Jenesis 19:11 - Buka Blahi Ka Cheke Holo

¹¹ Eghuteuna phia mare ne fadodofu tathadi mae te au teu ke kosi gre. Aonu mae majaghani nei mae biꞌo teura ne kafe dofu ne theome tangomana te filoni grengatha gna suga na.

Jenesis 19:11 ပူးပေါင်းရင်းမြစ်များ

Fapea Kings 6:18

Kate mei mae soldiadi Siria igre na, mae Elisa ne tarai eghu, “Lord, fadofudi sagho.” Aonu Lord ne fadofudi mala theome tangomana mare te fifilo na.

Mae Khuru 13:11

Eghume gognaro na Lord na fate nigho iagho, eghuteuna iagho ginauna na dofu. Katha vido iagho ginauna na theome filoni u naprai na.” Phei tathagna mae Bajisas re ghosei ne romno soru. Aonu mana ne nolo tafri fariuriu ludeni kaisei naikno mala faloku khameni tei.

Profet Jeremaea 2:36

Naugna unha si ghotilo te tei tafri te leghudi nodi god keha kantri delei igrea, ba mala togho ghami mare? Hatimare mae Ijep ginauna na theome togho ghami ghotilo jateula hatimare mae Asiria teke theome togho ghami ghotilora eghu.

Profet Isaia 57:10

Ghotilo la ghilei kmusa ka hirogna god igne. Nu neuba, ghotilo thono heta fara te eni puhi igne. Te ghathoni ghotilo na, god igreu nate farheta ghami ghotilo na, naugna igne te theome koko ghotilo puhimi te diꞌa igre.

Eklesiasti 10:15

Mae te theome autagna gaoghatho te keli na, mana theome deni nabrou te mala tei ka nogna suga na, nafnata mae igne ginauna fiti kmusa kolho ka unha te eni mana na.

Jenesis 19:12

Phei mae igre ne cheke eghu ka mae Lot, “Ba, iagho au keha vikemu ka namono igne? Ba, iagho au keha mae te tolaghi ka thumu gaꞌase iagho re, keha mae thumu nalhaꞌu nei gaꞌase eghu ka namono igne? Te eghu na, chekedi mala jifla gognaro la ka namono igne!