Jenesis 14:13 - Buka Blahi Ka Cheke Holo

¹³ Nu kaisei mae teke rikha ka magra na ne tei posa ka mae Ebram. Mana tei ne toutonu ka mae Ebram eigna mae Lot nei eidi phei namono Sodom ghe Gomora gre. Mae Ebram gne tei au neu rhegna nogna gaju biꞌo mae Mamre na. Mae Mamre gne kaisei mae ka vikegna mae Amo, eghuteuna mana au phei mae thabusigna, mae Eskol ghe mae Aner. Thilo mae igre kheragna fofodu mae Ebram.

Jenesis 14:13 ပူးပေါင်းရင်းမြစ်များ

Jenesis 13:18

Aonu mae Ebram ne jifla ka vido igne ne tei au ka namono Hebron. Jare mana ne hohoro haghe nogna suga tapuale na rhegna gaju biꞌo Mamre. Aonu mana ne hohoro nogna olta Lord na jare.

Jenesis 14:24

Iara theome hata kaisei glepo ka namono teke tei magra iara na, nu gano mala ima mae teke tei balugu re kolho. Eghume iara theome tangomana te foli gano mala teke tughu fapulodi ka iagho re. Thilo mae kheragu iara igre, mae Aner nei mae Eskol nei mae Mamre eghu kolho teke hata katha nodi vido ka unha teke uludi ghehati ka magra na. Iara tore nigho iagho mala snakredi thilomare te mala hata nodi glepo tuare.”

Jenesis 40:15

Ulu lahu na mare neke blau ghau iara ka namonomi ghehati mae Hibru gre neke hata mei ghau iara agne. Eghuteuna kate au teu iara agne Ijep na iara neke theome eni kaisei najafra. Nu mare neke fiti lilisei ghau iara ka bara igne, kate theo nafugna kolho.”

Filipae 2:5

Gaoghathomi nei puhimi teu ghotilo re mala jateula gaoghathogna nei puhigna eghu mae Jisas Kraes.

Fapea Korin 11:22

Mare cheke fahaehaghedi fara te mae Hibru, mae Israel nei vikegna mae Ebraham teuna. Uve, iara jaola tangomana te cheke fahaehaghe ghau jateula mare teuna.

Profet Jona 1:9

Aonu, mae Jona ne cheke eghu ka mare, “Iara kaisei mae Hibru, iara tufru soruni Lord God gna kligna, mae ihei teke vuavuhadi moumolu nei thongna.”

Thoutonu Eigna Mae Job 1:15

Keha maedi Seba igre megei nga ne mei magra ka ghehati. Eghuteuna mare kafe aknu falehe gnafa nou mae gloku iagho ra nei hata tei nou sipu, nei kamel, nei buluka nei dongki teura. Iara thegu kolho te rikha te mei te cheke ka iagho na.”

Ululahu Samuel 4:12

Kaisei mae ka tharaknagna mae Benjamin teke rikha ka magra na, mana ne tei posa Saelo ka narane tuanala. Mana ne rerheku nogna pohe na ne ghiha glose ka phaꞌugna na fagaglana te diꞌanagnafa na.

Naba 21:21

Aonu mae Israel gre ne kuru teidi keha mae mala tei cheke ka mae King Sihon, mae igne mae ka vikegna Amoa. Mare ne ghusna eghu ka mana,

Eksodas 2:11

Kaisei narane, kate rheta tela biꞌohi na, Moses tei ne sighodi kheragna mae Hibru gre, eghuteuna mana filodi maedi Ijep gre huhurudi mare mala loku heta fara. Ka narane tuana, mana ne filoni kaisei maegna Ijep ne puri fadiꞌani kaisei maegna Hibru.

Eksodas 2:6

Kate tothora naꞌa kharaꞌo igne, naꞌa ne filoni mae sua nalhaꞌu igne ne tanhi neu. Aonu thugna king igne ne kokhoni nognani ne cheke eghu, “Igne thudi mae Hibru.”

Jenesis 43:32

Mae Josep thegna ka keha tevo na nei hatimare mae thabusignare thedi ka keha tevo na. Eghuteuna hatimare mae Ijep te au balugna mae Josep gre mare thedi ngau ka keha tevo na, naugna ka nodi kastom mae Ijep re mare theome tangomana te ima fodu baludi mae Hibru re.

Jenesis 41:12

Kaisei mae majaghani gna Hibru neke au balumi ghepa ka sosolo jare. Mana kaisei nogna mae gloku mae kapten di hatimare mae soldia te mala reireghigna nou suga iagho gne. Ghepa neke toutonu ka mana nomi mifire. Aonu mana neke rurutha ranghi ghami ghepa u gaoghathodi nomi mifi ghepa re neku.

Jenesis 39:14

naꞌa ne ehadi mae glokure ne cheke eghu, “Filo si ghotilo! Khetogu iara gne ne hata ne mei maegna Hibru gne ka noda suga gne la famamaja ghita tahati gognaro na. Mana neke mei ka nogu chogho iara gne ne tore ghau iara mala thuru balugna neu. Nu iara ne eha fabiꞌo fara.

Jenesis 18:1

Kaisei fata ke leghugna igne, Lord ne mei thakle ka mae Ebraham rhegna gaju biꞌo na te au ka namono Mamre. Mana gnokro neu ka grengathagna nogna suga tapuale na kate brana fara naprai na.

Jenesis 21:27

Aonu mae Ebraham ne hata keha sipu nei buluka eghu ne tusu lao ka mae Abimelek, aonu phiamare ne eni kaisei nhaꞌa cheke.

Jenesis 21:32

Ke leghugna teke eni nhaꞌa cheke igne jare Bereseba na, mae Abimelek ghe Fikol neke pulo Filistia.

Eksodas 3:18

“Mae te mala baubatu ka naiknodi Israel igre ginauna fanomho ka cheke igne, eghuteuna iagho ginauna tei baludi mare mala cheke ka king. Ghotilo mala cheke eghu ka mana, ‘Lord, nomi God ghehati mae Hibru, la meihi ka ghehati, eghuteuna ghehati magnahaghei nigho iagho te snakre ghami te mala tei ka namono nagou nabagna thilo narane mala fafara ka mana.’

Naba 13:23

Kate thoke lao mare ka gloha Eskol, mare tei ne kato nure gna gaju grep te ure re. Nure gna gaju grep igre tahu fara, eghume keha phei mae te pala gna na eghu. Eghuteuna mare jaola atha keha sisi pomegranet baludi keha sisi gna gaju fig.

Jenesis 21:24

Mae Ebraham ne cheke eghu, “Uve, te chekeni iara ke ulugna God na, iara ginauna na lolokeli nigho iagho.”

Ululahu Samuel 29:3

Nu kate filoni mae Devet na, hatimare mae komanda ka armi gna Filistia igre ne cheke eghu, “Tore, mala tei aheva si charadi Hibru igrea?” Nu mae funei Akis ne cheke eghu, “Tifa na mae Devet gne neke kaisei nogna mae biꞌo mae king Sol, maegna Israel. Mana au raughahi balugu iara. Funu ka narane te au balugu iara te ghilei mei posa ka narane igne, iara theome filoni kaisei glepo te diꞌa te eni mana na.”