Jenesis 17:8 - Buka Blahi Ka Cheke Holo

⁸ Namono Kenan te au teu iagho gognaro igne nodi namono keha vikei. Nu iara ginauna na tusu ari ka iagho nei ka thumu iagho nate karha mei ke leghumu iagho re eghu namono igne, eghuteuna namono igne ginauna na nomi ghotilo fabrahu tifa e tifa. Eghuteuna iara ginauna mala nodi God thumu iagho re ngala.”

Jenesis 17:8 ပူးပေါင်းရင်းမြစ်များ

Levitikas 26:12

Iara ginauna nomi God ghotilo fabrahu, eghuteuna ghotilo ginauna nogu naikno iara.

Nodi Khoje Hatimare Mae Jiu 105:11

Mana neke cheke eghu ka mae Jekop, “Iara ginauna snakre ari ka iagho namono Kenan ana, eghuteuna vikemu iagho re ginauna nate ke khotogna na.”

Eksodas 6:7

Ka puhi igne, iara ginauna hata ghami ghotilo mala jateula nogu naikno eghu iara, eghuteuna iara nomi God ghotilo. Eghuteuna ghotilo ginauna laseni te iara Lord, nomi God ghotilo, eigna iara ginauna fakarhi ghami ghotilo ka gloku biꞌo naiknodi Ijep te huhuru ghami mala edi ghotilo teu are.

Jenesis 12:7

Nu Lord ne thakle ka mae Ebram ne cheke eghu ka mana, “Iara ginauna na tusu ari ka vikemu iagho re namono igne mala au nodi tagna.” Mae Ebram ne cheke eghu, “Lord, iagho keli fara ne chekeni igne ka iara.” Aonu mae Ebram ne hohoro kaisei olta ka thina jare malagna Lord.

Diutronomi 29:13

Mana magnahaghei cheke ka ghotilo gognarogne mala glola fakeli ka ghotilo te nogna naikno mana na, eghuteuna mana nomi God ghotilo, jateula teke nhaꞌa chekeni mana ka thilo kuꞌemi ghotilo tifa ra, mae Ebraham, mae Aesak nei mae Jekop.

Diutronomi 26:18

Lord chekeni te gognarogne ghotilo nogna naikno mana, ghotilo thofno nogna naikno thegna mana, jateula teke nhaꞌa chekeni hi mana ia eghu. Eghuteuna mana chekehi ka ghotilo mala leghudi nogna vetula mana re.

Diutronomi 14:2

Ghotilo thosei diꞌanagnafa, jateula keha naikno te leghudi keha nafnata god delei ra eghu. Naugna ghotilo nogna naikno blahi Lord nomi God. Eghuteuna Mana neke vahi fadelei ghami ka keha naikno te gnafa ka nauthoglu igne mala nogna naikno mana kolho.”

Jenesis 13:15

Namono te gnafa te filo laodi iagho are iara ginauna tusu ari ka iagho nei ka vikemu iagho gre eghu. Namono igne ginauna na nomi ghotilo fabrahu tifa e tifa.

Nodi Khoje Hatimare Mae Jiu 105:9

U nhaꞌa cheke teke kulu eni mana balugna mae Ebraham igne mana neke enila balugna mae Isak, eghuteuna mana na tathaji fakeli u nhaꞌa cheke igne.

Diutronomi 4:37

Naugna mana neke namhadi fara kuꞌemi ghotilo tifa ra, mana neke vahi ghami ghotilo mala nogna naikno mana. Eghume ka nogna nolaghi mana, mana neke hata fajifla ghami Ijep.

Jenesis 28:4

God ginauna na fablahi nigho iagho nei vikemu iagho gre eghu mala jateula teke eni mana ka mae Ebraham tifa ia eghu. Eghuteuna ghotilo ginauna na tangomana te khotogna namono igne, naugna namono igne neke tusu laohi God ka mae Ebraham.”

Jenesis 13:17

Tei sagho mala filoni namono nate tusu arini iara ka iagho tuana.”

Fapea Samuel 23:5

“Iara leghuni puki igne, eghume iara laseni God ginauna fablahini vikegu iara igne. Mana neke eni kaisei nhaꞌa cheke balugu iara, eghuteuna gobigna lepore doglo eghuteuna ginauna au fabrahu tifa tifa. Te laseni iara na igne ginauna thofno togho ghau iara, eghuteuna ginauna tusu ranghi ghau iara gobigna lepo te magnahaghedi iara re.

Diutronomi 32:8

God mae ihei te haghe fara igne neke tufa vido glose ka soasopai naikno mala au tagna. Mana ei nodi nohi keha naiknore. Eghuteuna mana ne lilisei nodi nohi naiknodi keha kantri are leghuni nabadi nodi god.

Naba 25:13

Nogu nhaꞌa cheke iara na igne, mana nei iheire naikno te ginau karha mei ka tharaknagna mana re, mare ginauna na mae pris fabrahu. Iara eni nhaꞌa cheke igne naugna mana ne tirognadi keha god are ne ghatho tahu ghau iara, te nogna God na. Eghuteuna mana eni igne mala atha koko nakhibomi ghotilore.”

Eksodas 40:15

mala fablahi di jateula teke fablahi iagho kmadi mare ia eghu mala loku ranghi ghau iara. Puhi te fablahi mae pris igne ginauna eghu fabrahu, eghuteuna iheire nate karha mei ke leghudi mare igre mala pris mala loku ranghi ghau iara.”

Jenesis 48:4

Mana neke cheke eghu ka iara, ‘Iara ginauna na tusu ranghi nigho iagho kmana thumu, eghuteuna gramu iagho re ginauna na kmana fara. Iara ginauna na tusu ari namono igne ka gramu iagho re mala nodi mare fabrahu.’ ”

Jenesis 23:4

“Ghotilo lase ghauhi iara, naugna iara gne maegu ka keha kantri delei mei au kolho agne fari hoteimi ghotilo. Khetogu gne la lehehi, eghuteuna iara gognaro na magnahaghei te foli kaisei gluma ka ghotilo agne mala giugilui thinigna khetogu gne.”

Hibru 9:15

Eghume mae Kraes hata ne mei kaisei nhaꞌa cheke majaghani funu ka God ka nogna naiknore, mala tangomana naikno teke kilodi God re mala hata u thofno nakarha te au kligna te theo ka huigna teke nhaꞌa cheke mana ranghidi. Naugna mae Kraes neke lehe mala foli fajifladi naiknore ka glehe eidi nakhibo teke edi mare kate tathaji nga tekeu mare u nhaꞌa cheke ulu lahu na.

Nodi Khoje Hatimare Mae Jiu 103:17

Nu God namha ghita tahati iheire te ghatho tahudi nei leghudi teu fabrahu nogna chekere. Eghuteuna mana ginauna na jateula tuana eghudi fabrahu thuda nei grada teu tahati te karha mei thogheiro re.

Levitikas 16:34

“Vetula igre ghotilo mala leghudi fabrahu. Kaisei narane kolho leghu finogha na ghotilo mala edi glepo igre ka narane biꞌo igne mala hata fadelei nakhibomi te gnafa ghotilore.” Eghume, Eron neke leghudi unha teke chekedi Lord ka Moses.

Eksodas 21:6

jame te eghu mana na, nogna mae funei na ginauna athani mana tei ka mae mala fate. Mana ginauna fakegrani mana ka grengatha na ba ka khegragna grengathagna vido igne, aonu mana atha nila, eghuteuna mana ei khora ka khuligna na. Aonu mae igne ginauna mala nogna mae gloku mae funei igne fabrahu ka nakarhagna na.

Mae Khuru 7:5

Ka narane tuana God neke theome ke tusu lao kaisei vido glose ka mae Ebraham, thono theo fara, theo kaisei vido glose teke tusu lao God ka mana na. Nu neubane theo thugna ngau mae Ebraham, God neke nhaꞌa cheke ka mana nei naikno nate karha mei ka vikegna mana igre te mala khotogna namono igne ginauna.

Thakle 21:7

Tutuani, iheire te leghu ghau fabrahu te ghilei lehe na, iara ginauna tusu ranghini karha te theo ka gnafagna. Eghume iara ginauna nogna God mana, eghuteuna mana thugu iara.

Jenesis 26:24

Ka bongi tuana Lord ne thakle ka mae Isak ne cheke eghu ka mana, “Thosei mhaghu, iara nogna God mae kmamu iagho Ebraham. Iara neke eni kaisei nhaꞌa cheke ka mae Ebraham. Ka nhaꞌa cheke igne iara na au balumu iagho, nei fablahi nigho nei na fabruaradi eghu vikemu iagho gre.”

Jenesis 36:7

Mae Iso theome tangomana te au balugna mae Jekop na ne jifla ne tei au fadelei. Naugna vido glose igne ne theome naba fei buburu te mala ghamudi nodi sipu nei buluka teu phia mare re.

Jenesis 37:1

Mae Jekop gne neke au ka kantri Kenan, ka vido aheva teke au mae kmagna tifa na.

Eksodas 13:11

Mae Moses ne cheke eghu ka naiknore, “Lord ginau na tusu ari ka ghotilo nodi glose mae Kenan are. Eigna Mana neke kulu nhaꞌa chekehi ka mae kuꞌemi ghotilo ra.

Eksodas 29:45

Iara ginauna au baludi naiknodi Israel mala nodi God mare fabrahu.

Eksodas 32:13

Iagho ke ghathodi thilo nou mae gloku ra, Ebraham, nei Isak nei Jekop, iagho ke ghathoni u Nhaꞌa Cheke teke eni iagho ka thilo mare ka nanghamu themu. Iagho neke nhaꞌa cheke eghuhi ka thilo mare, ‘Iara ginauna edi iheire nate karha mei ke leghumi ghotilo re mala kmana fara jateula nathunu ka maloa na are eghu. Eghuteuna iara ginauna tusu lao ka mare vido glose te gnafa teke nhaꞌa cheke iara ka ghotilo ra, mala nodi mare fabrahu.’ ”

Diutronomi 9:5

Theome naugna te keli nei doglo teu ghotilo na. Theo! Lord ginauna ngolhi fajifladi naikno igre naugna mare ne eni unha te diꞌa nei naugna teke nhaꞌa chekeni mana ka kuꞌemi ghotilo mae Ebraham, Isak nei Jekop mala tusu ranghi ghami ghotilo glose igne.

Profet Jeremaea 25:5

Filo si ghotilo! Mare cheke eghu koba ka ghotilo, “Ghotilo te gnafa na mala tughu nakarha nei koko puhi te diꞌa te edi ghotilo are eghu. Jame te koko ghotilo puhi te diꞌa te edi ghotilo tuare meuna, ghotilo ginauna au fabrahu ka glose teke tusu ari iara ka mae kuꞌemi ghotilo tifa ra.

Profet Jeremaea 31:1

Lord ne cheke eghu, “Ka narane nate mei ginau igne, iara ginauna nodi God vike te gnafa Israel, eghuteuna mare nogu naikno iara.”

Jenesis 35:27

Aonu mae Jekop mei ne posa Mamre ka namono te au teu mae Isak, mae kmagna na rhegna namono Kiriat Aba. Keha nanghagna namono igne Hebron, namonogna mae Ebraham kmagna mae Isak.

Eksodas 6:4

Iara neke famamhaku nogu nhaꞌa cheke na ka mare gnafa, eigna iara ginauna snakre lao ka mare kantri Kenan. Namono igne teke au jateula naikno posa teku kolho mare tifa na.

Levitikas 14:34

“Kate tei ghopa te atha glose gna Kenan nate tusu ari iara ka ghotilo te mala khotogna fabrahu igne, eghuteuna jame kaisei naikno filoni kaisei thona teke lilisei iara te kotu ka gringni gna nogna suga na,

Naba 10:29

Kaisei narane mae Moses ne cheke ka mae Hobab thugna mae Ruel. Mae Ruel gne mae gna Midian, eghuteuna mae Ruel gne nanghogna mae Moses. Moses ne cheke eghu ka mae Hobab, “Ghehati ginauna tei ka vido te keli teke nhaꞌa chekeni Lord mala tufa ka ghehati teku gne. Eghume keli fara jame te mei iagho balumi ghehati na. Jame te mei iagho na, ghehati ginauna reireghi nigho iagho.”

Naba 27:12

Lord ne cheke eghu ka mae Moses, “Iagho na tei ka thogele Abarim, eghuteuna filo tei iagho ka namono te gnafa ka vido te ginau tufa ari iara ka ghotilo are.

Diutronomi 32:49

“Iagho tei ka nohi Moab, ka keha phile Khoꞌu biꞌo Jordan ka namono Jeriko. Eghuteuna jare, iagho tei apla ka thogele Nebo, eghuteuna iagho ginauna filoni namono Kenan nate tusu lao iara ka naiknodi Israel.

Diutronomi 34:4

Aonu Lord ne cheke eghu ka mana, “Glose igne iara neke nhaꞌa cheke hi ka mae Ebraham, nei mae Isak nei mae Jekop. Iara neke chekeni nate tusu lao iara glose igne ka vikedi thilo mare. Iara snakre nigho iagho mala filo kolho tagna, nu iara theome snakre nigho iagho te tei ruma tagna na.”

Josua 1:2

Lord ne cheke eghu ka mae Josua, “Nogu mae gloku iara Moses ia la lehehi, nu gognarona, ghotilo tarabana mala tei kasa ka Khoꞌu biꞌo Jordan, mala tei ka namono teke magnahagheni iara mala au ghotilo teku ia.

Ululahu Kronikols 16:18

Mana neke cheke eghu ka mae Jekop, “Iara ginauna tusu ari ka iagho namono Kenan igne, eghuteuna vikemu iagho igre ginauna nate khotogna na.”

Profet Esikiel 11:20

Uve, mare ginauna tangomana te leghudi nogu vetula iara re, eghuteuna faꞌuvedi nogu cheke iara re. Eghuteuna mare ginauna nogu naikno iara, eghuteuna iara nomi God mare.

Profet Esikiel 33:24

“Maegna ka nauthoglu. Naikno te au ka namono tela goigonihi mae naoka igne, mare cheke eghu koba, ‘Ebraham ia neke kaisei mae kolho, nu God neke tusu lao glose igne ka mana. Nu gognarogne tahati la kmana fara, eghume gognarona glose igne nodahi tahati.’

Profet Sekaraea 8:8

Iara nake atha fapulodi Jerusalem. Mare ginauna nogu naikno iara, eghuteuna iara ginauna nodi God mare. Eghuteuna iara ginauna ghatho tahudi fabrahu, eghuteuna funei frunidi ka puhi te doglo.”