Jenesis 15:6 - Buka Blahi Ka Cheke Holo

⁶ Mae Ebram ne fatutuani ni nogna cheke Lord na, eghuteuna Lord ne kiloni mana kaisei mae te doglo ke ulugna mana.

Jenesis 15:6 ပူးပေါင်းရင်းမြစ်များ

Jemes 2:23

Eghuteuna igne ne horoghoto ka grioriso te blahi ia, “Mae Ebraham neke fatutuani ni God. Naugna igne God ne cheke eghu, ‘Mae Ebraham gne kaisei mae doglo fara ke ulugu iara.’ ” Naugna igne God kiloni mae Ebraham kheragna thegna.

Letas Teke Riso Tei Mae Pol Ka Khiloau Rom 4:9

Ba, puhi te mala au gleale'a ke ulugna God igne maladi mae Jiu kolho? Theo. Mala dila iheire te theome mae Jiu. Tahati filonihi ka grioriso te blahi na ne cheke eghu, “Mae Ebraham na neke fatutuani ni God. Naugna igne God neke filo glanini mae Ebraham jateula kaisei mae te doglo.”

Hibru 11:8

Mae Ebraham neke fatutuani ni God, eigna igne mana ne leghuni God kate kiloni mana mala jifla kokoni nogna namono na mala tei ka keha namono delei, ka vido aheva God nate tusu ranghini mana. Mana jifla ne tei neuba ne theome laseni aheva nate tei na.

Nodi Khoje Hatimare Mae Jiu 106:31

Funu gognaro te haghe na famane puhi te doglo te nomhini tahati teke eni mae Finihas igne, naikno nate karha mei thogheiro re na theome ghatho ihoni.

Letas Teke Riso Tei Mae Pol Ka Khiloau Rom 4:11

Kani theome tohi fagaglana nga teku na, mae Ebraham neke fatutuani ni God. Eghuteuna God filo glanini mae Ebraham jateula kaisei mae te doglo. Ke leghugna igne, mae Ebraham neke hata fagaglana gna tohi fagaglana jateula kaisei thotoghale eigna te mae doglo mana na. Naugna igne, mae Ebraham gne kafe ku'edi naikno te theome tohi fagaglana re, nu fatutuani ni God eghuteuna God ne filo glanidi jateula naikno te doglo.

Nehemaea 9:8

Iagho filo glanini gaoghathogna mana na au rheta ka iagho, eghuteuna iagho neke eni kaisei nhaꞌa cheke ka mana. Iagho neke nhaꞌa cheke mala tusu lao ka vikegna mana na nodi vido glose vikegna mae Kenan, nei vikegna mae Het, nei vikegna mae Amo, nei vikegna mae Peris, nei vikegna mae Jebus, nei vikegna mae Gigas. Eghuteuna iagho tajini nou nhaꞌa cheke na, naugna puhimu iagho na doglo fara.