Jenesis 18:32 - Buka Blahi Ka Cheke Holo

³² Mae Ebraham neke cheke eghui, “Lord, thosei diꞌatamu ka iara, iara magnahaghei te eni kaisei cheke leghu lahu ka iagho. Jame te filodi iagho nabotho naikno te doglo kolho jare na ba?” Lord ne cheke eghu, “Jame te filodi iara nabotho naikno te doglo jare na, iara ginauna na theome roꞌeni namono tuana.”

Jenesis 18:32 ပူးပေါင်းရင်းမြစ်များ

Jajis 6:39

Nu Gidion neke tarai eghu ka God, “Thosei diꞌatamu ka iara, iara magnahaghei teke chekei ka iagho, nu gognarona iara magnahaghei nigho iagho teke eni guli sipu igne moja, nu vido te gnafa te lithuini na mala ke bothu.”

Matiu 7:7

Mae Jisas ne cheke eghu, “Heta, thosei khusu thore na, God ginauna na tusu ari ka ghotilo. Thosei khusu te hiro glepo ka God na, eghuteuna ghotilo ginauna na ludeni. Ghotilo mei mala kikidi ka nogna grengatha mana na, mana ginauna tora ranghi ghami ghotilo.

Efesus 3:20

Nogna nolaghi God te loku ka nagnafada gre tangomana te eni glepo te ulu fara ka unha tahati te toreni ba ghathoni.

Profet Maeka 7:18

Lord, theo kaisei God jateula iagho teuna. Iagho paradi nou naiknore, nu iagho atha fadelei nakhibodi iheire te karha teu eghuteuna iagho theome tangomana te goigonidi mare na. Iagho ginauna na theome diꞌa tamu fabrahu, naugna leuleghu fata na iagho glealeꞌa kolho fagaglana gna iagho te ghatho tahu ghami ghehati.

Profet Isaia 65:8

Lord ne cheke eghu, “Kate au teu katha kholo grep ka sisigna na, theo kaisei naikno nate goigonidi sisi grep te gnafa igre, nu mana na eꞌei waen tagna. Jateula tuana eghu, iara ginauna theome goigoni ghami ghotilo gnafa nogu naikno iara ra. Uve, iara ginauna na fakarhi ghami ghotilo iheire te leghu ghau iara ra.

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Nodi Khoje Hatimare Mae Jiu 86:5

Lord God, iagho thofno keli fara, nei iagho atha kokodi koba nakhibomi ghehatire. Eghuteuna iagho namhadi fara iheire te tarai ari ka iagho re.

Thoutonu Eigna Mae Job 33:23

Neubane kaisei thogha engel te au na, kaisei kolho nate toghoni mana na, eghuteuna cheke ranghini mana unha te doglo na.

Eksodas 32:14

Aonu, Lord ne tughu nagnafagna na ne theome eni kaisei puhi biꞌo te mala goigonidi nogna naiknore, jateula teke chekeni mana ululahu tifa ia eghu.

Jenesis 18:30

Aonu mae Ebraham neke cheke eghui, “Lord, thosei diꞌatamu ka iara. Iara magnahaghei teke chekei ngala ka iagho. Jame te tolufului kolho na ba? Iagho na faꞌunha?” Lord ne cheke eghu, “Jame te filodi iara tolufulu naikno te doglo na, iara ginauna na theome roꞌeni namono tuana.”

Jenesis 18:31

Mae Ebraham neke cheke eghui, “Lord, thosei diꞌatamu ka cheke te kmana te edi iara igre. Jame te varadaki naikno te doglo na ba iagho na faꞌunha?” Lord ne cheke eghu, “Jame te filodi iara varadaki naikno te doglo na, iara ginauna na theome roꞌeni namono tuana.”

Jenesis 44:18

Aonu mae Juda lao ne kegra rhegna mae Josep ne cheke eghu ka mana, “Mae biꞌo, those diꞌatamu ka iara. Iara magnahaghei te famane facheke ka iagho naugna iagho kaisei mae nolaghi fara, jateula mae king gna Ijep thegna eghu.

Profet Jeremaea 5:1

Lord ne cheke eghu, “Ghotilo chari tafri ka nabrou biꞌo nei ka glalaba te gnafa ka namono biꞌo Jerusalem. Jame te filoni ghotilo kaisei mae te lase cheke tutuani nei eni unha puhi te doglo teuna, iara ginauna atha fadelei nakhibomi ghotilore.