Jenesis 17:1 - Buka Blahi Ka Cheke Holo

¹ Kate nheva salei nheva finogha gnahi mae Ebram na, Lord ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.

Jenesis 17:1 ပူးပေါင်းရင်းမြစ်များ

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Efesus 3:20

Nogna nolaghi God te loku ka nagnafada gre tangomana te eni glepo te ulu fara ka unha tahati te toreni ba ghathoni.

Jenesis 6:9

Igne u thoutonu gna mae Noa na. Mae Noa gne ngala thofno kheragna tutuani God na. Naugna kaisei mana ngala mae te doglo nei thofno leghuni teu God na. Nanghadi thugna mae Noa re igre, mae Sem, mae Ham nei mae Jafet.

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Nodi Khoje Hatimare Mae Jiu 116:9

Eghume iara leghuni fabrahu puhigna mana na kau nauthoglu igne.

Matiu 5:48

Nu te chekeni iara ka ghotilo na, ghotilo te gnafa na mala kafe klino nei doglo eghu fabrahu nakarhamire, jateula mae Kmami te au kligna te klino nei doglo fabrahu teu nakarhagna ia eghu.”

Profet Isaia 38:3

“Lord, ghatho ghau. Iara loku ranghi nigho ka nogu nolaghi fateote'o nei ka gaoghathogu fateote'o, eghuteuna iara fariuriu fara te mala edi gobigna lepo te magnahaghedi iagho re.” Eghuteuna kate tore te gnafa na, mana ne funu tanhi fabiꞌo naugna mana ne diꞌanagnafa fara.

Thoutonu Eigna Mae Job 1:1

Kaisei mae nanghagna na Job, mana au ka kantri te kiloi Us. Mana kaisei mae te keli nei doglo eghu. Mana ghatho tahuni God nei theome magnahaghei te eni kaisei glepo te diꞌa.

Jenesis 18:14

Theo kaisei glepo te ninhigrana ranghini Lord na. Iara ginauna nake pulo mei ka iagho ka thofno narane na, ka nhigra jateula gognaro gne eghu. Eghuteuna Sera gne ginauna na karha kaisei thugna nalhaꞌu.”

Diutronomi 18:13

Ka glepo igre, ghotilo mala thofno keli fara fabrahu ka tathagna Lord nomi God.”

Matiu 19:26

Mae Jisas ne filo tutu ka mare ne cheke eghu, “Tutuani fara, God na tangomana te eni unha te theome tangomana te eni naikno na.”

Profet Jeremaea 32:17

“Lord God, iagho neke vuavuha maloa ghe nauthoglu igre ka nou nolaghi biꞌo. Theo kaisei glepo te ninhigrana ka iagho na.

Jenesis 28:3

Iara toreni God mae ihei te nolaghi na mala fablahi nigho nei tusu ranghi nigho eghu kmana sua. Eghuteuna iagho ginauna mala kmadi kmana naikno.

Fapea Kings 20:3

“Lord, ghatho mei ghau. Iara loku ranghi nigho iagho ka nogu nolaghi fateote'o nei ka gaoghathogu fateote'o, eghuteuna iara fariuriu mala edi gobigna lepo te magnahaghedi iagho re.” Eghuteuna mana ne funu tanhi fabiꞌo.

Ululahu Kings 3:6

Aonu mae Solomon ne cheke eghu, “Kmagu iara na neke thofno leghu nigho iagho tutuani neke eni unha te doglo na. Eghume, leuleghu fata na iagho thofno magnahagheni fara mana. Eghuteuna gognarona, iagho jaola vahi ghau iara mae thugna mana na mala tughuni mana te mala king na.

Profet Maeka 6:8

Lord la chekehi ka tahati unha te keli te magnahaghedi fara mana te mala edi tahati: Tahati mala leghuni puhi te doglo na. Tahati mala thofno namhani nei ghatho tahuni noda God te au baludi nogna naiknore, nei tahati mala theome leghudi noda puhi theda tahati re, nu thofno leghuni noda God.

Jenesis 35:11

Eghuteuna God ne cheke eghu ka mana, “Iara God mae ihei te nolaghi fara. Iagho na au kmana thumu nate karha mei ke leghu ka vikemu iagho. Iagho ginauna mala ku'edi naikno ka namono te kmana gre nei hatimare mae king gre na jaola karha ka vikemu iagho.

Hibru 7:25

Naugna igne mana gognaro te haghe na au nolaghi te mala fakarhadi naikno te mei ka God re naugna mare ne fatutuani ni mae Jisas. Mae Jisas tangomana te mala fakarhadi naugna mana karha fabrahu, eghuteuna mana mala taraidi mare ka God Kmada.

Hibru 12:28

Eghume tahati mala cheke fakelini God naugna tahati au noda namono te au fabrahu tifa tifa. Eghuteuna tahati mala loku ranghini mana balu mhaghu mala eni fabrahu unha te gleale'ani mana na. Naugna noda God te ghatho tahuni tahati gne jateula khaꞌaghi biꞌo te gnubra fateo gobigna lepo te diꞌa ra eghu.

Mae Khuru 24:16

Eghume iara fariuriu koba te mala eni unha te fatutuani ni iara te doglo ke ulugna God ba ke ulugna naikno.

Jenesis 48:15

Aonu mae Jekop ne toreni God mala fablahini vikegna mae Josep na. Mana ne cheke eghu, “Iagho nodi God kuꞌegu iara mae Ebraham nei mae kmagu iara Isak, phia mae igre mala leghudi fabrahu puhimu iagho re. Eghuteuna iagho neke reireghi fakeli ghau iara funu ka narane teke fakarhi ghau idogu ia ghilei posa ka narane gognaro gne.

Jenesis 12:1

Lord ne cheke eghu ka mae Ebram, “Ghema Ebram, jifla kokodi namonomu, kheramu, nei vikedi mae kmamu teu iagho igre mala tei ka kaisei namono aheva iara nate fatakle arini tamu na.

Jenesis 5:24

Kaisei narane God ne hata fadeleini mae Enok mala au balugna eghu teuna naiknore ne theome filoni mana. Naugna mae Enok igne neke thofno kheragna tutuani God.

Mae Khuru 23:1

Mae Pol ne filo lao ka hatimare mae te mala fate re ne cheke eghu, “Kheraguro, iara theome mamaja nogu ke ulugna God, naugna funu tifa te ghilei posa ka narane gognaro gne iara edi fabrahu mei ngala gobigna lepo teke chekedi mana mala edi tahati tekure.”

Nodi Khoje Hatimare Mae Jiu 115:3

Tututani, noda God tahati na au kligna, eghuteuna mana au nolaghi te mala eni unha te magnahagheni mana na.

Thoutonu Eigna Mae Job 11:7

“Ba, iagho gaoghathomu na iagho tangomana te lasedi gobigna lepo te mamhara eigna God? Ba, iagho tangomana te thokeni khukrugna nogna nolaghi God mae ihei te au nolaghi fateote'o igne?

Ululahu Kings 2:4

Jame te leghuni iagho Lord na, mana ginauna eni unha teke nhaꞌa chekeni ka iara tifa ia. Mana neke cheke eghu ka iara, ‘Jame thofno leghu ghau iara fabrahu iheire te karha mei ka vikemu iagho igre ka nakarhadi nei gaoghathodi teure meuna, leuleghu fata na kaisei ka mare ginauna mala king gna Israel.’

Diutronomi 10:17

Lord nomi God ghotilo igne, mana God frunidi god te gnafa nei Lord frunidi Lord te gnafa teu igre. Mana Thofno God mae ihei te au nolaghi fateote'o eghuteuna naikno te gnafa ka nauthoglu igne mhaghuni mana. Kate fateni ihei na, mana theome tangomana te phile ka ihei, eghuteuna mana theome tangomana te hata sileni ka ihei te mala theome fate ka puhi te doglo.

Naba 11:23

Nu Lord ne cheke eghu, “Ba, ne theome tangomana iara te edi re eghu sagho ia? Filo sagho!”

Eksodas 6:3

Tifa na, iara neke thakle ka Ebraham, ka Isak, nei ka Jekop, eghuteuna mare lase ghau iara te iara ‘God mae ihei te au nolaghi fateote'o.’ Nu iara neke theome falalase ghau thegu ka mare te iara Lord.

Jenesis 18:1

Kaisei fata ke leghugna igne, Lord ne mei thakle ka mae Ebraham rhegna gaju biꞌo na te au ka namono Mamre. Mana gnokro neu ka grengathagna nogna suga tapuale na kate brana fara naprai na.

Jenesis 12:7

Nu Lord ne thakle ka mae Ebram ne cheke eghu ka mana, “Iara ginauna na tusu ari ka vikemu iagho re namono igne mala au nodi tagna.” Mae Ebram ne cheke eghu, “Lord, iagho keli fara ne chekeni igne ka iara.” Aonu mae Ebram ne hohoro kaisei olta ka thina jare malagna Lord.

Profet Daniel 4:35

Naikno te gnafa ka nauthoglu igne theome glepo ulu ka tathagna mana na. Tothoghei engel te gnafa te au kligna nei naikno te gnafa te au ka nauthoglu pari igne au kolho ke parigna nogna nolaghi mana. Theo kaisei naikno ka nauthoglu igne te kegra fothini mana na, jaola theo kaisei naikno tangomana te ghusna eghu ka mana na, ‘Unha gne te eni iagho na?’

Ululahu Kings 8:25

Lord, nodi God mae Israel, iara tore nigho mala jaola ghathoni nhaꞌa cheke teke eni iagho ka mae kmagu iara nou mae gloku iagho Devet. Iagho neke cheke eghu ka mana, ‘Devet, jame te leghu ghau iara mae thumu iagho igre jateula iagho teuna, iara ginauna vahini kaisei mae ka vikemu iagho igne mala funei frunini Israel fabrahu.’

Jenesis 16:16

Ka narane te karha mei mae Ismael ka Hega igne mae Ebram la nhana salei namno finogha gna hi.

Jenesis 5:22

Ke leghugna te karha mae Metusela na, mae Enok ne kheragna tutuani God, neke au balugna God thilo gobi finogha. Mana jaola neke au keha thugna nalhaꞌu nei keha thugna gaꞌase neku.

Jenesis 24:40

“Nu mana neke cheke eghu, ‘Iara kaisei mae mala leghuni chekegna Lord na. Eghuteuna mana ginauna na kuruni nogna engel na balumu iagho mala togho nigho iagho mala hata mei iagho kaisei gaꞌase malagna mae thugu iara na ka vikegna mae kmagu iara te au jare ra.

Jenesis 26:2

Lord ne thakle ka mae Isak jare ne cheke eghu ka mana, “Ghema Isak, thosei tei Ijep. Iagho au ngala ka namono aheva mala au iagho teku iara igne.

Jenesis 43:14

Iara toreni God mae ihei te nolaghi fara na mala toghoni gaoghathogna mae funei igne mala kokhoni ghami ghotilo. Iara toreni God mala snakredi mae Simion ghe mae Benjamin gre mala ke pulo mei balumi ghotilo. Nu jame teke gaoghathogna God teke mala hata fadeleidi mae thugu iara gre teku na, mare na hata fadeleidi ka iara.”

Jenesis 46:3

Aonu God ne cheke eghu ka mana, “Iara God, nogna God mae kmamu. Thosei mhaghu te tei Ijep na, naugna iara ginauna na fablahidi vikemu iagho gre mala vuragha jare Ijep.

Nodi Khoje Hatimare Mae Jiu 25:14

Lord, iagho kheradi iheire te leghu nigho iagho re. Iagho farerheta u nhaꞌa cheke teke eni iagho ka mae ku'emi tifa ra.

Jenesis 48:3

Mana ne cheke eghu ka mae Josep, “God te nolaghi fara na neke thakle ka iara Lus ka kantri Kenan, neke fablahi ghau iara jare.

Naba 24:16

Igne nogna cheke mae ihei te nomhini chekegna God na, nei laseni teu gaoghatho gna God mae te kligna lahu na. Uve, igne ngala nogna cheke mae ihei te filodi u mifi te funu mei ka God mae ihei te nolaghi fara na.

Proveb 10:9

Mae te doglo na ginauna au fakeli. Nu mae te eni puhi te diꞌa na theome tangomana te pophoru puhigna na.