Jenesis 18:5 - Buka Blahi Ka Cheke Holo

⁵ Iara ginauna na hata mei keha gano mala famaumaku ghu ghotilo ame ke tei nga eghu. Eigna ghotilo mei ka sugagu iara gne eghume iara magnahaghei te togho ghami ghotilo eghu.” Thilo mae igre ne cheke eghu ka mae Ebraham, “Keli fara, eni sagho unha te chekeni iagho na.”

Jenesis 18:5 ပူးပေါင်းရင်းမြစ်များ

Jajis 13:15

Manoa theome filo glani mae igne ne nogna engel Lord teuna, aonu mana ne cheke eghu, “Au balumi ghepa agne katha vido ikoi. Ghepa ginauna tei gahu kaisei sua nanigot mala ima iagho.” Engel na ne cheke eghu, “Iara na au balumi ghopa katha vido ikoi, eghuteuna neuba ghopa ne ei gano malagu iara neu, iara na theome ghamu nafnata gano igne. Nu jame te magnahaghei eni ghopa na, keliu kolho, ghopa ginauna tangomana te gahu fafara ka Lord.”

Jajis 19:5

Hamerane boibongi ka fafati narane na, thilo mare kegra haghe tarabana mala ke pulo. Nu kmagna gaꞌase igne ne cheke eghu ka mana, “Ghamu ghu sagho tei nga.”

Jajis 6:18

Iara magnahaghei nigho iagho te ofo teu ghilei tei hata mei iara keha gano mala tusu ari iara ka iagho mala kilo fnakno nigho iagho.” Engel igne ne cheke eghu, “Keli fara, iara ginauna ofou.”

Jenesis 33:10

Aonu mae Jekop ne cheke eghu, “Theo! Thabusigna, te keli tamu iagho ka iara na, iagho hata glepo te tusu ari iara ka iagho are. Kate filodi iara tathamu nei foflomu teu iagho are, iara gne jateula te filodi eghu tathagna nei foflogna eghu God, naugna iagho ne keli tamu fara ka iara.

Jenesis 19:8

Fanomho si ghotilo! Iara au phei thugu gaꞌase majaghani agne te theome thuru nga teu kaisei mae baludi. Iara ginauna na hata fajifladi repa agne kosi ka ghotilo. Ghotilo tangomana te fahuhui gaoghatho te magnahagheni ghotilo na ka repa. Nu thosei eni kaisei puhi te diꞌa ka phei mae igre, eigna phei mae igre ne mei ka sugagu iara gne, eghume iara gneu ngala te mala reireghidi re phei mae igre.”

Profet Isaia 3:1

Fanomho mei, ghotilo naiknomi Jerusalem nei Juda! Lord mae ihei te au nolaghi fateote'o igne, ginauna atha fadelei gano nei khoꞌu eghu te magnahaghedi fara ghotilo ka nakarhami are.

Matiu 6:11

Tusu mei ranghi ghami gano te nabagna narane igne.

Jenesis 18:6

Aonu mae Ebraham ghosei ne tei ka Sera ka suga tapuale na ne cheke eghu ka naꞌa, “Faghose, hata glima kilo flaoa mala kuki keha bret.”

Jajis 6:19

Aonu Gidion tei ne aknu falehe kaisei sua nanigot ne kuki nafnahi na. Mana hata baeg flaoa ne kuki bret te theo isi gna. Mana ne hohono nafnahi igre ka kaisei kharaꞌo, eghuteuna lilisei susupu gna na ka kaisei suspen. Aonu mana hata ne mei gano igre ne tusu lao ka engel ke parigna gaju biꞌo na.

Ululahu Kings 17:11

Eghuteuna kate tei naikno biꞌo na te mala hata khoꞌu teuna, mae Elija ne eha eghu tei ka naꞌa, “Iagho jaola hata mei keha bret.”