Jenesis 14:20 - Buka Blahi Ka Cheke Holo

²⁰ Eghuteuna tahati pala hagheni nanghagna na eigna mana ne togho nigho ne uluni iagho u magra igne.” Aonu mae Ebram ne tufa glepo teke hata teke pulo ka magra na ne edi nabotho bukrei ne tufa ka mae Melkisedek kaisei bukrei.

Jenesis 14:20 ပူးပေါင်းရင်းမြစ်များ

Jenesis 28:22

Thina te fakegra haghe iara igne mala sugamu iagho. Eghuteuna glepo teke tusu mei iagho ka iara igre, iara ginauna na edi nabotho bukrei, eghuteuna kaisei bukrei na iara nake tusu ari ka iagho.”

Profet Malakai 3:10

Ghotilo atha mei ka iara fabothodi unha teke atha ghotilo ka nagare are mala kmana ghedi gano nogu mae gloku iara gre. Te eghu ghotilo na, iara ginauna na thofno fablahi ghami ghotilo, eghuteuna ghotilo ginauna na theome kmoꞌe ka gano na. Ginauna ghotilo na laseni unha te chekeni iara igne thofno tutuani fara.

Luku 18:12

Iara theome ima phei narane ke lamnagna kaisei wik naugna iara dangna. Eghuteuna iara tangomana te tusu ranghi nigho iagho fabothodi nogu sileni teke hata iara ka nogu gloku na.’

Jenesis 24:27

ne cheke eghu, “Iara magnahaghei te cheke fakelini nanghagna Lord, nogna God nogu mae funei iara Ebraham. Iagho ne kokhoni ni fabrahu nogu mae funei iara na ne eni fabrahu unha teke chekeni iagho ka mana na. Lord, iagho batu ghau iara doglo ne mei ka sugadi vikegna nogu mae funei iara na.”

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Profet Malakai 3:8

“Eghume te chekeni iara ka ghotilo na, ‘Ghotilo blau nogu glepo iara re. Puhi te diꞌa igre theome gnafa ka ghotilo eghu.’ “Thogheiro na ghotilo nake cheke ka iara, ‘Naugna unha sagho te chekeni ne blau ghehati nou glepore teu gnea?’ “Filo si ghotilo, ghotilo chaghi ghau iara, naugna ghotilo ne theome atha ne mei ka iara fabothodi gobigna lepo malagu iara teku ghotilora.

Profet Emos 4:4

Lord ne cheke eghu, “Ghotilo naiknomi Israel ra, ghotilo tei tarai koba ka namono Betel, nu ghotilo eni koba puhi te diꞌa na ka vido te blahi na. Ghotilo tei tarai koba ka namono blahi Gilgal, nu neuba ghotilo ne edi igre, nu ghotilo raꞌe salaꞌui ka puhi te diꞌa na. Leuleghu hamerane na, ghotilo hata mei gano mala fafara ka iara, eghuteuna ghotilo tusu mei ka iara fabothodi nomi gobigna lepore ka fatilo narane na.

Nodi Khoje Hatimare Mae Jiu 144:1

Iara kilo fnaknoni Lord, naugna mana ne baubatu ghau nei farirhiu ghau te mala magra na.

Nodi Khoje Hatimare Mae Jiu 68:19

Tahati pala hagheni nanghagna noda Lord mae ihei te togho ghita leuleghu narane ka puhi biꞌo thoke ghita. God kaisei igne ngala te fakarhi ghita na.

Nodi Khoje Hatimare Mae Jiu 44:3

Nou naikno iagho igre neke theome atha namono igne ka magra, ba ka nodi nolaghi thedi. Theo. Mare neke atha vido igne ka nou nolaghi nei ka khamemu eghu iagho, naugna iagho magnahaghedi mare te lase nigho te au teu baludi na. Ka puhi igne iagho falalase ranghidi iagho te namhadi fara nou naiknore.

Nehemaea 13:12

Aonu naikno te gnafa Juda igre hata neke mei fabothodi wit nei waen majaghani, nei oliv oel teu igre neke lilisei ka chogho te mala liliseidi glepo igre ka nogna Sugablahi God na.

Nehemaea 10:37

“Eghuteuna ghehati ginauna hata mei ka mae pris leuleghu finogha, flaoa majaghani teke edi ghehati ka soasopai nafnata wit, nei waen majaghani nei oliv oel majaghani, nei ghemi sisi gaju majaghani nate hata te mei ghehati mala bubukrei ke lamna chogho ka nogna Sugablahi God. Eghuteuna ghehati ginauna jaola hata mei katha vido ka fabothodi gano ka nomi nagare ghehati re mala tusu lao ka mae Livaet kate mei salo mare fabothodi gano igre.

Fapea Kronikols 31:12

Kate tarabanahi mare chogho igne, mare hata ne mei gano nei keha glepo eghu teke hata teke mei naiknore igre ne lilisei ka chogho igne. Kaisei mae Livaet nanghagna na, mae Konanaea te mala reireghidi re glepo igre. Thabusigna mana mae Simei gne te fapea ka mana na.

Josua 10:42

Ka narane tuare, Lord, nodi God maedi Israel igne ne toghodi mare mala uludi nei hata eghu nodi namono mae naoka igre.

Diutronomi 14:28

“Ke leghudi thilo finoghare, ghotilo hata mei fabothodi gano ka nomi nagare are mala lilisei ka vido aheva te mala tathajidi teu ka nomi namono re.

Diutronomi 14:23

Hata fabothodi gano, nei waen, nei oel, nei sua teke kulu karha ka nomi buluka ghotilo re. Hata tei glepo igre ka vido blahi aheva Lord teke vahini. Jare te mala ghamu ghotilo glepo igre ke ulugna Lord, nomi God. Ka puhi igne ghotilo ginauna laseni unha te magnahagheini mana na.

Diutronomi 12:17

Gobigna lepo te tufa ghotilo ka Lord igre, ghotilo thosei ghamu ka sugami re. Neubane kaisei ka fabothodi gano ba waen ba oel, eghuteuna neubane sua karha ulu ka nomi glepo te tautagu ghotilo, ba fafara eigna kaisei nhaꞌa cheke, ba kaisei fafara te eni ghotilo leghuni unha te magnahagheni ghotilo na, ba keha fafara la ngau, gobigna lepo jateula igre teuna blahi te ghamu ghotilo ka sugami re.

Naba 28:26

Lord ne cheke eghu, “Ka narane ululahudi Gaghamu ka Fitu Wik, kate fafara mei ghotilo gano teke atha ka nomi nagare ra, tuana kaisei narane blahi mala mei khapru ghotilo mala kilo fnakno ghau iara, eghuteuna ghotilo jaola mala gnafa ka narane tuana.

Jenesis 9:26

Mae Noa jaola ne cheke eghu, “Tahati cheke fakelini Lord mae ihei Sem te pogho soru ranghini! Mae Kenan gne mala nogna mae sneka kolho mae Sem.

Jenesis 14:21

Aonu mae king gna namono Sodom na ne cheke eghu ka mae Ebram, “Iagho tangomana te tathaji glepo teke hata fapulo iagho ka magra na igre malamu themu. Iara magnahaghedi nogu naikno teke la hata fapulo iagho ka khamedi mae thara ra kolho.”

Eksodas 18:10

Mae Jetro ne cheke eghu, “Cheke fakelini nanghagna Lord! Mana neke atha fajifla ghami ghotilo ka naꞌau sosolo ka khamedi hatimare mae Ijep.

Jenesis 47:24

Kate thoke mei narane te mala ukli ghotilo na, ghotilo mala edi glima duku, kaisei na malagna mae king nei fati re malami themi eghu. Ghotilo mala lilisei keha mala ke joꞌu fapulo. Lilisei keha maladi khetomi nei thumi teu are eghu.”

Jenesis 47:26

Aonu mae Josep ne eni kaisei vetula Ijep, vetula igne chekedi naiknore mala edi glima duku kate ganodi nagare re, kaisei malagna mae king nei fatire maladi thedi. U vetula igne au ngala ghilei posa ka narane gognaro gne. Nodi vido glose mae pris gre ngala te theome tangomana te hata mae king na.

Fapea Samuel 18:28

Aonu mae Ahimas mei namo ne eha eghu ka king, “Gobigna lepore keliu kolho!” Mana haghe ka king ne pogho soru pari, ne cheke eghu ka mana, “King, nogu funei, tahati cheke fakelini nanghagna noda Lord God! Mana fakarhi nigho ka mae ihei teke khi fajifla nigho ia.”