Jenesis 14:14 - Buka Blahi Ka Cheke Holo

¹⁴ Kate nomhini mae Ebram te sneka tela tei mae nebugna na ka magra na mana ne kilodi thilo gobi nabotho nhanai nogna mae nheta re ne ngolhi leghudi mae thara re ne posa ka namono Dan.

Jenesis 14:14 ပူးပေါင်းရင်းမြစ်များ

Jajis 18:29

Aonu mare neke tughu nangha namono Lais teu igne neke kiloni Dan, nanghagna kuꞌedi mare tifa thugna Jekop.

Eklesiasti 2:7

Iara au kmana naikno gloku nalhaꞌu nei gaꞌase, eghuteuna kmana sua karha mei ka naikno te loku ka iara igre. Eghuteuna nogu sipu, nanigot nei buluka teu iara re thono kmana fara. Funu tifa te mei posa ka narane gognarogne, theo kaisei naikno agne Jerusalem te au nogna kmana glepo te tautagu jateula iara teuna.

Diutronomi 34:1

Aonu mae Moses jifla ka sare biꞌo Moab ne tei apla ka thogele Pisga, eghuteuna mana haghe kligna ka thogele Nebo ka keha phile Khoꞌu biꞌo Jordan funu Jeriko. Kate au teu jare na, Lord ne fakakhana ka mana glose te gnafa ke lamna nohi Kenan. Mana fakakhana vido te gnafa funu ka nohi Gilead ke maghati Jordan tei posa ke raru Dan.

Jenesis 12:5

Mae Ebram ghe khetogna Sarai nei mae Lot nebugna na teure ne jifla ne tei. Mare jaola ne hata nodi mae glokure baludi nei nodi gobigna lepo teke hata ka namono Haran re eghu ne jifla ne tei ka namono Kenan. Kate mei au teuhi jare na

Ululahu Jone 2:18

Uve thuguro, narane leghu lahu na la namohi! Ghotilo nomhinihi nogna naoka mae Kraes la namo mei. Tutuani fara, gognaro na kmana nogna naoka mae Kraes auhi agne! Eghume tahati laseni u narane leghu lahu la namo meihi.

Nodi Khoje Hatimare Mae Jiu 68:12

Mana cheke eghu, “Hatimare mae king nei hatimare mae armi teure la rikhahi.” Eghuteuna goro gaꞌase teke au teku ka namono na ne tufa glepo teke hata hatimare ka magra ra.

Jajis 20:1

Naikno te gnafa Israel igre ne loku fodu jateula kaisei tothoghei neu ne kafe mei ke ulugna Lord jare Mispa. Mare mei funudi ka namono te gnafa, funu ke raru namono Dan, nei ke mata namono Bereseba, nei ka rijon ke maghati Gilead.

Jenesis 23:6

“Mae biꞌo, iagho kaisei mae biꞌo mala baubatu ka ghehati agne. Iagho tangomana te filoni kaisei gluma te keli ka ghehati agne mala giugilu thinigna khetomu na. Iagho tangomana te vahini kaisei gluma aheva te magnahagheni iagho na, eghuteuna mae khotogna gluma igne na ginauna na snakreni ka iagho mala giugilu iagho khetomu na.”

Jenesis 18:19

Iara neke vahini mae Ebraham gne mala thofno mae kheragu thegu neku. Eghume iara ginauna na cheke thakleni ka mae Ebraham nate roꞌeni iara namono biꞌo Sodom gne mala cheke mana ka goro thugna nei vikegna teu igre mala leghuni puhigna Lord na. Iara na eni igne mala au fakeli, nei doglo eghu naiknore. Eghuteuna kate filoni iara vikegna mae Ebraham te thofno leghuni puhigu iara na, iara ginauna na tusu ranghini mae Ebraham unha teke nhaꞌa chekeni iara ka mana na.”

Jenesis 13:8

Aonu mae Ebram ne cheke eghu ka mae Lot, “Theome keli te au mei kaisei magra fari hoteida tapa nei fari hoteidi noda mae gloku gre teuna. Naugna tapa gne kaisei vike ngala.

Jenesis 12:16

Mae king filoni Sarai ne magnahagheni fara naꞌa. Naugna igne mae king na ne keli fara ranghini mae Ebram ne tusu ranghini mana kmana sipu, buluka, dongki, kamel, nei nogna nalhaꞌu nei gaꞌase eghu mala loku.

Proveb 17:17

Kheramu iagho na namha nigho iagho fabrahu. Eghuteuna thabusimu na togho nigho ka vido te ninhigrana.

Jenesis 14:16

Aonu mae Ebram neke hata fapulo gobigna lepo teke blau hatimare mae thara gre ka magra biꞌo ka phei namono Sodom ghe Gomora gre. Mae Ebram jaola neke hata fapuloni mae Lot, mae nebugna na baludi nogna thua lepo fateo re, nei jaola hata fapulo gaꞌase nei keha naikno eghu teke sneka balugna mae Lot ka magra igne.

Jenesis 17:23

Funu ka narane igne mae Ebraham leghuni chekegna God na ne salo fodudi goro thugna mae Ismael, nei nogna mae sneka te gnafa teke foli mae Ebraham ka keha naiknore, eghu balugna mae Ismael nei mae te gnafa teke karha mei ka sugagna thegna mae Ebraham teure ne kafe tohi fagaglana.

Ululahu Kings 15:20

Aonu King Ben-Hadad ne kaisei gaoghatho ka nogna cheke King Asa igne ne kurudi hatimare mae komanda balugna nogna armi na ne tei magra Israel. Ka magra igne, King Ben-Hadad ne uludi thilo namono igre, Ijon, Dan nei Abel-Bet-Maka, nei vido te namo ka Kholo Galili, nei ka nohi Naftali.

Profet Jeremaea 41:12

mare ne tei ke leghugna mana. Eghuteuna mare tei ne thafoni mae Johanan rhegna khora khoꞌu Gebiꞌon.

Ululahu Samuel 30:19

Mana kafe atha fapulo ne gnafa goro mae majaghani, mae biꞌo, naikno biꞌo, sua nalhaꞌu, gaꞌase, nei gobigna lepo teke blau hatimare mae Amalek ra.