara teu naiknore. Uve, iagho thofno keli fara, eigna iagho theome ghosei diꞌatamu, nei iagho tangomana te tajini fabrahu nou nhaꞌa cheke na.

Nodi Khoje Hatimare Mae Jiu 86:5

Lord God, iagho thofno keli fara, nei iagho atha kokodi koba nakhibomi ghehatire. Eghuteuna iagho namhadi fara iheire te tarai ari ka iagho re.

Nodi Khoje Hatimare Mae Jiu 34:12

Ihei te magnahaghei karha fabrahu nei glealeꞌa fabrahu leuleghu narane teuna,

Ululahu Kronikols 16:34

Tahati kilo fnaknoni Lord, naugna mana thofno keli fara. Uve, mana namha ghita fabrahu.

Diutronomi 4:31

Ghotilo tangomana teke pulo mei na naugna Lord nomi God ghotilo na kokhoni ghami ghotilo. Mana theome tangomana te tei koko ghami ba goigoni ghami ba ghatho ihoni nhaꞌa cheke teke eni baludi kuꞌemi ghotilo tifa ra.

Naba 14:18

Tifa na, iagho neke nhaꞌa cheke eghu, ‘Iara ngala Lord na, eghuteuna iara theome tangomana te ghosei diꞌatagu na. Leuleghu fata na iara ghatho tahudi koba nogu naiknore. Iara ginauna atha fadelei nakhibodi nei puhi te diꞌa teu ka nogu naiknore. Nu iheire naikno te edi glepo te diꞌare, iara ginauna paradi mare baludi thudi, gradi, fapea gradi, nei fatilo gradi teu te ginau karha mei ke leghudi mare re.’

Eksodas 34:6

Mana mei ne tei salaꞌu ke ulugna Moses, eghuteuna mana ne cheke eghu, “Iara Lord! Nei iara God. Leuleghu fata na iara kokhonidi naiknore, eghuteuna iara keli fara ka mare. Iara theome ghosei diꞌatagu, eghuteuna leuleghu fata na iara namhadi nogu naiknore nei ghatho tahudi fara mare.

Letas Teke Riso Tei Mae Pol Ka Khiloau Rom 9:18

Eghume te laseni tahati na, kate magnahaghei kokhonini God ihei na, God ginauna kokhonini mana, eghuteuna kate magnahaghei fameglini God ihei na, God ginauna jaola fameglini mana.

Josua 6:22

Mae Josua ne cheke eghu ka phei mae teke tei filoni namono igne, “Ghopa tei ruma ka sugagna Rehab mala hata fajiflani naꞌa baludi tharaknagna na, leghuni unha teke nhaꞌa chekeni ghopa ka naꞌa na.”

Fapea Pita 2:7

Nu God neke fakarhini mae Lot ka phei namono igre, Sodom ghe Gomora. Eigna mae Lot gne kaisei mae doglo fara, eghuteuna mana neke au diꞌanagnafa ka puhidi naikno te diꞌare.

Jenesis 19:15

Hamerane boibongi ka keha narane na, phei engel gre ne cheke ka mae Lot mala fagoegose mana. Phia mare ne cheke eghu ka mae Lot, “Faghose, hata khetomu ana nei phei thumu gaꞌase are eghu mala jifla ka namono igne! Na eghunu lehe ghotilo baludi keha naikno igre eghu.”

Eksodas 34:7

Iara thofno namhadi koba nogu naiknore, nei iheire nate karha mei ke leghudi mare ghilei thokeni kmana thogha finogha. Iara tangomana te atha koko nakhibodi re jame te edi mare glepo te diꞌare, ba figri tagru ghau iara, ba edi thua nafnata nakhibo. Nu iheire te gnafa te leghudi fabrahu puhi te diꞌa re, iara ginauna paradi mare, baludi thudi te gnafa nei gradi te ikodi te gnafa teu mare re, ghilei thokeni fapea gradi nei fatilo gradi nate karha mei ke leghudi mare.”

Diutronomi 5:15

Ghotilo ke ghatho fapulodi narane teke sneka ghotilo Ijep tifa ra, nu iara Lord, nomi God ghotilo, iara neke hata fajifla ghami ghotilo jare ka khame nhetagu iara. Naugna igne iara Lord nomi God ghotilo te cheke faheta ka ghotilo mala gnafa ka narane Sabat.

Diutronomi 6:21

Ghotilo ginauna cheke eghu ranghidi, ‘Tifa na ghehati neke nogna sneka king gna Ijep. Nu Lord neke mei fakarhi ghami ghehati Ijep ka nogna nolaghi biꞌo na.

Diutronomi 7:8

Nu naugna mana namha ghami ghotilo, eghuteuna mana leghuni nhaꞌa cheke teke eni mana baludi kuꞌemi ghotilo tifa ra, mana neke fakarhi ghami ghotilo ka nogna nolaghi biꞌo na kani teke hata fajifla ghami ka khamegna king gna Ijep mala theome sneka ghotilo.

Nodi Khoje Hatimare Mae Jiu 32:10

Naikno te diꞌare ginauna au papara fara ka nakarhadire, nu naikno te rouronu kolho ka Lord re, Lord ginauna na kokhonidi reireghi fakelidi.

Nodi Khoje Hatimare Mae Jiu 33:18

Nu Lord na reireghidi iheire te ghatho tahuni nei rouronuni teu nogna namha biꞌo mana na.

Nodi Khoje Hatimare Mae Jiu 33:19

Mana reireghidi ka glehe nei ka glehe rofo.

Jenesis 43:10

Jame theome lhoti ghami iagho meuna, ghehati gne jame nabau ngala te tei nei ke pulo mei teu hi phia fata na.”