Jenesis 19:14 - Buka Blahi Ka Cheke Holo

¹⁴ Aonu mae Lot jifla ne tei cheke eghu ka phei mae te magnahaghei tolaghi teu ka phei thugna gaꞌase mana re, “Faghose, jifla kokoni namono igne! Lord ginauna na roꞌeni namono igne.” Nu phei mae igre gaoghathodi na ne cheke fagauglahu kolho mana eghu.

Jenesis 19:14 ပူးပေါင်းရင်းမြစ်များ

Naba 16:21

“Gognaro na iara falehedi naikno igre. Eghume ghopa thugha faleghu!”

Naba 16:45

“Ghopa riu fadelei ka naikno igre! Mala tangomana iara te falehedi naikno igre gognarola!” Nu Moses ghe Eron ne pogho soru foflodi nei tathadi teure pari ka glose na, ne tarai.

Profet Jeremaea 51:6

“Ghotilo nogu naikno iara te au Israel nei Juda, ghotilo jifla Babilonia mala rikha tei! Ghotilo sopagna rikha, eghuteuna ghotilo ginauna theome lehe. Na eghunu lehe ghotilo baludi mare ka kantri Babilonia eghu, naugna gognarona nogu narane iara Lord mala paradi mare eidi unha puhi te diꞌa teke edi mare ra.

Naba 16:26

Aonu mana ne cheke eghu ka naiknore, “Jifla ka nodi suga thapuale naikno te diꞌa igre! Thosei habo lao kaisei glepo ka nodi mare are! Eghuteuna jame te eni ghotilo na, God jaola ginauna goigoni ghami ghotilo eidi nakhibodi mae igre.”

Fapea Kronikols 30:10

Aonu mae te hata cheke te tei ka namono te gnafa ka phei nohi Efrem ghe Manase igre doglo ne tei ka namono te au ka nohi Sebulun. Nu naiknore ne maꞌedi nei cheke faparidi neu mare.

Mae Khuru 17:32

Kate nomhini naiknore ka mae Pol eigna God teke fakarha fapuloni kaisei mae kau glehe na, keha naiknore ne maꞌe ka mae Pol. Nu keha mae ne cheke eghu, “Ghehati magnahaghe nigho iagho mala ke toutonu eigna igne thogheiro.”

Luku 24:11

Nu hatimare mae khuru ne theome fatutuanidi kolho goro gaꞌasere, naugna te ghathoni mare na rehati khogla tharuma cheke kolho.

Matiu 9:24

mana ne cheke eghu, “Ghotilo kafe jifla kosi! Naugna sua gaꞌase igne theome lehe, nu naꞌa thuru kolho!” Mare ne kafe maꞌe fabiꞌo ka mana.

Profet Esikiel 20:49

Iara cheke eghu, “Lord God! Naiknore ginauna theome fanomho ka iara, naugna mare khogla cheke eghu eigu iara kolho, ‘Mana mae mala cheke naba kolho!’ ”

Profet Jeremaea 20:7

Lord, iara loku leghudi unha te chekedi iagho ra, nu iagho chaghi ghau iara kolho. Iagho nheta ulu ghau iara, eghuteuna nou nolaghi iagho na ulu ghauhi iara. Leuleghu fata na naiknore maꞌe ghau iara balu tibri.

Profet Isaia 28:22

Gognarona ghotilo thosei cheke faparini nogu cheke iara igne, te theo ghotilo na naꞌau papara malami ghotilo teku igne. Eghuteuna ginauna na thono diꞌa fara ka unha Lord mae ihei te au nolaghi fateote'o igne tela chekehi te mala goigonidi vido te gnafa ka noda namono tahati igne.

Proveb 29:1

Mae ihei te patugama fabrahu neuba mare ne cheke faheta kmana fata tagna, mae tuana ginauna parani fara, eghuteuna theo kaisei glepo nate toghoni mana na.

Fapea Kronikols 36:16

Nu mare maꞌedi mae profet igre, eghuteuna mare theome magnahaghedi nodi cheke mare re. Mare cheke faparidi mae profet igre, eghuteuna Lord ne ghilei diꞌatagna fara ka mare mala theo kaisei nabrou te mala fakarhidi mare na.

Ululahu Tesalonika 5:3

Kate chekeni naiknore, “Pharikeli nei nasnagla,” God ginauna ghosei roꞌedi, jateula khabru ghosei te mei ka gaꞌase te namo karha sua ia eghu. Eghuteuna naikno tuare ginauna theome rikha.

Luku 9:42

Kate mei mae sitei na ka vido te au teu mae Jisas na, naitu na ne koko soruni mana pari ne raraja. Nu mae Jisas ne cheke faheta ka naitu na mala jifla mei ka masitei na. Aonu mae Jisas neke fakelini mana nei ke tusu fapuloni mae sitei na ka mae kmagna na.

Matiu 1:18

Igne u thoutonu teke karhagna mae Jisas Kraes na. Idogna mana Meri gne neke paru nekeu ka mae Josep. Nu ame tolaghi nga repa teku na mare la filonihi Meri gne la au thugna hi kau nogna nolaghi mae Tharunga te Blahi.

Eksodas 12:31

Ka bongi tuana la mae king ne kilodi mae Moses ghe mae Eron ne cheke eghu ka phiamare, “Phiamae, te cheke ghami iara na ghopa atha naiknodi Israel are mala jifla agne Ijep gognaro la! Lisei faleghu au nogu naikno iara re! Jateula teke toreni themi ka iara ia eghu tei tarai ka Lord!

Eksodas 9:21

Nu kehare ne tirodi ghatho tahuni nogna cheke Lord na ne snakredi nodi mae gloku nei nodi gobigna lepo fateote'o teke ohore ne au neu ngala mata.

Jenesis 19:22

Nu faghose chari me tei iagho jare eghu. Iara ginauna na theome eni kaisei glepo ka namono Sodom ghe Gomora ghilei posa lao ghotilo jare.” Mae Lot ne kiloi namono igne Soa, naugna ne namono ikoi fara. Eigna gaoghathogna “Soa” teu igne ikoi eghu.

Jenesis 19:17

Kate hata fajifladihi ke kosigna namono na, kaisei engel na ne cheke eghu, “Faghose rikha, na eghunu lehe ghotilo eghu. Thosei filo faleghu ba thosei gnokro e gnafa ka sare pari ana. Rikha tei ka thogele holo igro, na eghunu lehe ghotilo eghu.”

Jenesis 19:15

Hamerane boibongi ka keha narane na, phei engel gre ne cheke ka mae Lot mala fagoegose mana. Phia mare ne cheke eghu ka mae Lot, “Faghose, hata khetomu ana nei phei thumu gaꞌase are eghu mala jifla ka namono igne! Na eghunu lehe ghotilo baludi keha naikno igre eghu.”

Profet Jeremaea 43:1

Kate toutonu te gnafa mae Jeremaea cheke gna Lord God teke tusu lao ka mana te mala chekeni ka mare igne,

Profet Jeremaea 43:2

mae Asaraea, thugna mae Hosaea ghe mae Johanan, thugna mae Karea baludi keha mae jateula thina teu te maku phaꞌudire igre, mare ne cheke eghu ka mana, “Iagho chaghi! Lord neke theome kuru mei nigho iagho mala toutonu ka ghehati cheke igre. Nu iagho fariuriu mala thosei tei au ghehati Ijep.