Jenesis 18:27 - Buka Blahi Ka Cheke Holo

²⁷ Aonu mae Ebraham ne cheke eghu, “Lord, thosei diꞌatamu ka nogu cheke iara te kmana igre. Iara gne khogla naikno kolho. Iara gne theome nabagu te mala chekeni kaisei glepo ka iagho na.

Jenesis 18:27 ပူးပေါင်းရင်းမြစ်များ

Profet Isaia 6:5

Aonu iara mhaghu nogu fara ne cheke eghu, “Tore! Iara theome nabagu te karha na, naugna cheke te gnafa te jifla mei ka foflogu iara na igre fodu ka nakhibo, eghuteuna iara au baludi naikno te diꞌa igre! Neuba ngau, iara la filonihi King igne, Lord mae ihei te au nolaghi fateote'o.”

Luku 5:8

Mae Simon Pita filoni igne ne pogho soru ke ulugna mae Jisas ne cheke eghu ka mana, “Lord, thosei mei namo ka iara, naugna iara naikno diꞌa.”

Luku 18:1

Kaisei narane ke leghugna igne, mae Jisas ne toutonu ka nogna mae fanomhore kaisei cheke naba mala theome babaꞌo mare nu mala tarai fabrahu eghu.

Profet Isaia 64:8

Nu Lord, iagho kmami ghehati. Ghehati jateula glose eghu, eghuteuna iagho jateula mae ihei te hohoro suspen ka glose ra eghu. Iagho neke vuavuha ghami ghehati hui ka khamemu iagho.

Eklesiasti 12:7

Uve, thinida tahati gre ginauna nake pulo ka glose, eghuteuna nakarhagna God teke tusu mei ka tahati igne ginauna nake pulo ka mana.

Thoutonu Eigna Mae Job 30:19

Khabru igne koko soru ghau iara pari ke lamna chopu. Eghuteuna iara tharuma'ei lepo jateula nakrofu eghu gognarona.”

Thoutonu Eigna Mae Job 4:19

Ba, na rouronudi Lord naikno teke horo kolho ka glose igre neu sagho ia? Theo! Mana theome tangomana te rouronuni naikno teke jifla mei kolho ka gaughavu na. Naikno na ghosei lehe kolho jateula kaisei sua naꞌalo te aknu falehe naiknora eghu kolho.

Jenesis 2:7

Aonu Lord God ne hata na phuki glose ne vuavuha naikno. Eghuteuna Lord God neke phanga lao ka nehugna naikno na mala karha mana. Eghuteuna mana ne funu phaphanga.

Nodi Khoje Hatimare Mae Jiu 144:3

Lord God, naikno gre jateula te theo nafudi eghu kolho ka iagho. Thosei filo lao ka mare nei theome naba langau eghu iagho te ghathodi mare na.

Nodi Khoje Hatimare Mae Jiu 8:4

Iara ne cheke eghu, “Tore, ghehati gne khogla naikno kolho. Mala unha sagho te reireghi fakeli ghami ghehati gnea?”

Esra 9:6

ne tarai eghu, “Nogu God! Iara thono mamaja nogu fara, iara theome tangomana te ghae haghe tathagu nei foflogu teu gre te mala ari posa ka iagho kligna na. Nakhibomi ghehati gre kmana fara, ghehati nabami te papara eidi nakhibo igre. Naugna nakhibomi ghehati igre la pagu la haghe salaꞌudi phaꞌumi ghehati gre la ghilei tei posa kligna.

Jenesis 18:28

Jame te theome thokeni glima fulu naikno te doglo nu phia tutu glimai kolho teu na ba. Iagho ginauna na roꞌeni namono thongana igne eigna te kmoꞌe keha glimai gre, ba theo?” Lord ne cheke eghu, “Jame te filodi iara phiatutu glimai naikno te doglo igre na, iara ginauna na theome roꞌeni namono igne.”

Eksodas 32:11

Nu Moses ne fariuriu tughu nagnafagna Lord, nogna God na, ne cheke eghu, “Lord, naugna unha sagho te diꞌatamu fara te magnahaghei goigonidi naikno grea? Naikno igre nou iagho, iagho themu teke atha fajifladi Ijep, ka nou nolaghi biꞌo iagho.