Jenesis 17:3 - Buka Blahi Ka Cheke Holo

³ Mae Ebram ne pogho soru pari, eghuteuna God ne cheke eghu ka mana,

Jenesis 17:3 ပူးပေါင်းရင်းမြစ်များ

Jenesis 17:17

Mae Ebraham ne pogho soru pari ne maꞌe. Mana ne jaglo nogna ne cheke eghu ka thegna, “Tore, jateula iara mae tela kaisei gobi finoghagu hi gne eghu site mala ke au sua na ia? Eghuteuna Sera gne teuna la nheva salei finogha gnahi gognaro na la theome tangomanahi te au sua na.”

Thakle 1:17

Kate filo lao iara ka mana na, iara ne mhaghu nogu fara ne uka ke uludi ghahegna mana re jateula kaisei mae tela lehehi neu. Nu mana ne loku ka iara khame nhetagna na, ne cheke eghu, “Thosei mhaghu. Iara kulu au neke vuavuha nga gobigna lepore nei iara na au fabrahu kate ari te gnafadi gobigna lepore.

Matiu 17:6

Kate nomhini thilo mae fanomhore cheke igne, thilomare mhaghu fara ne pogho soru pari.

Ululahu Kings 18:39

Kate filoni igne, naiknore ne khoko soru pari ka glose na ne eha eghu, “Lord ngala God te tutuani na! Lord ngala God te tutuani na!”

Josua 5:14

Nu mae igne ne cheke eghu, “Theo, iara mei agne naugna iara mae komanda gna nogna armi Lord.” Kate nomhini mae Josua igne, mana ne pogho soru pari ne cheke eghu ka mae igne, “Mae biꞌo, iara nou mae gloku iagho. Unha te magnahagheni iagho te mala eni iara na?”

Naba 16:45

“Ghopa riu fadelei ka naikno igre! Mala tangomana iara te falehedi naikno igre gognarola!” Nu Moses ghe Eron ne pogho soru foflodi nei tathadi teure pari ka glose na, ne tarai.

Profet Daniel 10:9

Kate nomhini iara naoglagna mana na, iara thabliu phaꞌugu na ne khoko soru pari ka glose na tathagu nei foflogu teure ne thuru iho pari jateula mae tela lehehi ra neu.

Profet Esikiel 3:23

Aonu iara tei ne kegra ka sare biꞌo igne. Eghuteuna iara ne filoni siasiglagna nogna nolaghi biꞌo Lord igne thono siasigla fara. Siasigla igne jateula siasigla biꞌo teke filoni iara tifa ka gerigna khoꞌu biꞌo Keba, eghuteuna iara thuru soru baludi tathagu nei foflogu teure ka glose na.

Profet Esikiel 1:28

Juta te siasigla fabiꞌo falithuini mana igne thono famane fara jateula maja eghu. Juta biꞌo igne agha fabiꞌo ka nogna nolaghi biꞌo God na. Kate filodi iara glepo igre, iara ne pogho soru pari ka glose na, aonu ka vido igne, iara ne nomhini kaisei naogla ne cheke mei ka iara.

Naba 16:22

Nu mae Moses ghe mae pris Eron pogho soru pari ne tarai eghu, “God, iagho ngala teke tusu lao nakarha ka gobigna lepo igre. Jame kaisei mae eni kaisei glepo te diꞌa, iagho ginauna diꞌatamu ka naikno te gnafa igre eghu sia?”

Naba 14:5

Aonu mae Moses ghe mae Eron ne pogho soru ke uludi naikno te khapru jare re ne thoke phaꞌudire ka glose na mala tarai ka Lord.

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Profet Esikiel 9:8

Kate aknu falehe naikno mare igne, iara au neu thegu. Eghuteuna iara ne thuru fapogru soru pari tathagu nei foflogu teu gre ka glose na ne tanhi eghu fabiꞌo, “Lord! Iara laseni te diꞌatamu fara iagho ka naiknodi Jerusalem gre. Ba, iagho ginauna aknu falehe hui naikno te gnafa ka vikegna Israel na igre?”

Jenesis 18:2

Mana ne filodi thilo mae te kegra teu ka namono na. Kate filodi thilo mae igre, mana ghosei ne kegra haghe ne tei ka thilo mare. Mana lao ne pogho soru pari ke uludi thilo mare.