Jenesis 15:15 - Buka Blahi Ka Cheke Holo

¹⁵ Ghema Ebram, iagho ginauna au blagna nou kate kueku'emu na ghilei lehe, eghuteuna mare ginauna na giugilui nigho iagho.

Jenesis 15:15 ပူးပေါင်းရင်းမြစ်များ

Thoutonu Eigna Mae Job 5:26

Iagho ginauna karha kelimu au ghilei kuekuꞌe fara, jateula sopho te famane kotu ka nagare na te ghilei thokeni narane te naba te mala ukli na ia eghu.

Fapea Kronikols 34:28

Eghume iagho ginauna na theome filodi puhi biꞌo igre kate karha nga teu iagho na. Ke leghugna te lehe iagho na, puhi biꞌo igre ginauna thoke mei.” Aonu mae iheire teke kuru mei mae King Josia igre neke pulo neke chekeni nogna cheke tughu Hulda na ka king.

Naba 27:13

Kate gnafa filo iagho ka namono tuare, iagho ginauna lehe jateula mae thabusimu mae pris Eron teke lehe tifa ia eghu.

Profet Daniel 12:13

“Ghema Daniel, gaoghathomu iagho na mala au rheta ka God ghilei thokeni huigna naranemu na. Ka narane tuana iagho ginauna lehe, nu iagho ginauna nake karha fapulo mala hata nou taba biꞌo na ka narane leghu lahu igne.”

Mae Khuru 13:36

“Uve, kate karhagna tekeu mae Devet na, mana neke eni unha teke magnahagheni God na. Nu kate lao te lehe na, mare ne giugiluni mana baludi mae ku'egna re, eghuteuna thinigna mana na neke boto ngala ka gluma na.

Eklesiasti 12:7

Uve, thinida tahati gre ginauna nake pulo ka glose, eghuteuna nakarhagna God teke tusu mei ka tahati igne ginauna nake pulo ka mana.

Thoutonu Eigna Mae Job 42:17

Kate lehe na, mana thono kuekuꞌe fara.

Ululahu Kronikols 29:28

Mana lehe kate thofno kuekuꞌe fara. Eghuteuna mana kaisei king te fnakno fara nanghagna na, eghuteuna mana jaola kaisei mae dedei fara. Aonu naiknore ne thofno ghatho tahuni fara mana. Aonu thugna mana Solomon ne kegra king.

Jajis 2:10

Nu ke leghugna te lehe phagusu igne, iheire te gnafa teke kotu haghe ke leghudi mae igre neke theome ghatho tahuni Lord. Eghuteuna mare theome lasedi glepo biꞌo teke edi Lord ranghidi naiknodi Israel.

Jenesis 49:29

Ke leghugna te fablahidi mare te gnafa na, mae Jekop ne cheke eghu faheta ka mae thugna re, “Iara gognaro na la namo lehehi. Nu ne lehe nga iara nu, ghotilo ke hata fapulo thinigu iara na ka kantri Kenan eghu, mala ke giugilu ka gluma thina teke giugilu mare mae ku'egu iara tifa ra ka namono Makipela ke maghati Mamre. Mae Ebraham neke foli sare igne ka mae Efron, vikegna mae Hit. Giugilui ghau ka gluma thina teke giugiludi mae kmagu tifa ra.

Naba 20:24

“Mae Eron gne ginauna theome tangomana te tei thoke ka vido te nhaꞌa chekeni iara mala tufa ka naiknodi Israel gre, nu mana ginauna lehe, naugna ghopa ne theome leghudi nogu cheke iara re jare ka Khoꞌu Meriba.

Jenesis 35:29

Mana ne kuekuꞌe fara ne lehe. Eghuteuna mae Iso ghe mae Jekop, phei mae thugna re, ne giugiluni mana jare.

Matiu 22:32

‘Iara nogna God mae Ebraham, nogna God mae Isak, nei nogna God mae Jekop.’ Eghume, neuba naikno igre neke lehehi tifa, God neke chekeni ka mae Moses na mare karhau ngala. Naugna jame theome karha mare meuna, God jame theome neke chekeni ‘Iara nogna God mae Ebraham, nogna God mae Isak, nei nogna God mae Jekop.’ Tutuani, God igne theome nodi God naikno te lehe, nu nodi God naikno te karha kolho.”

Eklesiasti 6:3

Jame kaisei mae nakarhagna na fabrahu fara, eghuteuna mana au kmana thugna. Nu jame te theome glealeꞌa kolho mana ka nakarhagna na, ke leghu thugnare theome famane bebekuni thinigna mana na ka puhi te keli. Ka gaoghathogu iara na, nakarha igne thofno diꞌa fara salaꞌuni sua te lehe ka thiꞌagna idogna na.

Nodi Khoje Hatimare Mae Jiu 37:37

Filo tutu laoni sagho mae te keli nei doglo teu puhigna ana. Mana au blagna nogna kolho baludi keha naiknore. Vikegna mana re ginauna au fabrahu tifa tifa.

Ululahu Kronikols 23:1

Kate funu kuekuꞌe farahi King Devet na, mana neke vahini mae Solomon, mae thugna nalhaꞌu na mala king gna Israel tughuni mana.

Jenesis 50:13

Mare hata ne tei thinigna mana na Kenan ne giugilui ka gluma thina na ka sare Makipela rhegna Mamre. Mae Ebraham neke foli sare igne tifa na ka mae Efron, kaisei mae ka vikegna mae Hit mala gluma gna thegna neku.

Jenesis 49:31

Ka gluma igne teke giugilui mare thinidi mae Ebraham ghe Sera re, eghuteuna ka gluma igne la teke giugilui mare thinidi mae Isak ghe Rebeka re. Eghuteuna iara neke jaola neke giugilui thinigna Lea na ka gluma igne.

Jenesis 23:19

Ke leghugna igne, mae Ebraham ne giugilui khetogna na ka sare Makipela ka gluma thina na, ke maghati namono Mamre jare ka kantri Kenan. Keha nanghagna na namono Mamre gne, Hebron.

Jenesis 23:4

“Ghotilo lase ghauhi iara, naugna iara gne maegu ka keha kantri delei mei au kolho agne fari hoteimi ghotilo. Khetogu gne la lehehi, eghuteuna iara gognaro na magnahaghei te foli kaisei gluma ka ghotilo agne mala giugilui thinigna khetogu gne.”

Jenesis 47:30

Kate lehe iara na, iagho mala ke pulo giugilui ghau iara ka namono aheva teke giugilui mae kuꞌegu ra.” Mae Josep ne cheke eghu ka mae kmagna na, “Iara ginauna na eni unha te chekeni iagho na.”

Diutronomi 31:16

Aonu, Lord ne cheke eghu ka mae Moses, “Iagho ginauna lehe. Eghuteuna kate lehe iagho na, naikno igre ginauna na theome raugha tarai nei pogho soru eghu ka nodi god naikno te au ka glose nate tei ghotilo tagna na. Mare ginauna lisa ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Nodi Khoje Hatimare Mae Jiu 49:19

Neuba, mana ginauna leheu, eghuteuna mana ginauna tei au lamna beku baludi kuꞌegna teke lehe tifa ra.

Thoutonu Eigna Mae Job 41:32

Eghuteuna kate tugha te tei ka thongna na, kmana galo haghe ke leghugna, jateula kaisei vaka te umhu te tei ka thongna ra eghu.