Jenesis 18:11 - Buka Blahi Ka Cheke Holo

¹¹ Mae Ebraham ghe Sera gre la kafe naikno biꞌohi. Eghuteuna narane te mala karha sua Sera na la salaꞌuhi.

Jenesis 18:11 ပူးပေါင်းရင်းမြစ်များ

Jenesis 17:17

Mae Ebraham ne pogho soru pari ne maꞌe. Mana ne jaglo nogna ne cheke eghu ka thegna, “Tore, jateula iara mae tela kaisei gobi finoghagu hi gne eghu site mala ke au sua na ia? Eghuteuna Sera gne teuna la nheva salei finogha gnahi gognaro na la theome tangomanahi te au sua na.”

Hibru 11:19

Naugna mae Ebraham fatutuani ni God mae ihei te au nolaghi te mala fakarha fapulodi naikno teke lehehire. Tutuani fara, mae Isak gne jateula kaisei naikno teke karha fapulo neke pulo ka mae Ebraham.

Luku 1:36

Filo sagho! Nebumu iagho Elisabet ia, naꞌa la khaekavehi nu gognaro gne naꞌa la namno nhigragnahi bukla na.

Luku 1:18

Mae Sekaraea neke cheke fapulo ka engel na, “Faꞌunha eghume laseni iara glepo igne ne tutuani teuna eghu? Naugna ghepa gne la kafe naikno biꞌo hi.”

Luku 1:7

Nu repa neke theo thudi, naugna Elisabet gne theome tangomana te au sua na, eghuteuna repa la kafe naikno biꞌo hi.

Levitikas 15:19

“Jame kaisei gaꞌase thokeni khabru gaꞌase, naꞌa theome klino ka tathagu iara na, eghuteuna naꞌa ginauna na au kolho nabagna fitu narane. Eghuteuna ihei te haboni naꞌa ka vido narane tuana, jaola theome klino ka tathagu iara na, eghuteuna na theome klino ghilei rafi.

Jenesis 31:35

Resel ne cheke eghu ka mae Laban, “Mama, thosei diꞌatamu ka iara. Iara gne theome nabagu te kegra haghe ke ulumu iagho kate thoke ghau iara nomi khabru ghehati goro gaꞌase gre.” Mae Laban ne filo tongana ka gobigna lepore ne theome filodi nogna mumuju re.

Jenesis 17:24

Mae Ebraham gne neke nheva salei finogha gnahi, eghuteuna mae Ismael neke nabotho thilo finogha gnahi neke tohi fagaglana nga.

Jenesis 21:7

Theo kaisei naikno teke ghathoni karha sua iara ka Ebraham teku na. Nu iara gne la auhi kaisei thugu kate kueku'ehi Ebraham na!”

Jenesis 24:1

Mae Ebraham gne gognaro na la kueku'e farahi, eghuteuna Lord neke fablahini mana ka puhi te gnafa igre.

Jenesis 24:36

Sera khetogna nogu mae funei iara na naꞌa neke khaekave hi neke au nga kaisei thugna nalhaꞌu. Eghuteuna kate lehegna ginauna nogu mae funei iara igne mana ginauna nake tusu lao glepo teke khotodi mana igre ka mae thugna igne.

Josua 13:1

Kate kueku'ehi mae Josua na, Lord ne cheke eghu ka mana, “Iagho la kueku'ehi gognarona, nu kmana vido gloseu te theome atha nga teu ghotilo na.