Jenesis 17:6 - Buka Blahi Ka Cheke Holo

⁶ God jaola ne cheke eghu, “Iara ginauna tusu ranghi nigho iagho kmana vike, eghuteuna keha mae ka vike igre ginauna mala mae king.

Jenesis 17:6 ပူးပေါင်းရင်းမြစ်များ

Jenesis 17:4

“Iara na chekeni ka iagho unha nate eni iara ranghi nigho iagho na. Iagho ginauna mala kmadi naikno kmana.

Jenesis 35:11

Eghuteuna God ne cheke eghu ka mana, “Iara God mae ihei te nolaghi fara. Iagho na au kmana thumu nate karha mei ke leghu ka vikemu iagho. Iagho ginauna mala ku'edi naikno ka namono te kmana gre nei hatimare mae king gre na jaola karha ka vikemu iagho.

Jenesis 17:16

Iara ginauna na fablahini Sera nei tusu ranghini naꞌa kaisei mae thugna eghuteuna iagho ginauna mala kmagna mana. Sera ginauna mala idodi naikno te kmana re, eghuteuna kehare ginauna mala mae king.”

Esra 4:20

Tifa na keha mae king te au nodi nolaghi biꞌo igre, mare neke funei fruni ni provins thongana tei posa ke mosu Khoꞌu biꞌo Iufretis. Eghuteuna leuleghu fata na mare hata thua nafnata takis ka naiknogna provins tuana.

Jenesis 17:20

Iagho neke tore ghau iara mala fablahini mae Ismael. Uve, iara neke nomhinihi nou cheke iagho na. Iara ginauna na fablahini mana nei na tusu ranghini mana kmana sua eghu mala biꞌo vikegna mana na. Mana ginauna na kmadi nabotho phei mae king.

Jenesis 26:22

Mae Isak jifla jare neke tei dokha keha khoꞌu seu na. Eghuteuna gognaro na mare neke theome fapholai balugna mana. Aonu mae Isak ne kiloi khoꞌu seu igne, “Namono biꞌo.” Naugna mana neke cheke eghu, “Lord neke tusu ranghi ghita kaisei namono biꞌo igne eghuteuna tahati ginauna thovu e kmana naikno na ka namono igne.”

Jenesis 28:3

Iara toreni God mae ihei te nolaghi na mala fablahi nigho nei tusu ranghi nigho eghu kmana sua. Eghuteuna iagho ginauna mala kmadi kmana naikno.

Jenesis 41:52

Mae Josep ne jaola ne cheke eghu, “God neke tusu mei thugu ka namono te au diꞌanagnafa iara igne.” Aonu mana ne kiloni fapea thugna na Efraim. Gaoghathogna na “God ne tusu ranghi ghau iara sua.”

Jenesis 47:27

Hatimare mae Israel gre neke soru au Ijep ka nohi Gosen, ne au nodi glose jare, dedi nodi nei vuragha fara naikno na sua na neu jare.

Levitikas 26:9

“Eghuteuna iara ginauna fablahi ghami ghotilo, mala au kmana thumi ghotilo, jateula teke chekeni iara ka nhaꞌa cheke teke eni iara balumi ghotilo ia eghu.

Jenesis 13:16

Iara ginauna na eni thumu iagho gre mala vuragha e thovu fara jateula nusu eghu. Jame la kahadi ngau mare u nusu igre ame tangomana nga mare te kahadi thumu iagho gre eghu!

Jenesis 48:3

Mana ne cheke eghu ka mae Josep, “God te nolaghi fara na neke thakle ka iara Lus ka kantri Kenan, neke fablahi ghau iara jare.

Jenesis 48:4

Mana neke cheke eghu ka iara, ‘Iara ginauna na tusu ranghi nigho iagho kmana thumu, eghuteuna gramu iagho re ginauna na kmana fara. Iara ginauna na tusu ari namono igne ka gramu iagho re mala nodi mare fabrahu.’ ”