Jenesis 18:21 - Buka Blahi Ka Cheke Holo

²¹ Eghume iara ginauna na soru jare mala filodi unha teke nomhidi iara ra glahula me tutuani ba chaichaghi kolho.”

Jenesis 18:21 ပူးပေါင်းရင်းမြစ်များ

Eksodas 3:8

Eghume iara na soru mala fakarhidi ka nodi nolaghi naiknodi Ijep eghuteuna batu fajifladi ka namono igne. Iara ginauna athadi tei ka kaisei namono te krepa nei keli eghu, eghuteuna glosegna na thono keli fara, eghuteuna leuleghu fata na au kmana gano fara. Namono igne gognarona, vikegna Kenan, nei vikegna Hit, nei vikegna Amoa, nei vikegna Peres, nei vikegna Hivi, nei vikegna Jebus eghu te au teu tagna na.

Jenesis 11:5

Nu Lord ne soru mei mala filoni namono biꞌo na balugna suga teke babana mare igne.

Profet Sefanaea 1:12

Ka Narane tuana, iara ginauna hata juta mala tei hiro ke lamnagna namono biꞌo Jerusalem. Iara na jaola paradi naikno te rouronu kolho ka nodi nanheta thedi te cheke eghu igre, ‘Lord na fiti au nogna kolho, theome eni kaisei glepo te keli te mala togho ghita tahati na, ba eni kaisei glepo te diꞌa te mala para ghita tahati.’

Profet Maeka 1:3

Tore! Lord ginauna soru mei mala nolo ke kligna thogele.

Profet Jeremaea 17:10

“Iara Lord kolho te filoni glamnagna naikno na. Eghuteuna iara fariu riuni koba gaoghathogna naikno na, mala ke tughu fapulo ka naikno igne nabagna unha teke eni mana na.”

Josua 22:22

“Lord kolho te thofno God na! Lord, God mae ihei te au nolaghi fateote'o igne, mana tangomana te lasedi unha te edi ghehati re! Eghuteuna ghotilo tangomana te laseni jame te huhughuni ghehati Lord, nei theome fatutuani ni mana teuna, jame te keli na ghotilo falehe ghami ghehati kolho!

Diutronomi 8:2

Leuleghu fata na ghotilo mala ke ghathoni Lord nomi God mae ihei teke batu ghami ke lamna namono nagou nabagna phiatutu finogha. Mana neke fariuriu ghami ghotilo kate thokedi narane te ninhigrana mala laseni na tangomana ghotilo te leghudi nogna vetula mana re ba theo.

Eksodas 33:5

Mare ne eni igne naugna Lord ne cheke faheta ka Moses mala cheke eghu mana ka naiknodi Israel, “Ghotilo patu gama fara, jame neuba iara ne tei balumi ghotilo katha vido kolho, iara jame thofno goigoni ghami ghotilou ngala. Gognarona ghotilo atha koko nomi famane dedenge nei nomi famane pohe teure, eghuteuna iara ginauna ghathoni unha nate eni ka ghotilo na.”

Jenesis 11:7

Mei ghopa mala soru goigonini tatilo nodi cheke mare igne, mala fari ihoi mare kate cheke fari thedi na.”

Hibru 4:13

Eghuteuna theo kaisei glepo kau nauthoglu gne tangomana te poru ka God. Gobigna lepore kakhana ngala ka mana. Eghuteuna kaisei narane tahati ginauna na chekedi ka mana unha teke edi tahati re.

Ululahu Tesalonika 4:16

Lord thegna ginauna mei funu kligna. Tahati ginauna nomhini kaisei neha biꞌo balu naoglagna kaisei mae funeidi engel nei balu naogla khufli nogna God. Eghuteuna naikno khiloau teke lehe ra ginauna kulu kegra mala thafoni Lord.

Fapea Korin 11:11

Iara chekeni igne ka ghotilo naugna te theome naba iara te hata nomi tothogho ghotilo na, ba iara ne theome namha ghami ghotilo? Theo! God lase ghau iara te namha ghami fara ghotilo na.

Jone 6:38

Naugna iara neke mei funu kligna mala edi unha te magnahaghedi mae Mama mae ihei teke kuru mei ghau iara na theome mala edi unha te magnahaghedi iara thegu re.

Luku 16:15

Mae Jisas ne cheke eghu ka mare, “Ghotilo magnahaghedi naiknore te ghatho tahu ghami themi te doglo ke ulugna God. Nu God na thofno laseni unha te au ka nagnafami ghotilo re. Tutuani, glepo te ulu ka naiknore theo nafudi kolho ka God.”

Profet Jeremaea 17:1

Lord ne cheke eghu, “Ghotilo naiknomi Juda. Ghotilo theome tangomana te koko puhimi te diꞌare, eghuteuna nagnafami ghotilore maku jateula thina eghu. Eghuteuna keha ka ghotilo ghagra nanghadi nakhibomire ke kligna thina. Eghuteuna mare jaola rioriso nanghadi nakhibomi ghotilore ka honagna nomi olta ghotilo te mala pogho soru ka nomi mumujure.

Nodi Khoje Hatimare Mae Jiu 90:8

Iagho filodi kolho nakhibomi ghehati re. Uve, neubane fariuriu pophoru ghehati nakhibomire, iagho filodi kolho.

Thoutonu Eigna Mae Job 34:22

Theo kaisei vido te romno fara, naba naikno te diꞌa igre te tei poru ka tathagna God na.

Diutronomi 13:3

Nu ghotilo thosei leghuni nogna cheke mae profet tuana. Lord nomi God ghotilo na, mana tangomana te fariuriu ghami ghotilo mala laseni jame ghotilo te thofno namhani mana ka nagnafami fateote'o nei ka gaoghathomi fateote'o.

Jenesis 18:17

Aonu Lord ne cheke eghu ka gaoghathogna thegna na, “Iara ginauna na cheke thakleni ka mae Ebraham te namo roꞌeni iara namono biꞌo Sodom gne.

Nodi Khoje Hatimare Mae Jiu 14:2

God au neu kligna ne filo soru ka naiknore. Mana magnahaghei te filodi keha naikno te au tadi glalase te keli te mala tufru soru ranghini nei leghuni mana eghu.

Profet Jona 1:2

“Iagho tei ka namono biꞌo Ninive. Toutonu ka naikno te au ka namono biꞌo tuana, naugna iara filoni puhidi mare na thono diꞌa fara.”