Jenesis 18:2 - Buka Blahi Ka Cheke Holo

² Mana ne filodi thilo mae te kegra teu ka namono na. Kate filodi thilo mae igre, mana ghosei ne kegra haghe ne tei ka thilo mare. Mana lao ne pogho soru pari ke uludi thilo mare.

Jenesis 18:2 ပူးပေါင်းရင်းမြစ်များ

Hibru 13:2

Thosei ghatho ihoni mala toghodi naikno te posa mei ka sugamire. Keha naiknore tifa na neke theome filo glanidi kolho, nu mare neke toghodi engel ka sugadire.

Jenesis 18:22

Aonu phei mae ka thilo mae igre kegra haghe ne tei Sodom. Eghuteuna Lord na ne au neu balugna mae Ebraham.

Jenesis 19:1

Kaisei grafi, kate gnokro teu mae Lot ka grengathagna namono biꞌo Sodom, mana ne filodi phei engel teke tei balugna Lord teke filoni mae Ebraham ra ne mei ka mana. Mae Lot kegra haghe ne tei ne pogho soru pari ke uludi phia mare.

Jajis 13:3

Kaisei narane, engel nogna Lord na ne thakle ka khetogna Manoa na ne cheke eghu ka naꞌa, “Iara lase nigho iagho te theome au sua na, nu neuba, iagho ginauna bukla na au kaisei thumu nalhaꞌu.

Jenesis 23:7

Aonu mae Ebraham ne pogho soru pari ke uludi mare,

Josua 5:13

Kaisei narane, kate tei te namo mae Josua Jeriko igne, mana ne filoni kaisei mae te kegra teu ke ulugna mana na. Mae igne loku kaisei naflahi mala magra. Mae Josua ne tei namo ka mae igne, ne cheke eghu ka mana, “Iagho kaisei mae balumi ghehati, ba iagho kaisei mae naoka?”

Jenesis 44:14

Kate pulo mei mae Juda baludi mae tahigna re ka sugagna mae Josep na, mae Josep au neu ngala jare. Mare mhaghu nodi fara ne pogho soru pari ke ulugna mae Josep.

Jenesis 43:28

Mare ne cheke eghu ka mana, “Mae biꞌo, mae kmami ghehati na mana keliu ngala.” Eghuteuna mare neke fapea pogho sorui pari ke ulugna mana.

Jenesis 43:26

Kate posa mei mae Josep ka suga na, mare ne tusu lao nodi namha re ka mana. Aonu mare ne pogho soru pari ke ulugna mana.

Jenesis 32:24

Nu mana ne au faleghu neu thegna jare. Eghuteuna kaisei mae ne mei ka mana ne magra balugna mana ne ghilei haghe naprai na.

Jenesis 18:16

Aonu thilo mae igre kegra haghe ne jifla ka suga tapuale na ne tei. Mae Ebraham jaola ne jifla ne tei baludi thilo mae igre mala filodi ke tei dire. Mare mei ne kegra ka kaisei vido jare ne filo soru ka namono biꞌo Sodom.

Thoutonu Eigna Rut 2:10

Eghuteuna Rut tufru soru pari ne cheke eghu ka mae Boas, “Iara gaꞌasegu ka keha vidoi. Naugna unha sagho te keli fara ranghi ghau iara gnea?”

Ululahu Pita 4:9

Snakredi sugamire ka kherami te fatutuani ni Kraes are balu gleale'a.

Letas Teke Riso Tei Mae Pol Ka Khiloau Rom 12:13

Tufa nodi naikno khiloau te theo nodi. Eghuteuna tajidi iheire te posa mei ka sugamire.

Fapea Kings 2:15

Glimafulu mae profet di Jeriko ne filoni unha te eni mae Elisa ka narane igne. Eghuteuna mare ne cheke eghu, “Tore! Nolaghi te mala cheke jateula mae profet Elija teuna la meihi ka mae Elisa!” Aonu mare tei ne thafoni mana, eghuteuna mare ne pogho soru pari ka glose na ne fafnaknoni mana.

Jenesis 17:3

Mae Ebram ne pogho soru pari, eghuteuna God ne cheke eghu ka mana,

Jenesis 18:3

Mae Ebraham ne cheke eghu ka thilo mae igre, “Thilo mae biꞌo, iara magnahaghei ghami ghotilo fara te mei ka sugagu iara nomi mae gloku ghotilo gne. Ghotilo theome tangomana te fasalaꞌuni nogu suga iara gne te tei kolho na.

Jenesis 24:63

Kaisei grafi mana ne tei ka vido sare te theo naiknogna na, aonu mana ne filo laodi keha kamel ne mei ke ulugna mana.

Jenesis 23:12

Aonu mae Ebraham ne pogho soru pari,

Jenesis 42:6

Ka narane tuana mae Josep gne mana kaisei mae gavana biꞌo gna Ijep, eghuteuna naikno te gnafa te au heva te heva na mare tei ka mana mala foli wit. Aonu mae thabusigna mana re ne tei ka mana ne pogho soru pari ke ulugna mae Josep.

Jenesis 48:12

Eghuteuna mae Josep ne hata fadelei phei mae thugna re ka ghahegna mae kmagna na ne pogho soru pari.