Jenesis 17:7 - Buka Blahi Ka Cheke Holo

⁷ Iara ginauna na farerheta nogu nhaꞌa cheke na ka iagho nei ka thumu iagho nate mei ke leghumu iagho re eghu fabrahu tifa e tifa. Iara ginauna mala nou God iagho nei jaola mala nodi God thumu iagho re eghu.

Jenesis 17:7 ပူးပေါင်းရင်းမြစ်များ

Jenesis 26:24

Ka bongi tuana Lord ne thakle ka mae Isak ne cheke eghu ka mana, “Thosei mhaghu, iara nogna God mae kmamu iagho Ebraham. Iara neke eni kaisei nhaꞌa cheke ka mae Ebraham. Ka nhaꞌa cheke igne iara na au balumu iagho, nei fablahi nigho nei na fabruaradi eghu vikemu iagho gre.”

Mae Khuru 2:39

Naugna u nogna nhaꞌa cheke God igne mala nomi ghotilo, nei maladi goro thumi are nei maladi iheire te theome karha nga teu. Uve, u nhaꞌa cheke igne maladi naikno te gnafa teke kilo meidi noda Lord.”

Jenesis 15:18

Ka narane igne Lord ne nhaꞌa cheke ka mae Ebram. Lord ne cheke eghu ka mana, “Iara ginauna na tusu ari ka vikemu iagho re namono igne. Funu ka khoꞌu biꞌo Ijep tei posa ka Khoꞌu biꞌo Iufretis.

Hibru 8:10

Nu igne u nhaꞌa cheke nate chekeni iara ka naiknodi Israel re: Kate thokei mei narane tuare iara ginauna lilisei nogu vetula na ka nagnafadi nei jaola rioriso ka gaoghathodi. Iara ginauna nodi God mare, mare jaola nogu naikno iara.

Hibru 11:16

Nu mare magnahagheni namonogna kligna na, kaisei namono te keli te uluni nauthoglu igne. Eghume God theome mamaja te kiloni mare nodi God, naugna mana neke kulu tarabanahi kaisei namono biꞌo maladi mare.

Levitikas 26:12

Iara ginauna nomi God ghotilo fabrahu, eghuteuna ghotilo ginauna nogu naikno iara.

Jenesis 28:13

Eghuteuna mae Jekop ne filoni Lord na kegra neu rhegna mana ne cheke eghu, “Iara Lord, nogna God mae kuꞌemu iagho Ebraham nei nogna God kmamu iagho Isak. Glose te thuru teu iagho igne iara ginauna tusu ari ka iagho nei ka vikemu iagho igre eghu.

Letas Teke Riso Tei Mae Pol Ka Khiloau Rom 9:4

God neke vahidi naiknodi Israel mala jateula goro thugna eghu neku, eghuteuna mare jaola neke filoni nogna nolaghi biꞌo mana na. God neke edihi nogna nhaꞌa chekere baludi mare, eghuteuna tusu ranghidi u nogna vetula mae Moses na. Mana jaola farirhiudi thofno puhi te mala pogho soruni God na, eghuteuna mana neke nhaꞌa cheke ranghidi kmana glepo.

Nonomho Te Keli Teke Risoi Mae Mak 10:14

Kate filoni mae Jisas igne, mana ne diꞌatagna fara ka mae fanomhore, ne cheke eghu ka mare, “Snakre meidi goro suare ka iara. Thosei lhotidi, naugna naikno te funei frunidi God re jateula sua igre eghu.

Matiu 22:32

‘Iara nogna God mae Ebraham, nogna God mae Isak, nei nogna God mae Jekop.’ Eghume, neuba naikno igre neke lehehi tifa, God neke chekeni ka mae Moses na mare karhau ngala. Naugna jame theome karha mare meuna, God jame theome neke chekeni ‘Iara nogna God mae Ebraham, nogna God mae Isak, nei nogna God mae Jekop.’ Tutuani, God igne theome nodi God naikno te lehe, nu nodi God naikno te karha kolho.”

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.

Profet Esikiel 28:26

Ka namono tuana, mare ginauna babana nodi suga tagna, eghuteuna mare ginauna tangomana te ei nodi nagare grep. Nu iara ginauna paradi keha kantri te au rhedi mare te susukudi fabrahu naiknore igre. Eghuteuna vikegna Israel igne ginauna au fakeli. Naugna igne, naiknodi keha kantri are ginauna thofno laseni te iara nodi Lord God maedi Israel.”

Eksodas 6:4

Iara neke famamhaku nogu nhaꞌa cheke na ka mare gnafa, eigna iara ginauna snakre lao ka mare kantri Kenan. Namono igne teke au jateula naikno posa teku kolho mare tifa na.

Eksodas 3:15

“Eghuteuna iagho tei cheke eghu ka mare, ‘Lord nodi God kuꞌeda tahati tifara, nogna God Ebraham, nei Isak nei Jekop, mana neke kuru mei ghau iara ka ghotilo.’ “Nanghagu iara na Lord, eghuteuna naikno te karha gognaro igre nei nate karha mei ke leghure eghu ginauna ghathoni fabrahu nanghagu iara na.

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Efesus 2:2

Uve, tifa na ghotilo neke leghuni puhidi naikno te diꞌa ka nauthoglu igne. Ghotilo neke leghuni kolho mae Satan, mae funeidi naitu ka maloa gne, eigna mana gognaro na tangomana te funeidi iheire naikno te theome leghuni God.

Nodi Khoje Hatimare Mae Jiu 81:10

Iara ngala nomi Lord God ghotilo na, nei iara ngala teke atha fajifla ghau ghotilo Ijep na. Jame te rouronu ghau iara ghotilo na, iara ginauna tusu ari glepo te keli ka ghotilo.

Jenesis 6:18

Nu iara ginauna na eni kaisei nhaꞌa cheke balumu iagho. Eghuteuna iagho ginauna na saghe ka vaka igne baludi khetomu, thumu nalhaꞌu nei khetodi mae thumu are eghu.

Jenesis 17:19

Nu God ne cheke eghu ka mae Ebraham, “Theo, iara theome vahini mae Ismael. Nu khetomu iagho Sera gne ginauna au kaisei thugna nalhaꞌu, eghuteuna iagho mala kiloni nanghagna na Isak, gaoghathogna mae Isak teu igne ‘maꞌe’ eghu. Iara ginauna na eni nogu nhaꞌa cheke na balugna mana nei thugna mana re eghu, eghuteuna nhaꞌa cheke igne ginauna au fabrahu tifa e tifa.

Eksodas 6:7

Ka puhi igne, iara ginauna hata ghami ghotilo mala jateula nogu naikno eghu iara, eghuteuna iara nomi God ghotilo. Eghuteuna ghotilo ginauna laseni te iara Lord, nomi God ghotilo, eigna iara ginauna fakarhi ghami ghotilo ka gloku biꞌo naiknodi Ijep te huhuru ghami mala edi ghotilo teu are.

Levitikas 11:45

Naugna iara, Lord, iara neke atha fajifla ghami ghotilo Ijep, mala tangomana iara te nomi God ghotilo na. Eghume, ghotilo mala au blahi naugna iara blahi.

Levitikas 25:38

Ghotilo mala edi glepo igre naugna iara Lord, nomi God ghotilo. Iara neke hata fajifla ghami ghotilo Ijep, mala tusu mei kantri Kenan igne ka ghotilo, eghuteuna mala nomi God ghotilo.”

Levitikas 26:9

“Eghuteuna iara ginauna fablahi ghami ghotilo, mala au kmana thumi ghotilo, jateula teke chekeni iara ka nhaꞌa cheke teke eni iara balumi ghotilo ia eghu.

Diutronomi 29:13

Mana magnahaghei cheke ka ghotilo gognarogne mala glola fakeli ka ghotilo te nogna naikno mana na, eghuteuna mana nomi God ghotilo, jateula teke nhaꞌa chekeni mana ka thilo kuꞌemi ghotilo tifa ra, mae Ebraham, mae Aesak nei mae Jekop.

Jajis 2:1

Nogna engel Lord na ne jifla funugna namono Gilgal ne tei namono Bokim. Mana ne cheke eghu ka naiknodi Israel, “Tifa na, iara neke hata fajifla ghami ghotilo kantri Ijep, eghuteuna iara neke hata mei ghami ghotilo ka vido glose teke nhaꞌa chekeni iara ka kuꞌemi ghotilo tifa ra. Eghuteuna iara neke cheke eghu ka kuꞌemi ghotilo ra, ‘Iara ginauna theome huhughuni nhaꞌa cheke teke eni iara balumi ghotilo ia.

Profet Isaia 61:8

Lord ne cheke eghu, “Iara Lord magnahagheni fara puhi te doglo na, nu iara tiroguni fara puhi te blau, ba te edi puhi te diꞌa. Naugna puhigu iara na thofno doglo fara, iara ginauna fablahidi nogu naiknore. Eghuteuna iara ginauna eni kaisei nhaꞌa cheke baludi, nhaꞌa cheke igne ginauna au fabrahu.

Profet Jeremaea 31:1

Lord ne cheke eghu, “Ka narane nate mei ginau igne, iara ginauna nodi God vike te gnafa Israel, eghuteuna mare nogu naikno iara.”

Levitikas 26:44

Nu ka narane tuana kani au nga teu mare ka nodi kantri mae nodi naoka re, iara ginauna theome tangomana te thofno lisa kokodi mare, ba thododi mare, mala goigonidi mare hui. Eghuteuna iara theome tangomana te huhughuni nogu nhaꞌa cheke baludi mare ia, naugna iara Lord, nomi God ghotilo. Iara ginauna toghodi mare, naugna iara ginauna ghathoni nogu nhaꞌa cheke iara ia. Nhaꞌa cheke igne iara neke eni balumi ghotilo kani teke hata fajifla ghami iara Ijep ka tathadi keha naikno ra mala nodi God mare. Iara Lord.”

Fapea Samuel 7:24

Lord, iagho neke fakarhidi naiknodi Israel ra mala nou naikno themu fabrahu, iagho Lord God, nodi God mare.

Ululahu Kronikols 16:14

Lord na noda God tahati. Eghuteuna cheke te rheta teke chekedi mana ra, maladi naikno te gnafa ka nauthoglu igne.