Jenesis 13:18 - Buka Blahi Ka Cheke Holo18 Aonu mae Ebram ne jifla ka vido igne ne tei au ka namono Hebron. Jare mana ne hohoro haghe nogna suga tapuale na rhegna gaju biꞌo Mamre. Aonu mana ne hohoro nogna olta Lord na jare. အခန်းကိုကြည့်ပါ။ |
Nu kaisei mae teke rikha ka magra na ne tei posa ka mae Ebram. Mana tei ne toutonu ka mae Ebram eigna mae Lot nei eidi phei namono Sodom ghe Gomora gre. Mae Ebram gne tei au neu rhegna nogna gaju biꞌo mae Mamre na. Mae Mamre gne kaisei mae ka vikegna mae Amo, eghuteuna mana au phei mae thabusigna, mae Eskol ghe mae Aner. Thilo mae igre kheragna fofodu mae Ebram.
Mae kmagna na ne cheke eghu ka mana, “Iagho na tei jare mala filodi hatimare mae thabusimu ra glahula te au fakeli ghu theo ghu teu mare na. Iagho jaola tei mala filodi u sipu ra glahula te au fakeli ghu theo ghu teu reꞌe na. Kate tei iagho te filodi mare na iagho ke pulo mei ka iara eghu mala ke toutonu ranghi ghau iara.” Ka narane igne, mae Jekop nei hatimare eghu au neu ka glogu Hebron. Aonu mae Josep jifla ka namono na ne tei posa Sekem.
Ke leghugna te lehehi mae Sol ghe mae Jonatan igne, mae Devet ne tarai eghu ka Lord, “Lord, iara tangomana te tei au ka kaisei namono jare Juda na, ba theo?” Lord ne cheke eghu, “Uve, iagho tangomana te tei na.” Aonu mae Devet ne cheke eghu ka Lord, “Ka namono aheva nate tei au iara na?” Lord ne cheke eghu ka mana, “Iagho tei au ka namono Hebron.”