Jenesis 15:4 - Buka Blahi Ka Cheke Holo

⁴ Lord ne cheke eghu ka mae Ebram, “Mae Eliesa, nou mae gloku iagho igne, ginauna theome hata nou glepo iagho re. Iagho ginauna na au kaisei mae thofno thumu, eghuteuna mae thumu iagho tuana ginauna tughu nigho iagho mala ke khotodi nou glepo iagho re.”

Jenesis 15:4 ပူးပေါင်းရင်းမြစ်များ

Jenesis 17:16

Iara ginauna na fablahini Sera nei tusu ranghini naꞌa kaisei mae thugna eghuteuna iagho ginauna mala kmagna mana. Sera ginauna mala idodi naikno te kmana re, eghuteuna kehare ginauna mala mae king.”

Galesia 4:28

Nu ghotilo kheraguro, ghotilo jateula mae Isak eghu. Eigna ghotilo jateula thugna God eghu naugna ka nogna nhaꞌa cheke mana igne.

Fapea Samuel 7:12

Kate lehe iagho te giugilui nigho mare baludi mae kuꞌemu iaghora, iara ginauna vahini kaisei mae thumu iagho te mala king na. Mae igne ginauna kaisei mae king rheta, eghuteuna theo kaisei glepo nate faparini mana na.

Fapea Kronikols 32:21

Aonu, Lord ne kuruni kaisei engel mala aknu falehedi soldia te gnafa nei mae komanda di Asiria te au falithuini Jerusalem. Aonu king gna Asiria gne neke figri ka nogna kantri na, eghuteuna mana ne mamaja nogna fara ka tathadi nogna naiknore. Ke leghu, kate tei mana ka Sugablahi nogna god na, phei thugna mana re hata naflahi ne aknu faleheni mana.

Jenesis 21:12

Nu God ne cheke eghu ka mae Ebraham, “Thosei diꞌanagnafamu eidi Hega ghe thugna gre. Leghuni kolho sagho chekegna Sera na. Vike teke nhaꞌa chekeni iara ka iagho igne ginauna mei funu ka mae Isak.

Filimon 1:12

Iara thofno namhani mae Onesimasi, nu gognaro na iara nake kuru fapuloni mana ka iagho.

Fapea Samuel 16:11

Mae Devet jaola ne cheke eghu ka mae Abisae, nei ka hatimare mae biꞌo, “Mae thugu iara Absalom magnahaghei te falehe ghau iara, eghuteuna mae Simei vikegna mae Benjamin igne jaola magnahaghei te cheke fadiꞌa ghau iara! Ghotilo lisa lao mala lelheghu ka mana, glahula Lord snakreni mana mala cheke fadiꞌa ghau iara.

Jenesis 15:1

Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”