Jenesis 14:18 - Buka Blahi Ka Cheke Holo

¹⁸ Mae Melkisedek gne mana mae king gna ka namono Salem. Mana neke kaisei mae pris nogna God, mae ihei te fnakno fara. Mana hata ne mei keha bret nei waen eghu ka mae Ebram.

Jenesis 14:18 ပူးပေါင်းရင်းမြစ်များ

Hibru 6:20

Naugna mae Jisas la kulu arihi jare malada tahati. Mana mala kaisei mae pris biꞌo jateula mae Melkisedek eghu, eghuteuna mana ginauna mae pris biꞌo fabrahu tifa tifa.

Nodi Khoje Hatimare Mae Jiu 110:4

Lord neke eni kaisei nhaꞌa cheke ka iagho, eghuteuna mana ginauna nake theome tughu gaoghathogna na. Mana neke nhaꞌa cheke eghu, “Iagho ginauna pris fabrahu jateula mae Melkisedek tifa ia eghu.”

Hibru 5:6

Nei kaisei vido kau grioriso te blahi na neke cheke eghu, “Iagho kaisei mae mala pris fabrahu tifa e tifa jateula mae Melkisedek.”

Hibru 5:10

Eghuteuna God neke vahini mae Jisas mala kaisei mae pris biꞌo jateula mae Melkisedek.

Nodi Khoje Hatimare Mae Jiu 76:2

Namonogna God na Jerusalem. Uve, mana au ka Thogele Saion.

Mae Khuru 16:17

Gaꞌase igne mei ke leghumi ghehati nei mae Pol. Naꞌa ne cheke eghu fabiꞌo, “Mae igre, mare nogna mae gloku God te au kligna! Mare toutonuni ka ghotilo nogna puhi God te mala fakarhi ghami ghotilo na!”

Nodi Khoje Hatimare Mae Jiu 57:2

Iara na kiloni God te au kligna na mala togho ghau. Eghuteuna mana na tusu mei ka iara unha te ari te kmoꞌeni iara na.

Nodi Khoje Hatimare Mae Jiu 7:17

God na eni koba unha te doglo na, eghuteuna iara na cheke fakelini mana. Iara ginauna na koje ranghini Lord ka maloa kligna mala pala hagheni nanghagna mana na.

Thoutonu Eigna Rut 3:10

Mae Boas nomhidi nogna cheke Rut igre ne cheke eghu ka naꞌa, “God te fablahi nigho, thuguo, naugna puhi te eni iagho igne tei la salaꞌuni fara unha teke eni iagho ranghini nanghomu Naomi ia. Eghume, iara thofno jaglo nogu fara te tirou hironi iagho kaisei mae te majaghani te thofno dedei ba mae majaghani te kuma, nu iagho na theome gaoghatho te mala tolaghi ka nafnata mae majaghani igre na.

Galesia 6:10

Eghume kate loku nga teu tahati na, tahati tangomana te toghodi naikno te gnafare. Tulao mala eni igne ka iheire te au lamnagna nogna tharakna God.

Mae Khuru 7:48

“Nu God te au kligna na theome au ka suga te hohoro naiknore. Igne unha teke chekeni kaisei mae profet na,

Profet Maeka 6:6

Unha nafnata glepo nate atha te mei tahati te mala fafara ka Lord mae ihei te God gna kligna na? Ba? Tahati ginauna atha mei famane buluka majaghani mala gahu jateula fafara eghu ka mana?

Nodi Khoje Hatimare Mae Jiu 50:14

“Iara God, ka maloa kligna, eghuteuna te keli na ghotilo cheke fakeli ghau iara fabrahu. Igne thofno nomi fafara ghotilo na. Eghume te keli na ghotilo edi glepo teke nhaꞌa chekedihi ghotilo ka iara ra.

Fapea Samuel 2:5

Aonu mana ne kurudi keha mae mala tei cheke eghu ka mare, “Lord ginauna fablahi ghami ghotilo, naugna ghotilo ne giugiluni thinigna king Sol. Ka puhi igne, ghotilo falalase ghami themi te ghatho tahuni nomi king na.

Hibru 7:1

Gognaro gne iara na toutonu ranghi ghami ghotilo eigna mae Melkisedek. Mae Melkisedek gne kaisei mae king ka namono te kiloi Salem, nei mana kaisei nogna mae pris biꞌo God te au kligna. Mae Melkisedek neke ludeni mae Ebraham ke leghugna teke pulo mei mae Ebraham funugna ka vido teke tei magra mana teke falehedi fati mae king baludi nodi mae armi hatimare fati mae king igre. Jare mae Melkisedek thafoni mae Ebraham ne fablahini mana.

Naba 18:28

Ka puhi igne, ghotilo ginauna jaola tangomana te tufa fabotho na ka iara ka glepo te tufa keha naiknore. Fabothodi glepo te tufa ghotilo igne mala tei ka pris biꞌo Eron.

Naba 24:16

Igne nogna cheke mae ihei te nomhini chekegna God na, nei laseni teu gaoghatho gna God mae te kligna lahu na. Uve, igne ngala nogna cheke mae ihei te filodi u mifi te funu mei ka God mae ihei te nolaghi fara na.

Nodi Khoje Hatimare Mae Jiu 76:3

Jare ka vido tuana teke lolhopa mana nodi jata mae naokare. Uve, mana neke fadidiꞌa fahui nodi glepo mala magra mare re.

Profet Daniel 4:31

Kate cheke teu mana igne, mana ne nomhini kaisei cheke ne mei funu kligna, ne cheke eghu, “King Nebukadnesa, fanomho mei ka nogu cheke iara igne. Iara ginauna hata fadelei nogna nolaghi king na ka iagho.