Jenesis 18:9 - Buka Blahi Ka Cheke Holo

⁹ Thilo mae igre gnafa ima ne ghusna eghu ka mae Ebraham, “Ahevau khetomu iagho Sera gne?” Mae Ebraham ne cheke eghu, “Naꞌa au jare lamna suga tapuale.”

Jenesis 18:9 ပူးပေါင်းရင်းမြစ်များ

Taetus 2:5

Goro naikno biꞌo are mala farirhiudi goro gaꞌase majaghani are mala reireghi fakelidi reꞌe thedi nei au fakeli eghu, reireghi fakelidi nodi sugare, namhadi nei leghudi eghu puhidi khetodire eghu. Aonu mala theome tangomana kaisei naikno te cheke fadiꞌani u nogna Nonomho te Keli God na.

Jenesis 24:67

Aonu mae Isak hatani Rebeka ne tei ka suga tapuale teke au Sera na, idogna mana tifa na, ne tolaghi ka naꞌa. Mae Isak ne namhani fara Rebeka neke keli nagnafagna fara ke leghugna teke lehe idogna na.

Jenesis 31:33

Aonu mae Laban ne tei ruma ka nogna suga tapuale mae Jekop na ne filo ka gobigna lepore. Ke leghu na igne mana neke ruma ka nogna suga tapuale Lea na ne filo ka gobigna lepore. Mana jaola ne ruma nei filo ka nodi suga tapuale phei gaꞌase glokure, nu mana ne theome filoni nogna mumuju na. Eghuteuna mana jifla jare ne tei ruma ka nogna suga tapuale Resel na.

Jenesis 4:9

Ke leghu gna igne Lord ne cheke eghu ka mana, “Kein, ahevau mae Abel mae tahimu iagho ia?” Mae Kein ne cheke eghu, “Iara theome laseni. Theome nogu gloku iara te mala reireghini mae tahigu na!”

Hibru 11:9

Mana ne fatutuani ni God. Eigna igne mana tei ne au jateula kaisei mae phosa neu ka vido teke nhaꞌa cheke God te mala au mana na. Mana neke au ka suga tapuale jateula mae Isak ghe mae Jekop neku. God neke jaola nhaꞌa cheke ka phiamare langau mala khotogna namono tuana.

Jenesis 3:9

Nu Lord God ne ehani mae Adam ne cheke eghu, “Adam, iagho au aheva?”

Jenesis 18:8

Kate muita hi u nafnahi gna buluka na, mae Ebraham hata ne mei balu milk nei chis eghu mala ima thilo mare. Kate ima teu thilo mae igre na, mana kegra neu ke parigna gaju na rhedi thilo mae igre.

Jenesis 18:10

Lord na, mana kaisei mae ka thilo mae igre. Mana ne cheke eghu ka mae Ebraham, “Iara nake pulo mei ka iagho ka nhigra jateula gognaro gne eghu ka finogha te mei gne, ka narane tuana khetomu iagho Sera gne ginauna au kaisei thugna nalhaꞌu.” Kate cheke eghu mana igne, Sera ne fanomho neu ke leghugna mana ka grengathagna suga tapuale na.