Jenesis 18:14 - Buka Blahi Ka Cheke Holo

¹⁴ Theo kaisei glepo te ninhigrana ranghini Lord na. Iara ginauna nake pulo mei ka iagho ka thofno narane na, ka nhigra jateula gognaro gne eghu. Eghuteuna Sera gne ginauna na karha kaisei thugna nalhaꞌu.”

Jenesis 18:14 ပူးပေါင်းရင်းမြစ်များ

Luku 1:37

Naugna theo kaisei glepo te ninhigrana ranghini God na.”

Matiu 19:26

Mae Jisas ne filo tutu ka mare ne cheke eghu, “Tutuani fara, God na tangomana te eni unha te theome tangomana te eni naikno na.”

Nonomho Te Keli Teke Risoi Mae Mak 10:27

Aonu, mae Jisas ne filo tutu ka mare, ne cheke eghu, “Tutuani fara, ka naikno na thono ninhigrana fara, nu ka God na theome ninhigrana eghu, naugna mana tangomanani te edi gobigna lepore.”

Profet Jeremaea 32:27

“Iara Lord, nodi God naikno te gnafa ka nauthoglu igne. Theo kaisei glepo te ninhigrana ranghi ghau iara na.

Efesus 3:20

Nogna nolaghi God te loku ka nagnafada gre tangomana te eni glepo te ulu fara ka unha tahati te toreni ba ghathoni.

Thoutonu Eigna Mae Job 42:2

“Iara lase nigho iagho te au nolaghi fateote'o na, eghuteuna iagho tangomana te edi gobigna lepo te ghathodi iagho re.

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Profet Jeremaea 32:17

“Lord God, iagho neke vuavuha maloa ghe nauthoglu igre ka nou nolaghi biꞌo. Theo kaisei glepo te ninhigrana ka iagho na.

Letas Teke Riso Tei Mae Pol Ka Khiloau Rom 4:21

Naugna mae Ebraham thofno laseni ngala God te theome ghatho ihoni nogna nhaꞌa cheke na.

Naba 11:23

Nu Lord ne cheke eghu, “Ba, ne theome tangomana iara te edi re eghu sagho ia? Filo sagho!”

Fapea Kings 4:16

Eghuteuna mae Elisa ne cheke eghu ka naꞌa, “Jateula gognarogne teu ka finogha te mei gne, iagho ginauna au kaisei thumu nalhaꞌu.” Nu naikno biꞌo igne ne cheke eghu, “Mae biꞌo! Iagho mae nogna mae gloku God, thosei chaghi ghau iara!”

Diutronomi 7:21

Eghume ghotilo thosei mhaghudi mare, naugna Lord nomi God ghotilo na au balumi ghotilo. Mana au nolaghi fateote'o, eghuteuna mare mhaghu nodini fara mana.

Matiu 14:31

Mae Jisas ngafa lao ne loku ka mae Pita. Mae Jisas ne cheke eghu ka mana, “Ghema, nou fatutuani iagho na ikoi fara! Thosei ghatho peapea!”

Profet Sekaraea 8:6

Naikno te karha teure nake pulo mei ka nodi namono re, mare na gaoghatho eghu ka nagnafadire, “Tore! Glepo igre thofno ninhigrana fara!” Nu iara Lord iara au nogu nolaghi fateote'o, eghuteuna theo kaisei glepo te ninhigrana ka iara. Igne nogu cheke iara Lord.

Profet Maeka 7:18

Lord, theo kaisei God jateula iagho teuna. Iagho paradi nou naiknore, nu iagho atha fadelei nakhibodi iheire te karha teu eghuteuna iagho theome tangomana te goigonidi mare na. Iagho ginauna na theome diꞌa tamu fabrahu, naugna leuleghu fata na iagho glealeꞌa kolho fagaglana gna iagho te ghatho tahu ghami ghehati.

Nodi Khoje Hatimare Mae Jiu 95:3

Naugna Lord na thono nolaghi fara. Uve, mana King mae ihei te au nolaghi ke klignadi god fateote'o.

Diutronomi 30:3

Jame te eghu ghotilo na, Lord ginauna kelitagna ka ghotilo, eghuteuna mana ginauna tangomana nate atha fajifla ghami ka keha namono aheva teke brue ghami mana teke tei ghotilo tadi are.

Jenesis 18:10

Lord na, mana kaisei mae ka thilo mae igre. Mana ne cheke eghu ka mae Ebraham, “Iara nake pulo mei ka iagho ka nhigra jateula gognaro gne eghu ka finogha te mei gne, ka narane tuana khetomu iagho Sera gne ginauna au kaisei thugna nalhaꞌu.” Kate cheke eghu mana igne, Sera ne fanomho neu ke leghugna mana ka grengathagna suga tapuale na.

Luku 1:13

Eghuteuna, engel na ne cheke eghu ka mana, “Sekaraea, thosei mhaghu. God na nomhinihi nou tharai iagho re te mala au thumu na. Nu khetomu iagho Elisabet na ginauna na au kaisei thugna nalhaꞌu. Iagho na kiloi nanghagna na mae Jone.

Thoutonu Eigna Mae Job 36:5

“God na au nolaghi biꞌo, nu mana theome thodoni ihei. Mana thono lasedi fara gobigna lepore.

Jenesis 17:21

Nu iara ginauna na eni nogu nhaꞌa cheke na ka mae Isak thugna Sera nate karha mei ka finogha te fufunu gognaro gne.”

Hibru 11:19

Naugna mae Ebraham fatutuani ni God mae ihei te au nolaghi te mala fakarha fapulodi naikno teke lehehire. Tutuani fara, mae Isak gne jateula kaisei naikno teke karha fapulo neke pulo ka mae Ebraham.

Luku 8:50

Kate nomhini igne mae Jisas ne cheke eghu ka mae Jaerus, “Thosei nanga nou fara, nu fatutuani ghau ngala iara. Eghuteuna thumu iagho na ginauna nake keli fapulo.”

Ululahu Samuel 14:6

Aonu, mae Jonatan ne cheke eghu ka mae soldia majaghani te au balugna na, “Tapa ginauna tei salaꞌu ka keha phile gno mala ari posa ka mae bongihehe te theome vahe are. Glahu togho ghita Lord. Eghuteuna jame te togho ghita mana na, neubane tapa kolho, ba tahati kmana, theo kaisei glepo nate fanograni Lord te mala uluni tapa magra igne.”

Filipae 3:21

Eghuteuna mana ginauna tughu thinida tahati te diꞌa gre mala jateula thinigna thegna te au kligna na eghu. Mana tangomana te eni igne naugna mana au nolaghi te biꞌo. Eghuteuna ka nolaghi te biꞌo tuana mana ginauna funei frunidi gobigna lepo te au ka nauthoglu igne.

Luku 1:18

Mae Sekaraea neke cheke fapulo ka engel na, “Faꞌunha eghume laseni iara glepo igne ne tutuani teuna eghu? Naugna ghepa gne la kafe naikno biꞌo hi.”

Matiu 3:9

Thosei chekeni koba ghotilo ne doglohi ke ulugna God naugna ne vikegna mae Ebraham themi teuna. Naugna te chekeni iara ka ghotilo na, God na tangomana te ei vikegna mae Ebraham ka thina te filodi ghotilo igre!

Nodi Khoje Hatimare Mae Jiu 93:1

Lord God, iagho King! Uve, ka nanghamu nei ka nou nolaghi eghu te King iagho na. Iagho neke vuavuhani nauthoglu igne mala au fabrahu ka vido teke augna na mala theome ke thugha tafri.

Nodi Khoje Hatimare Mae Jiu 90:13

Lord God, niha fata diꞌatamu ka ghehati sagho ia? Kokhoni mei ghami ghehati sagho eigna ghehati gne nou naikno gloku iagho.

Jenesis 18:13

Aonu Lord ne cheke eghu ka mae Ebraham, “Naugna unha site maꞌe Sera te cheke eghu gnea, ‘Iara naikno biꞌo fara hi te mala karha sua na teu gnea?’

Jenesis 18:15

Sera ne mhaghu. Aonu naꞌa chaghi ne cheke eghu, “Iara neke theome maꞌe.” Nu Lord ne cheke eghu ka naꞌa, “Uve, tutuani fara iara neke nomhi nigho iagho neke maꞌe.”

Jenesis 21:1

Lord ne fablahini Sera jateula teke chekeni mana na neu.

Jenesis 21:2

Eghuteuna kate kueku'ehi mae Ebraham na, Sera bukla ne karha kaisei thugna nalhaꞌu. Sera ne karha sua ka thofno narane teke nhaꞌa cheke Lord na.

Profet Isaia 50:2

Kate mei iara na, iara theome filoni kaisei naikno jare. Kate eha iara na, theo kaisei naikno te cheke tughu na. Ba, na theome fakarhi ghami iara neu si ghotilo ia? Ba, ne theo kaisei nogu nolaghi iara te mala fakarhi ghami na neu si ghotilo ia? Filo si ghotilo, kate cheke kolho iara na nhorora biꞌo na ginau moja, khoꞌure ginauna jaola figri ke kaisei namono nagou, eghuteuna sasare ginauna kafe lehe.

Profet Daniel 6:20

Kate tei namo ka khora igne, mana ne nanga nogna fara ka mae Daniel, aonu mana ne eha eghu fabiꞌo, “Daniel! Iagho nogna mae gloku God mae ihei te karha te tifa. Ba, God mae ihei te leghuni nei turupuku ranghini teu iagho igne mana la fofotho foflodi lion are la theome ghamu nigho?”

Jenesis 17:16

Iara ginauna na fablahini Sera nei tusu ranghini naꞌa kaisei mae thugna eghuteuna iagho ginauna mala kmagna mana. Sera ginauna mala idodi naikno te kmana re, eghuteuna kehare ginauna mala mae king.”

Jajis 13:3

Kaisei narane, engel nogna Lord na ne thakle ka khetogna Manoa na ne cheke eghu ka naꞌa, “Iara lase nigho iagho te theome au sua na, nu neuba, iagho ginauna bukla na au kaisei thumu nalhaꞌu.