Jenesis 18:17 - Buka Blahi Ka Cheke Holo

¹⁷ Aonu Lord ne cheke eghu ka gaoghathogna thegna na, “Iara ginauna na cheke thakleni ka mae Ebraham te namo roꞌeni iara namono biꞌo Sodom gne.

Jenesis 18:17 ပူးပေါင်းရင်းမြစ်များ

Profet Emos 3:7

Tutuani fara, ame eni nga Lord unha te magnahagheni na teuna, mana ginauna kulu cheke ka nogna mae profet.

Nodi Khoje Hatimare Mae Jiu 25:14

Lord, iagho kheradi iheire te leghu nigho iagho re. Iagho farerheta u nhaꞌa cheke teke eni iagho ka mae ku'emi tifa ra.

Jone 15:15

Gognarona iara theome kilo ghami ghotilo mae gloku, naugna mae gloku na theome tangomana te laseni gaoghathogna nogna mae funei na. Nu iara kilo ghami ghotilo mae kheragu iara, naugna iara chekedi ka ghotilo gobigna lepo teke chekedi mae Mama ka iara re ngala.

Jemes 2:23

Eghuteuna igne ne horoghoto ka grioriso te blahi ia, “Mae Ebraham neke fatutuani ni God. Naugna igne God ne cheke eghu, ‘Mae Ebraham gne kaisei mae doglo fara ke ulugu iara.’ ” Naugna igne God kiloni mae Ebraham kheragna thegna.

Jenesis 19:24

Aonu Lord ne tofa soru kaisei nakhete thina ngire balu khaꞌaghi ke klignadi namono Sodom ghe Gomora.

Fapea Kronikols 20:7

Nomi God, iagho neke khi fajifladi naikno teke kulu au ka namono igne, eghuteuna iagho neke snakre lao namono igne ka kuꞌemi ghehati ra mala au fabrahu tagna. Naikno tura vikegna Ebraham kheramu iagho ia.

Fapea Kings 4:27

Nu kate mei naꞌa ka mae Elisa ka thogele na, naꞌa turupuku soru ne loku ka ghahegna mae Elisa na. Mae Gehasi filoni te eni naꞌa igne ne magnahaghei huju fadeleini naꞌa. Nu mae Elisa ne cheke eghu ka mae Gehasi, “Lisani naꞌa. Iara laseni, naꞌa au diꞌanagnafa fara. Nu Lord ne theome chekeni ka iara nogna diꞌanagnafa naꞌa na.”

Jenesis 18:21

Eghume iara ginauna na soru jare mala filodi unha teke nomhidi iara ra glahula me tutuani ba chaichaghi kolho.”

Jenesis 18:22

Aonu phei mae ka thilo mae igre kegra haghe ne tei Sodom. Eghuteuna Lord na ne au neu balugna mae Ebraham.

Jenesis 18:26

Aonu Lord ne cheke eghu, “Uve jame te filodi iara glima fulu naikno te doglo te chekedi iagho ka namono Sodom gne, iara ginauna na theome roꞌeni namono igne naugna eidi naikno igre.”